Ésaïe 16:10 - Mbeti ti Nzapa - Tënë so amu fini

¹⁰ Ngia na nzerengo tere ahunzi awe na ya ti ayaka so akeke so a yeke te le ni tengo ayeke daa. Na ya ti ayaka ti vinye, zo ayeke kiri ti ma bia ti ngia pepe, zo ayeke kiri ti ma dekongo na ngia pepe. Zo ayeke kiri ti pete vin pepe na ya ti du so a yeke pete ale ti vinye daa, dekongo na ngia akai awe.

Ésaïe 16:10 ပူးပေါင်းရင်းမြစ်များ

Mbeti ti Job 24:11

Na ya ti gbagba ti ambeni zo, lo yeke pete mafuta ti olive; lo yeke pete le ti vinye, me lo lingbi ti nyon ni kete pepe.

Ésaïe 24:11

Na ndö ti alege, azo ayeke toto tere ti ala, ngbanga ti so vin atia, ngia kue ahunzi awe, nzerengo tere ahon na ya ti kodro ni.

Ésaïe 32:10

Ala so abaa tere ti ala atene, ala lingbi awe so, na peko ti ngu oko na ambeni lango na ndö ni, fade tere ti ala ayeke do, ngbanga ti so fango ale ti *vinye ahunzi awe, fango ale ti kobe ayeke daa mbeni pepe.

Jérémie 48:33

Ngia na nzerengo tere ahunzi awe na yaka ti Moab so a lu na ya ni akeke so a yeke te alengo ni. Vin ayeke na ya ti ata mbeni pepe, akoli ti petengo ale ti vinye ayeke daa mbeni pepe; dekongo tongana ti azo so ayeke ko ale ti *vinye ti sara na vin ahunzi awe.

Ezekiel 7:7

Ala azo ti kodro ni, ngoi ti ala alingbi awe! Lango ni aga nduru awe! Lango ti fango ngbanga aga nduru awe! Na ndö ti ahoto, gi wusuwusu, ngia ayeke daa mbeni pepe.

Joël 1:12

Akeke ti vinye ahole awe, akeke ti fige akui awe; keke ti grenade, keke ti mburu na keke ti pome, akeke ti yaka kue ahole awe. Ngia ahunzi awe na popo ti azo.

Amos 5:11

Ala yeke sara ngangu na azo ti mawa, ala yeke gbu ale ti kobe ti azo ni na ngangu. Ndani laa apendere da so ala sara na têne so, fade ala yeke lango na ya ni pepe; anzoni vinye so ala lu so, fade ala yeke nyon vin ni pepe.

Amos 5:17

Na ya ti ayaka ti *vinye kue, fade azo ayeke ma abia ti totongo kuâ na ndembe so mbi yeke hon na popo ti ala”; tënë so KOTA GBIA atene laa.

Amos 9:13

So tënë ti yanga ti KOTA GBIA laa: “Alango ayeke ga so zo so angba ti fâ yaka, mo ye ti baa, zo ti fango ale ti kobe asi awe, zo so angba ti lu ale ti *ble, mo ye ti baa, zo ti fango ale ti vinye asi awe. Na lango ni so, fade fini vin ayeke londo na ndö ti akota hoto ti sua na sese, fini vin ni ayeke sua amu ndö ti akete hoto kue.

Sofonii 1:13

Fade a yeke nzi amosoro ti ala, a yeke buba ada ti ala; ala yeke sara ada, me ala yeke lango na ya ni pepe; ala yeke fâ ayaka ti *vinye, me ala yeke nyon vin ni pepe.”

Awafango-ngbanga 9:27

Ala londo ague na yaka ti *vinye ti ala, ala ko ale ti vinye ni, ala pete ni; na pekoni ala leke mbeni matanga. Ala gue na ya ti da ti nzapa ti ala, ala te, ala nyon si ala deba Abimelek.