Ésaïe 15:3 - Mbeti ti Nzapa - Tënë so amu fini

³ Na ndö ti abalabala, azo ayu bongo ti mua. Na li ti ada nga na ndo so gba ti azo ayeke wara tere daa, azo kue ayeke he abia ti demango tere si ala yeke toto.

Ésaïe 15:3 ပူးပေါင်းရင်းမြစ်များ

2 Samuel 3:31

David atene na Yoab nga na azo so kue amu peko ti lo: “Ala suru bongo ti ala, ala yu agbagba bongo, ala toto kuâ ti Abner!” Ti gbia David, lo yeke tambula na peko ti kuâ ni.

2 Agbia 6:30

So gbia ama tënë so wali so atene, lo suru bongo na tere ti lo. Ndali ti so lo yeke na ndö ti gbagba ti gbata ni, azo ti gbata ni abaa so lo yu mbeni bongo ti mua na gbe ti bongo so lo suru so; bongo ni agbu tere ti lo gbungo.

Ésaïe 15:2

Azo ti Dibon ague ti toto na ndo so a leke na nduzu ti voro anzapa nde daa. Na Nebo nga na Medeba, azo ti Moab ayeke he bia ti demango tere. A kio kua ti li ti azo kue, a fâ kua ti yanga ti azo kue.

Ésaïe 22:1

Nengo tënë na ndö ti popo-hoto, ndo so mbeni ye asigigi daa na ya ti mbeni ye tongana bango-li. Jérusalem, nyen laa asara si azo ti mo kue ama na li ti da so?

Ésaïe 22:4

Ndani laa mbi tene na ala: “Ala zia mbi, mbi toto ngangu mingi. Kota kpale asi na azo ti mbi, ala tara ti de be ti mbi pepe.

Ésaïe 3:24

Afungo ka laa ayeke mu plase ti yombo, senge kamba laa ayeke mu plase ti pendere kamba ti ndö ti bongo, kiongo kua ti li laa ayeke mu plase ti pendere pete, agbagba bongo laa ayeke mu plase ti abongo ti matanga. Kamene laa ayeke mu plase ti sarango pendere.

Jérémie 19:13

Mbi yeke sara si ada ti azo ti Jérusalem na ada ti agbia ti Juda aga *sioni tongana ndo so ayeke na Tofet. Biani, na li ti ada so kue, azo azö dukani ndali ti gba ti atongoro, ala tuku samba ti mu na sandaga na anzapa nde.”

Jérémie 48:37

Akoli kue akio kua ti li ti ala, ala fâ kua ti yanga ti ala, ala suru tere ti amaboko ti ala na ka si ala yu bongo ti mua.

Abia ti demango tere 2:10

*Akangba ti gbata ti Sion aduti gi na sese, tënë ahunzi na yanga ti ala awe; ala yu abongo ti mua, ya ti li ti ala kue gi na fuku ti sese. Amaseka-wali ti gbata ti Sion aduti aba li ti ala na sese.

Ezekiel 7:18

Ala yeke yu bongo ti mua, ala yeke do na mbeto. Kamene ayeke gbu le ti ala, ala yeke kio kua ti li ti ala.

Amos 8:10

Fade mbi yeke sara si amatanga ti ala aga ngoi ti vundu; abia ti ala ayeke ga abia ti totongo kuâ. Fade mbi yeke sara si azo kue ayeke yu bongo ti mua si ala yeke kio kua ti li ti ala; mbi yeke sara si ala yeke sara mua tongana ti so a yeke sara mua ndali ti oko molenge ti ya ti sewa so akui. Na lango ni so, fade aye so kue ayeke hunzi na ya ti mawa.”

Matthieu 11:21

Lo tene na ala: “Mawa na mo, gbata ti Korazen! Mawa na mo, gbata ti Betsaida! Biani, tongana aye ti kpene so asi na ndo ti ala so asi ando na sese ti Tir na ti Sidon, ka azo ni ayu bongo ti mua, ala tuku mburu ti wâ na li ti ala aninga awe ti fa atene, ala zia ngbene lege ti sarango ye ti ala awe!

Ndia ti fani use ni 22:8

Tongana mo sara fini da, alingbi mo leke kete gbagba angoro li ti da ni na nduzu. Tongaso, fade tënë ayeke ga na li ti mo pepe, tongana mbeni zo alondo na li ti da ni ati akui.

Jacques 5:1

Ala azo ti mosoro, ala ma si! Ala dekongo, ala toto ndali ti pasi so ayeke ga ande na ndö ti ala!

1 Samuel 5:12

Azo so akui pepe so, Nzapa azia kobela ti sukungo ye na tere ti ala, ala yeke dekongo na mawa si dekongo ni ague ngbii asi na yayu.