Ésaïe 14:8 - Mbeti ti Nzapa - Tënë so amu fini

⁸ Ataa akeke ti sipre ayeke na ngia ndali ti tingo ti lo, akeke ti sedre ti Liban atene: “Ngbene ye so mo yeke na du ti kuâ so, zo ti dengo e na sese ayeke daa mbeni pepe!”

Ésaïe 14:8 ပူးပေါင်းရင်းမြစ်များ

Abia (Psaumes) 29:5

Go ti KOTA GBIA ayeke kungbi akeke ti sedre; KOTA GBIA ayeke fâ ya ti akeke ti sedre ti Liban.

Ésaïe 37:24

Na lege ti azo ti kua ti mo, mo zonga mbi, Kota Gbia. Mo tene: ‘Mbi Senakerib, na gba ti apusu ti mbarata ti mbi, mbi gue na li ti akota hoto, mbi gue ngbii mbi si taa na ya ti gbako ti Liban. Mbi de ayongoro keke ti sedre ti gbako ni; mbi de apendere keke ti sipre ti gbako ni. Mbi si taa na li ti ahoto ni kâ; na ndo so akeke asi singo daa.

Ezekiel 31:16

Na ndembe so mbi sara si keke so ati si azu na ndo ti akuâ legeoko tongana azo so ali na du na kuâ, azo ama toto ti tingo ti lo ni, tere ti ala ato nda ti do na mbeto. Kâ na gbe ti sese, akeke kue ti Eden, akeke so apendere mingi na ala so awara ngu ti Liban gbani, ala kue be ti ala ade.

Zakarii 11:2

Ala akeke ti sipre, ala toto na vundu, ngbanga ti so akeke ti sedre ati awe, ngbanga ti so a kinda angangu keke ni awe. Ala akeke ti shene ti Bashan, ala toto na vundu, ngbanga ti so a de kota gbako ti ala ni kue awe, gbako so zo alingbi ti li daa pepe so.