Ésaïe 15:2 - Mbeti ti Nzapa - Tënë so amu fini

² Azo ti Dibon ague ti toto na ndo so a leke na nduzu ti voro anzapa nde daa. Na Nebo nga na Medeba, azo ti Moab ayeke he bia ti demango tere. A kio kua ti li ti azo kue, a fâ kua ti yanga ti azo kue.

Ésaïe 15:2 ပူးပေါင်းရင်းမြစ်များ

2 Samuel 10:4

Tongaso, Hanun agbu azo ti kua ti David, lo kio mbage ti kua ti yanga ti ala, lo fâ bongo ngbii asi na ngbonda ti ala si lo tumba ala.

1 Mbai 19:4

Tongaso, Hanun agbu azo ti kua ti David, lo kio kua ti yanga ti ala, lo fâ bongo ti ala ngbii asi na ngbonda ti ala si lo tumba ala.

Mbeti ti Job 1:20

Tongaso Job alondo, lo suru kota bongo ti lo ti de si lo kio kua ti li ti lo. Na pekoni, lo ti, lo kpo li ti lo na sese

Ésaïe 14:31

Ala ayanga ti gbata, ala dema tere ti ala ma! Ala agbata, ala dekongo ma! Sese ti Filistii kue awoko kue awe: mbeni ngbongboro guru ti wâ alondo na Banga si ayeke ga. Na mbage ti awato, ala kue abongbi tere ti ala, zo oko angba na peko pepe.

Ésaïe 15:3

Na ndö ti abalabala, azo ayu bongo ti mua. Na li ti ada nga na ndo so gba ti azo ayeke wara tere daa, azo kue ayeke he abia ti demango tere si ala yeke toto.

Ésaïe 16:12

A yeke baa azo ti Moab so awoko kue si ala yeke gue na ndo so a leke na nduzu ti voro anzapa ti ala daa; ala yeke gue na ndo so a zia ni nde ndali ti nzapa ti ala titene ala sambela, me kue gbaa.

Ésaïe 16:7

Me fadeso, azo ti Moab ayeke dema tere ndali ti Moab. Ala kue ayeke he bia ti demango tere ndali ti agatoo so a sara na le ti *vinye so a sara na Kir-Heres. Na vundu na be, ala yeke dema.

Ésaïe 22:12

Na lango ni so, Kota Gbia, NZAPA so ayeke na ndö ti dunia kue, airi ala ti toto, ti dema tere, ti kio kua ti li ti ala, ti yu bongo ti mua.

Ésaïe 3:24

Afungo ka laa ayeke mu plase ti yombo, senge kamba laa ayeke mu plase ti pendere kamba ti ndö ti bongo, kiongo kua ti li laa ayeke mu plase ti pendere pete, agbagba bongo laa ayeke mu plase ti abongo ti matanga. Kamene laa ayeke mu plase ti sarango pendere.

Jérémie 3:21

A ma go ti azo na li ti ahoto kâ: azo ti Israel laa ayeke toto si ayeke dema tere so, ngbanga ti so ala sara aye ti kirikiri mingi; ala girisa KOTA GBIA, Nzapa ti ala awe.

Jérémie 47:2

Tënë so KOTA GBIA atene ayeke so: “Baa, ngu so asuku alondo na Banga ti ga; aga ngu so ayeke sua ngangu, asuku amu le ti kodro kue nga na aye so ayeke na ya ni; amu agbata na azo so ayeke lango na ya ni. Azo ato nda ti dekongo; azo ti kodro kue ayeke he bia ti totongo kuâ.

Jérémie 47:5

Na Gaza, azo afâ kua ti li ti ala; na Askalon, ndo ade ngii. Ala azo so ayo mingi si ala ngba na fini so, ala yeke ngba ti suru tere ti ala na ka ngbii asi lawa?

Jérémie 48:1

Tënë na ndö ti Moab. Tënë so *KOTA GBIA so ayeke na ndö ti dunia kue, Nzapa ti Israel atene ayeke so: “So mawa na azo ti Nebo: azo abuba gbata ni awe! So ye ti kamene na gbata ti Kiriataim: a mu gbata ni na bira awe! So ye ti kamene na gbata so ngangu gbagba ayeke na tere ni: a kungbi gbagba ni na sese awe!

Jérémie 48:18

Mo, zo ti gbata ti Dibon, londo na ndö ti mbata ti mo ti gbia, mo zu, mo duti na ndö ti kuru sese. Biani, zo so abuba kodro ti Moab so, lo yeke ga ti tiri bira na mo; lo yeke kungbi na sese gbagba ti mo ti bira.

Jérémie 48:31

Ndani laa, mbi yeke he bia ti totongo kuâ ndali ti Moab, mbi yeke dekongo ti iri ndo ndali ti azo ti Moab kue, mbi yeke dema ndali ti azo ti Kir-Heres.

Jérémie 48:35

“Azo so kue ayeke na Moab si ayeke gue na ndö ti ahoto ti ya asandaga so a yeke gbi ni kue na wâ na anzapa ti ala, fade mbi yeke hunzi ala kue”; so tënë ti yanga ti KOTA GBIA laa.

Jérémie 49:3

Ala, azo ti Heshebon, ala he bia ti totongo kuâ, ala tene: “A buba gbata ti Ai kue awe!” Ala, akete kodro so ayeke nduru na Raba, ala dekongo ngangu! Ala yu bongo ti mua, ala dema tere, ala tambula asi kâ, asi ge na ya ti gbagba: a gbu nzapa Milkom ti gue na lo na kodro wande, lo na awayango-sandaga ti lo na amakonzi ti lo.

Jérémie 7:29

“Ala azo ti Juda, ayongoro kua ti li ti ala so afa atene, a zia ala nde ndali ti mbi so, ala kio ni, ala bi yongoro! Kâ na li ti ahoto so ndö ni ayeke senge, ala he bia ti totongo kuâ, ngbanga ti so *KOTA GBIA ake azo ti ngoi ti laso. Ala yeke azo so azia ngonzo na be ti lo; lo zia ala awe.

Ezekiel 27:31

Ndali ti mo, azo ni ayeke kio kua ti li ti ala si ala yeke yu bongo ti mua. Ala yeke toto na ndö ti mo na vundu na be ti ala; ala yeke dema tere na mawa.

Ezekiel 30:2

“*Molenge ti zo, tene tënë na iri ti mbi, mo tene: Tënë so Kota Gbia NZAPA atene ayeke so: Ala dema tere ti ala ndali ti lango ti mawa ni!

Ezekiel 7:18

Ala yeke yu bongo ti mua, ala yeke do na mbeto. Kamene ayeke gbu le ti ala, ala yeke kio kua ti li ti ala.

Awayango-sandaga 13:40

“Tongana kua ti li ti mbeni koli atuku kue, lo ga li-mbombo awe; lo yeke *nzoni.

Awayango-sandaga 21:5

“Tongana awayango-sandaga ayeke na mua, alingbi ala fâ yanga ti kua ti li ti ala angoro ngorongo na ni pepe; ala fâ tere ti kua ti yanga ti ala pepe, ala suru tere ti ala na ka pepe.

Amos 8:10

Fade mbi yeke sara si amatanga ti ala aga ngoi ti vundu; abia ti ala ayeke ga abia ti totongo kuâ. Fade mbi yeke sara si azo kue ayeke yu bongo ti mua si ala yeke kio kua ti li ti ala; mbi yeke sara si ala yeke sara mua tongana ti so a yeke sara mua ndali ti oko molenge ti ya ti sewa so akui. Na lango ni so, fade aye so kue ayeke hunzi na ya ti mawa.”

Wungo ti azo 21:28

Wâ asigigi na gbata ti Heshebon, menga ti wâ asigigi na gbata ti gbia Sihon; wâ agbi gbata ti Ar so ayeke na sese ti Moab, agbi akota zo ti ndö ti akete hoto so ayeke na tere ti ngu ti Arnon.

Wungo ti azo 21:30

E kpo azo ni na ale ti kokora ti e; fadeso gbata ti Heshebon abuba awe. Ti londo na Heshebon ngbii asi na Dibon, ye kue abuba awe. E buba ndo kue kue kue awe, ti londo na Nofa ngbii asi na Medeba, kota wâ agbi ye ngbii asi na Medeba.”

Wungo ti azo 32:3

“Agbata ti Atarot, Dibon, Yazer, Nimra, Heshebon, Elale, Sebam, Nebo na Beon,

Wungo ti azo 32:38

ti Nebo, ti Baal-Meon na ti Sibma. Ala kiri amu mbeni fini iri na ambeni gbata so ala leke so.

Ndia ti fani use ni 14:1

Moïse atene: Ala yeke amolenge ti *KOTA GBIA Nzapa ti ala. Tongaso, tongana mbeni zo akui, alingbi ala suru tere ti ala na ka pepe, ala kio kua ti ndö ti le ti ala pepe.

Ndia ti fani use ni 34:1

Moïse alondo na lando ti Moab, lo gue na hoto ti Nebo, na li ti hoto ti Pisga so abaa le na gbata ti Jéricho. *KOTA GBIA afa na lo sese ni kue: sese ti Galaad ngbii asi na sese ti Dan,