Ésaïe 15:5 - Mbeti ti Nzapa - Tënë so amu fini

⁵ Mbi dema na vundu ndali ti Moab. Azo ni akpe ngbii asi na Soar nga na Eglat-Selisia. Ala yeke toto si ala yeke ma hoto ti Luhit. Na lege ti guengo na Horonaim, ala yeke dekongo, atene: “Ye kue abuba awe!”

Ésaïe 15:5 ပူးပေါင်းရင်းမြစ်များ

Tongo nda ti aye 13:10

Lot ayo le ti lo na nduzu, lo baa so sese ti tere ti ngu ti Jourdain, ngu asua na ya ni nzoni mingi. Kozo titene KOTA GBIA abuba agbata ti Sodome na Gomore, nzoni sese ni ague ngbii asi na Soar, sese ni ayeke tongana yaka ti KOTA GBIA, wala tongana kodro ti Ezipte.

Tongo nda ti aye 14:2

Ala tiri bira na agbia tongana Bera ti kodro ti Sodome, Birsha ti kodro ti Gomore, Shinab ti kodro ti Adma, Shemeber ti kodro ti Seboim, na lo ti kodro ti Bela, so ti tene kodro ti Soar.

Tongo nda ti aye 19:22

Mo kpe hio, mo gue kâ titene mo soo kuâ. Mbi yeke sara ye oko pepe, ngbii mo si na ya ti gbata ni awe si.” Ndani laa azo adi iri ti gbata ni so Soar.

2 Samuel 15:23

Azo kue ati na kota toto na hongo ti azo ni. Gbia afâ ngu ti Sedron, lo na tanga ti azo so kue amu peko ti lo; ala mu lege so ague na benyama.

2 Samuel 15:30

David ayeke ma hoto ti a-olive na toto na yanga ti lo. Lo kanga bongo na li ti lo si lo yeke tambula gere senge. Azo so kue ayeke na tere ti lo ti gue na li ti hoto ni, ala nga akanga bongo na li ti ala si ala yeke toto.

Ésaïe 16:14

Fadeso, KOTA GBIA atene: “Na peko ti ngu ota, so ti tene mbeni lango oko ayeke ti na ndö ni pepe, akota zo ti Moab na gba ti azo ti kodro ni ayeke ngba zo pepe. Gi azo kete laa ayeke ngba ande, wungo ti ala ayeke kpa ye oko pepe.”

Ésaïe 22:5

Biani, laso Kota Gbia, NZAPA so ayeke na ndö ti dunia kue atokua ye ti ziango kota mbeto na be ti e, lo sara si e ti na gbe ti awato si ye aga kirikiri na e.” Na popo-hoto, ndo so ye asigigi daa na ya ti mbeni ye tongana bango-li, kota gbagba ati na sese awe; dekongo ti azo ague ngbii asi na li ti ahoto.

Ésaïe 59:7

Ala yeke mu loro ti sara sioni, ala yeke kpe ti gue ti tuku mene ti zo so asara sioni pepe. Gbungo-li ti ala ayeke gi ti sara sioni; na ndö ti alege so kue ala yeke hon daa, gi sarango ngangu na zo nga na bubango ye.

Jérémie 13:17

Tongana ala ma tënë so pepe, mbi yeke toto na hondengo ni ndali ti baba ti ala so ahon ndö ni so. Ngu ti le ti mbi ayeke sua gbani gbani, ngbanga ti so a yeke gue na ataba ti KOTA GBIA na kodro wande.

Jérémie 17:16

KOTA GBIA, mbi laa mbi pusu mo titene mo bi kpale na sese pepe. Mbi ye pepe titene lango ti kota kpale tongaso asi, mo hinga kue. Tënë so asigigi na yanga ti mbi, ni laa ayeke na le ti mo so.

Jérémie 4:19

Ae ya ti mbi! Ya ti mbi! Ya ti mbi ayeke so mbi sioni; be ti mbi kue ayeke so mbi! Ya ti mbi ni ayeke kporo kporongo. Lege titene mbi kanga yanga ti mbi ayeke daa pepe, ngbanga ti so mbi ma gi toto ti didi na dekongo ti azo ti bira.

Jérémie 4:20

Azo ayeke dekongo, atene: “Aye abuba na peko ti tere, na peko ti tere!” Biani, kodro ni kue abuba awe! Gi hio tongaso, azo abuba ada ti mbi ti bongo; ala buba nga gbefa ti mbi.

Jérémie 48:3

A ma dekongo ti azo na Horonaim, atene: ‘Ye kue abuba awe! So kota kpale ti bubango ndo!’

Jérémie 48:5

Azo ayeke toto si ayeke ma hoto ti Luhit. So azo alondo na Horonaim ti zu, a yeke ma dekongo ti mawa ndali ti aye so abuba.

Jérémie 50:46

Gi so azo ama tënë ti mungo Babilone awe, sese ayingi, azo ayeke ma dekongo ni na popo ti amara nde.

Jérémie 9:10

KOTA GBIA atene: “Mbi yeke sara titene Jérusalem aga ndo so ye kue abuba daa; ndo so aga ndo ti lango ti *anzagua. Mbi yeke sara si agbata ti Juda aga gi ngonda, ndo so zo ayeke daa mbeni pepe.”

Wungo ti azo 21:29

Mawa na ala, azo ti Moab! Ti ala ahunzi awe, azo ti vorongo Kemosh! Akoli so angba na fini, na awali, ala kue, a gbu ala na peko ti bira si a zia ala na maboko ti Sihon, gbia ti azo ti mara ti Amori.