Ésaïe 14:9 - Mbeti ti Nzapa - Tënë so amu fini

⁹ Na gbeni kâ, ndo ti akuâ ayingi ti yamba mo na gango ti mo. Ndali ti mo, lo yeke zingo akuâ, akota zo ti sese so; lo sara si agbia kue ti amara nde alondo na ndö ti mbata ti ala ti gbia.

Ésaïe 14:9 ပူးပေါင်းရင်းမြစ်များ

Amato 15:24

Zo ti ndara ayeke mu lege so ague na nduzu ti duti na fini; lo yeke kpe lege so azu na gbeni, na ndo ti akuâ.

Ésaïe 5:14

Tongaso, fade ndo ti akuâ ayeke zi yanga ti lo kota, lo yeke zi ni akono ahon ndoni. Akota zo ti kodro na asenge zo ti gbata ni ayeke li na ya ni, ala na aye ti wusuwusu ti ala, na ngia ti ala kue.

Jérémie 50:8

Ala sigigi na Babilone, ala kpe! Ala sigigi na ngangu na ya ti kodro ni! Ala sara tongana akoli-ngasa so atambula na dawa ti amba ti ala.

Ezekiel 26:20

Fade mbi yeke sara titene mo zu na ndo ti akuâ, na mbage ti azo so akui ando awe so, ti duti na gbe ti sese kâ. Mo yeke ga tongana angbene kodro so ati awe, mo yeke duti na popo ti azo so ayeke na ya ti du ti kuâ. Tongaso si mbeni zo ayeke kiri ti lango na ndo ti mo pepe; mbi yeke sara titene sese ti azo so angba na fini aduti pendere.