Ésaïe 16:7 - Mbeti ti Nzapa - Tënë so amu fini

⁷ Me fadeso, azo ti Moab ayeke dema tere ndali ti Moab. Ala kue ayeke he bia ti demango tere ndali ti agatoo so a sara na le ti *vinye so a sara na Kir-Heres. Na vundu na be, ala yeke dema.

Ésaïe 16:7 ပူးပေါင်းရင်းမြစ်များ

2 Agbia 3:25

Ala buba agbata, zo oko oko atuku atêne ti lo na le ti anzoni sese ti yaka si atêne asi singo na le ti sese ni; ala kanga ali ti ngu kue, ala fâ na sese akeke so kue ayeke le ka anzoni lengo ni. Gi gbata ti Kir-Heres oko laa angba nzoni; me azo so ayeke zia têne na yanga ti kamba ti bo na anyama, ala laa angoro gbata ni si ala mu na lege ti bira.

1 Mbai 12:40

Ala sara lango ota kâ na tere ti David, ala te, ala nyon aye so a-ita ti ala, azo ti kodro aleke ndali ti ala.

1 Mbai 16:3

Na pekoni, lo kangbi kobe na azo ti Israel kue, akoli na awali, zo oko oko awara mapa oko, gba oko ti aholengo le ti date so akpa gatoo na gba oko ti aholengo le ti *vinye.

Ésaïe 16:11

Ndani laa mbi yeke toto na vundu ndali ti Moab tongana kundi so atoto. Be ti mbi aso mingi ndali ti Kir-Heres.

Ésaïe 8:19

Ambeni zo ayeke tene: “Ala gue, ahunda yingo ti akuâ nga na azo so ayeke fa ye so ayeke si kekereke, azo ni ayeke huru yanga ti ala si ala yeke tene tënë na gbe ti go ti ala. Mbeni mara alingbi ti gue ti baa anzapa ti lo pepe? Ala lingbi ti tene tënë na akuâ ndali ti azo so ade na fini pepe?” Tongana azo ni atene na ala amara ti tënë tongaso,

Jérémie 48:20

Fade azo ni ayeke kiri tënë: “A nika Moab awe! Kamene ahon ndö ti kodro ni awe!” Ala dekongo, ala dekongo ngangu! Ala to mbela na tënë ni na tere ti ngu ti Arnon, ala tene: Moab ati awe!

Jérémie 48:31

Ndani laa, mbi yeke he bia ti totongo kuâ ndali ti Moab, mbi yeke dekongo ti iri ndo ndali ti azo ti Moab kue, mbi yeke dema ndali ti azo ti Kir-Heres.