Ésaïe 16:12 - Mbeti ti Nzapa - Tënë so amu fini

¹² A yeke baa azo ti Moab so awoko kue si ala yeke gue na ndo so a leke na nduzu ti voro anzapa ti ala daa; ala yeke gue na ndo so a zia ni nde ndali ti nzapa ti ala titene ala sambela, me kue gbaa.

Ésaïe 16:12 ပူးပေါင်းရင်းမြစ်များ

1 Agbia 11:7

Na ngoi ni so, Salomon aleke mbeni ndo na li ti hoto si lo zia ni nde ndali ti Kemosh, fungo nzapa ti azo ti mara ti Moab; hoto ni abaa le na gbata ti Jérusalem. Lo leke nga ndo ni ndali ti Molek, fungo nzapa ti azo ti mara ti Amon.

1 Agbia 18:29

So bekombite ahon awe, ala to nda ti sara ye tongana azo so mbeni yingo agbu ala. Ala sara ye ni ngbii asi na ngbonga ti mungo sandaga. Me ala ma mbeni go oko pepe, zo akiri tënë na ala pepe, ye oko asara nga pepe.

2 Agbia 19:12

So ababâ ti mbi abuba ando agbata tongana: Gozan, Haran, Resef nga na gbata ti Telasar so azo ti sese ti Bet-Eden ayeke lango ando daa so, anzapa ti ala azi ala na maboko ti ababâ ti mbi ni?

2 Agbia 3:27

Tongaso gbia ti Moab amu kozo molenge ti lo ti koli, lo so alingbi fade ti ga gbia na peko ti lo; lo mu molenge ni na sandaga so a yeke gbi ni kue na wâ na ndö ti gbagba ti gbata ni. Ngonzo agbu azo ti Israel ngangu mingi, nilaa ala zia lo si ala kiri na kodro ti ala.

Amato 1:28

Na lango ni so, fade ala yeke iri mbi titene mbi mu maboko na ala, me mbi yeke kiri tënë na ala pepe; ala yeke gi mbi, me ala yeke wara mbi pepe.

Ésaïe 15:2

Azo ti Dibon ague ti toto na ndo so a leke na nduzu ti voro anzapa nde daa. Na Nebo nga na Medeba, azo ti Moab ayeke he bia ti demango tere. A kio kua ti li ti azo kue, a fâ kua ti yanga ti azo kue.

Ésaïe 16:13

Baa tënë so *KOTA GBIA atene ando giriri na ndö ti Moab laa.

Ésaïe 26:16

KOTA GBIA, na ya ti ye ti ngangu, e baa ndo na mbage ti mo. Na ndembe so mo pika e, e yeke sambela mo na gbe ti go ti e.

Ésaïe 37:38

Mbeni lâ, so lo yeke sambela na ya ti da ti nzapa ti lo Nisrok, amolenge ti lo Adramelek na Sareser afâ lo na yongoro zeme si ala kpe ague na sese ti Arara. Molenge ti lo Asaradon laa aga gbia na peko ti lo.

Ésaïe 47:13

Mo woko awe na bango azo ti gingo nda ti atongoro! Ala yeke baa le ti nduzu si nze na nze ala yeke fa ye so alingbi ti si na mo. Ayeke nzoni ala ga, ala soo mo!

Jérémie 10:5

Ayanda ni so ayeke tongana mbeni gbagba ye so a zia na yaka ti akugbe ti kasa ti tumba na andeke; ayanda ni ayeke tene tënë pepe, a yeke yo ala yongo, ngbanga ti so ala lingbi ti tambula pepe. Ala sara mbeto ti ayanda ni so pepe: ala yeke sara sioni na zo pepe; ataa nzoni ye kue, ala lingbi nga ti sara ni pepe.”

Jérémie 48:13

Fade Kemosh, nzapa ti Moab ayeke bi kamene na le ti lo tongana ti so Betel, nzapa ti Israel abi kamene na le ti lo. Andaa Israel azia ando be ti lo kue na ndö ti nzapa ni so.

Jérémie 48:35

“Azo so kue ayeke na Moab si ayeke gue na ndö ti ahoto ti ya asandaga so a yeke gbi ni kue na wâ na anzapa ti ala, fade mbi yeke hunzi ala kue”; so tënë ti yanga ti KOTA GBIA laa.

Jérémie 48:46

So mawa na mo, Moab! Ala, azo ti nzapa Kemosh, ti ala ahunzi awe! A gbu amolenge ti ala ti koli na ti wali, a gue na ala na kodro wande.

Jérémie 48:7

Moab, ando mo zia be ti mo na ndö ti asarango ye ti mo nga na ndö ti amosoro ti mo. Mo nga, a gbu mo awe! Fade a yeke gbu nzapa ti mo Kemosh ti gue na lo na lo na kodro wande, lo na awayango-sandaga ti lo na amakonzi ti lo.

Wungo ti azo 21:28

Wâ asigigi na gbata ti Heshebon, menga ti wâ asigigi na gbata ti gbia Sihon; wâ agbi gbata ti Ar so ayeke na sese ti Moab, agbi akota zo ti ndö ti akete hoto so ayeke na tere ti ngu ti Arnon.

Wungo ti azo 22:39

Balaam na Balak ague, asi na Kiriat-Husot.

Wungo ti azo 22:41

Na ndaperere, Balak amu Balaam si lo na lo ague na Bamot-Baal. Kâ, zo alingbi ti baa mbeni mbage ti azo ti Israel.

Wungo ti azo 23:14

Balak ague na Balaam na mbeni ndo so zo ayeke duti daa ti baa awato, na li ti hoto ti Pisga. Na ndo so lo kiri lo sara gbalaka mbarambara si lo gbi koli-bagara oko na koli-taba oko na ndö ti gbalaka oko oko.

Wungo ti azo 23:28

Balak ague na Balaam na ndö ti hoto ti Peor. Tongana zo aluti na ndö ti hoto ni, lo yeke baa benyama kue.

Wungo ti azo 24:17

Mbi baa ye so ayeke si gbanda, ye ni ayeke si fadeso pepe. Mbi baa mbeni ye so ayeke si ande, ye ni ayeke si fafadeso pepe. Mbeni tongoro ayeke sigigi na popo ti *ahale ti Jacob, mbeni gbia ayeke baa gigi na popo ti azo ti Israel. Lo yeke pika azo ti mara ti Moab na keke ti lo ti gbia, lo yeke pika abio ti li ti azo ti mara ti Set.