Ésaïe 17:1 - Mbeti ti Nzapa - Tënë so amu fini

¹ Nengo tënë na ndö ti Damas. Baa, Damas ayeke kiri ti ngba gbata pepe, gi gba ti atêne laa ayeke ngba.

Ésaïe 17:1 ပူးပေါင်းရင်းမြစ်များ

Tongo nda ti aye 14:15

Lo kangbi ya ti azo ti lo ni titene ala kue atuku na ndö ti awato ti lo na bi. Lo hon ndö ti ala si lo tumba peko ti ala ngbii asi na Hoba so ayeke na mbage ti Banga ti Damas.

Tongo nda ti aye 15:2

Abram akiri tënë, atene: “Kota Gbia NZAPA, nyen laa mo ye ti mu na mbi, nyen? Mbi du molenge pepe ngbii si mbi yeke kui so. Zo so ayeke mu ande aye ti peko ti mbi, ayeke Eliezer, zo ti gbata ti Damas.

1 Agbia 11:24

Na ngoi ni so, David afâ aturugu ti Hadadezer mingi. Tongaso Rezon abongbi azo na tere ti lo si lo ga makonzi ti ala. Lo gue na Damas, lo sara kodro kâ. Na pekoni lo le-gbia na Damas.

2 Agbia 16:9

Gbia ti Asirii ayeda na tënë ti Ahaz. Gbia ti Asirii ague ti tiri bira na gbata ti Damas si lo mu gbata ni. Lo gbu azo ti gbata ni, lo gue na ala na gbata ti Kir si lo fâ Resin.

1 Mbai 18:5

Azo ti Sirii so aduti na Damas aga ti mu maboko na Hadadezer, gbia ti Soba; me David ahon ndö ti ala na bira si lo fâ ala 22 000.

2 Mbai 28:23

Lo mu *asandaga na anzapa ti Damas so lani akinda lo so. Lo tene na be ti lo, lo tene: “So anzapa ti agbia ti Sirii ayeke mu maboko na ala so, ayeke nzoni mbi mu *sandaga na anzapa ni so si fade ala yeke mu na mbi maboko.” Me anzapa so asara si Ahaz na azo ti Israel ati.

2 Mbai 28:5

Tongaso, KOTA GBIA, Nzapa ti lo azia lo na maboko ti gbia ti Sirii. Gbia ni aso benda na ndö ti Ahaz, lo gbu gba ti azo si lo gue na ala na Damas. KOTA GBIA azia nga Ahaz na maboko ti Peka, molenge ti Remalia, gbia ti Israel si lo fâ azo ti Ahaz gbani gbani.

Ésaïe 10:9

Ye so asi na gbata ti Kalne, ni laa asi na gbata ti Karkemish pepe? Ye so asi na gbata ti Hamat, ni laa asi na gbata ti Arpad na ti Samarii nga na Damas pepe?

Ésaïe 13:1

Nengo tënë na ndö ti Babilone; ye so Ésaïe, molenge ti Amoz abaa na ya ti mbeni ye tongana bango-li.

Ésaïe 15:1

Nengo tënë na ndö ti Moab. Gbata ti Ar-Moab, a buba ni gi na bi ni oko, ye oko angba na ya ni pepe. Gbata ti Kir-Moab, a buba ni gi na bi ni oko, ye oko angba na ya ni pepe.

Ésaïe 19:1

Nengo tënë na ndö ti Ezipte. Baa KOTA GBIA ayeke tambula na ndö ti mbinda so ayeke hon hio hio, lo yeke ga na Ezipte. Ayanda ti Ezipte ayeke do na mbeto na dawa ti lo; be ti azo ti Ezipte afun kue.

Ésaïe 25:2

Mo sara si gbata ni aga gba ti atêne. Gbata so a sara ngangu gbagba na tere ni, mo sara si abuba kue. Yangbo ti awande akpa gbata mbeni pepe, zo ayeke kiri ti leke ni laoko pepe.

Ésaïe 37:26

Senakerib, mo hinga pepe? Mbi leke aye so ngbene ye aninga awe, mbi leke pialo ni na be ti mbi giriri. Fadeso mbi yeke sara aye ni. Ti mo, ayeke ti sara si agbata so ngangu gbagba ayeke na tere ni aga gba ti atêne.

Ésaïe 7:16

Kozo titene molenge ni ahinga ti ke ye ti sioni na ti soro ye ti nzoni, sese ti agbia use so mo yeke sara mbeto ti ala so, fade sese ni ayeke ngba senge senge.

Ésaïe 7:8

Biani, Damas ayeke li-kodro ti Sirii, Resen ayeke gbia gi na Damas. Angba ngu baleomene na oku titene azo aga ti buba sese ti Efraim kue; Efraim ayeke kiri ti ngba mara pepe.

Ésaïe 8:4

Biani, kozoni titene molenge ni ahinga ti tene: ‘babâ’ na ‘mama’, fade azo ayeke mu amosoro ti gbata ti Damas na aye so ala gbu na peko ti bira na Samarii ti gue na ni na gbia ti Asirii.”

Jérémie 49:2

Ndani laa, ambeni lango ayeke ga so mbi yeke sara titene azo ama dekongo ti bira na Raba, li-kodro ti azo ti mara ti Amon; so tënë ti yanga ti KOTA GBIA laa. Fade gbata ni ayeke ga ngonda, wâ ayeke gbi akete kodro so ayeke na tere ni. Na pekoni, Israel ayeke kiri ti mu ye so ayeke lani ti lo.” Tënë so KOTA GBIA atene laa.

Mishe 1:6

KOTA GBIA atene: “Ndali ti ye so ala sara so, fade mbi yeke sara titene gbata ti Samarii aga ndo so ye kue abuba daa, wala aga sese so azo ayeke lu gi *vinye daa. Mbi yeke sara titene atêne ti gbata ni alondo ti tuku na popo-hoto; mbi yeke sara titene agere ti gbata ni asigigi kue.

Mishe 3:12

Ndani laa, ndali ti ala, fade Sion ayeke ga tongana yaka so a de ni awe, Jérusalem ayeke ti kue na sese si hoto so kota da ti Nzapa ayeke daa, ndö ni ayeke ga ngonda.

Zakarii 9:1

Nengo tënë ti *KOTA GBIA. Tënë ti KOTA GBIA ague, asi na sese ti Hadrak, tënë ni ague, aluti na gbata ti Damas. Biani, le ti KOTA GBIA ayeke gi na ndö ti amara ti Israel oko pepe, me le ti lo ayeke nga na ndö ti azo kue.

Awatokua 9:2

lo hunda na lo titene lo mu na lo ambeti so amu na lo lege ti gue na Damas ti li na ya ti ada ti sambelango Nzapa. Tongana lo wara ambeni koli na wali so amu lege ti Jésus, lo gbu ala si lo ga na ala na Jérusalem.

Ndia ti fani use ni 13:16

fade ala yeke fâ azo ti gbata ni kue, ala yeke fâ nga anyama kue. Na pekoni, ala yeke buba gbata ni na aye ti ya ni kue: