Ésaïe 16:9 - Mbeti ti Nzapa - Tënë so amu fini

⁹ Ndani laa, mbi na azo ti Yazer e yeke toto ndali ti yaka ti vinye ti Sibma. Mo Heshebon, mo Elale, ngu ti le ti mbi ayeke yuru gbani gbani na ndö ti ala tongana ngu so ayeke sua. Biani, dekongo ti bira ati na ndö ti ale ti vinye ti ala nga na ale ti kobe ti ala.

Ésaïe 16:9 ပူးပေါင်းရင်းမြစ်များ

Ésaïe 9:3

Biani, *zuge so lani ane azo ni, keke so a yeke pika na peko ti ala, nduru keke so makonzi ti kua ti ala ayeke pika na ala, mo fâ ya ni tongana ti so mo sara ando na lango so mo kinda azo ti Madian.

Jérémie 40:10

Ti mbi, mbi yeke ngba ge na Mispa ti luti na iri ti ala na le ti azo ti Babilone so ayeke ga na ndo ti e. Me ti ala, ala ko ale ti *vinye, ale ti keke na mafuta, ala bata ni; ala ngba na ya ti agbata so ala mu ti duti daa.”

Jérémie 40:12

Tongaso azo ti Juda kue alondo na ando so kue a kangbi ala lani daa, ala kiri na sese ti Juda na tere ti Gedalia, na gbata ti Mispa. Kâ, ala ko gba ti ale ti vinye na ale ti keke.

Ezekiel 27:31

Ndali ti mo, azo ni ayeke kio kua ti li ti ala si ala yeke yu bongo ti mua. Ala yeke toto na ndö ti mo na vundu na be ti ala; ala yeke dema tere na mawa.

Ezekiel 32:18

“*Molenge ti zo, toto na ndö ti azo ti Ezipte so ayeke gbani gbani so. Ayeke nzoni bia ti mo ni asara si ala na azo ti amara nde azu na gbe ti sese, ala na ambeni so ayeke zu na ndo ti akuâ.

Awafango-ngbanga 9:27

Ala londo ague na yaka ti *vinye ti ala, ala ko ale ti vinye ni, ala pete ni; na pekoni ala leke mbeni matanga. Ala gue na ya ti da ti nzapa ti ala, ala te, ala nyon si ala deba Abimelek.