Ésaïe 16:14 - Mbeti ti Nzapa - Tënë so amu fini

¹⁴ Fadeso, KOTA GBIA atene: “Na peko ti ngu ota, so ti tene mbeni lango oko ayeke ti na ndö ni pepe, akota zo ti Moab na gba ti azo ti kodro ni ayeke ngba zo pepe. Gi azo kete laa ayeke ngba ande, wungo ti ala ayeke kpa ye oko pepe.”

Ésaïe 16:14 ပူးပေါင်းရင်းမြစ်များ

Tongo nda ti aye 31:1

Jacob ama a tene, amolenge ti Laban ayeke tene: “Jacob amu aye ti babâ ti e kue si lo ga zo ti mosoro mingi gi ndali ti aye ti babâ ti e so lo mu ni so.”

Esther 5:11

Lo to nda ti fa na ala gba ti mosoro so lo yeke na ni, gba ti amolenge so lo yeke na ni; lo fa nga na ala lege so gbia amu nengo mingi na lo; lege so lo zia lo ti ga makonzi na ndö ti akota zo nga na ndö ti azo ti kua ti gbia kue.

Mbeti ti Job 14:6

Tongaso, alingbi mo baa ndo na mbage ti lo pepe, mo zia lo kpoo titene tere ti lo anzere tongana ti zo ti kua so awara futa ti lo ti lango oko.

Mbeti ti Job 7:1

Fini ti zo na ndö ti sese so ayeke ngangu mingi. Alango ti lo ayeke tongana alango ti azo so a gbu ala na ngangu ti sara kua.

Ésaïe 11:14

Na mbage ti Do, ala yeke ti na ndö ti azo ti Filistii; na mbage ti To, ala kue ayeke nzi ye ti amara so ayeke na benyama: azo ti mara ti Edom na ti Moab ayeke ti na gbe ti ala, azo ti mara ti Amon ayeke ga angbaa ti ala.

Ésaïe 15:5

Mbi dema na vundu ndali ti Moab. Azo ni akpe ngbii asi na Soar nga na Eglat-Selisia. Ala yeke toto si ala yeke ma hoto ti Luhit. Na lege ti guengo na Horonaim, ala yeke dekongo, atene: “Ye kue abuba awe!”

Ésaïe 16:13

Baa tënë so *KOTA GBIA atene ando giriri na ndö ti Moab laa.

Ésaïe 17:4

Na lango ni so, nengo ti Israel ayeke ti na gbeni; lo so lani lo kono konongo so, lo yeke kiri ti nge ngengo.

Ésaïe 21:16

Biani, *KOTA GBIA atene tënë tongaso na mbi: “Na ya ti ngu oko, so ti tene mbeni lango oko ayeke ti na ndö ni pepe, fade gonda ti Kedar ayeke hunzi.

Ésaïe 23:9

*KOTA GBIA so ayeke na ndö ti dunia kue laa aleke na be ti lo ti mingo baba ti azo so azo ayeke gonda ala, ti bi kamene na le ti akota zo ti dunia so.

Ésaïe 25:10

Maboko ti KOTA GBIA ayeke na ndö ti hoto so.” Me a yeke do Moab na gbe ti gere na ndo so lo yeke daa, tongana ti so a yeke do holengo pere na ndo so puru ti bagara ayeke daa.

Ésaïe 25:11

Kâ, Moab ayeke yoro maboko ti lo tongana ti zo ti tingo ngu. Ataa lo sara ngangu tongana nyen, KOTA GBIA ayeke sara si baba ti lo akiri na gbeni.

Ésaïe 7:16

Kozo titene molenge ni ahinga ti ke ye ti sioni na ti soro ye ti nzoni, sese ti agbia use so mo yeke sara mbeto ti ala so, fade sese ni ayeke ngba senge senge.

Jérémie 48:42

A buba ye kue na Moab awe, lo kiri lo ngba mara pepe. Lo baa fade tere ti lo kota ahon KOTA GBIA.

Jérémie 9:23

Tongana zo aye ti gonda tere ti lo, ayeke nzoni lo gonda tere ti lo, ngbanga ti so lo hinga ndo si lo hinga mbi. Ayeke nzoni zo ni ahinga atene, mbi yeke KOTA GBIA si mbi yeke sara ye na nzoni be; mbi yeke sara ye na legeni mbirimbiri na ndö ti sese. Ye so anzere na be ti mbi laa; so tënë ti yanga ti KOTA GBIA laa.”

Ndia ti fani use ni 15:8

Me fade ala yeke zi maboko ti ala ti sara boon na lo alingbi na ye so lo hunda.