Ésaïe 14:6 - Mbeti ti Nzapa - Tënë so amu fini

⁶ Zo so lani, na lege ti sioni ngonzo ti lo, lo yeke pika azo, lo yeke pika ala, lo wu tere ti lo pepe; lo so na lege ti ngonzo ti lo, lo yeke nika amara nde, lo yeke sara ngangu na ala, lo baa mawa ti ala pepe.

Ésaïe 14:6 ပူးပေါင်းရင်းမြစ်များ

2 Mbai 36:17

Tongaso, KOTA GBIA atokua gbia ti Babilone na tere ti ala; gbia ni afâ amaseka ti Israel taa na ndo ti ala so ayeke nde si ayeke nzoni kue. Maseka-koli wala maseka-wali wala kangba wala mbakoro, lo baa mawa ti zo oko pepe. KOTA GBIA azia ala kue na maboko ti gbia ni.

Mbeti ti Job 9:13

Tongana Nzapa asara ngonzo, ngonzo ti lo ayeke kai pepe. Asioni nyama ti ngu, aye so amu peko ti Rahab ati na gbe ti Nzapa.

Amato 21:30

Ataa ndara ti zo, ataa hingango ye ti zo, ataa gbungo-li ti zo, aye so kue ayeke ye oko pepe na le ti KOTA GBIA.

Amato 28:15

Sioni makonzi so asara ngangu na azo ti kodro so ayeke na ya ti mawa, lo yeke tongana bamara so atoto, wala tongana sioni nyama so ahuru ti gbu nyama.

Ésaïe 10:14

Tongana ti so zo ayeke gbu da ti ndeke, mbi ro amosoro ti amara. Tongana ti so zo ayeke ro apara so mama ni ado azia, mbi ro aye so kue ayeke na ndö ti sese; mbeni zo oko ti yingi *kpangi ti lo ayeke daa pepe, wala ti zi yanga ti lo ti ndeke ayeke daa pepe, wala ti toto ayeke daa pepe.”

Ésaïe 14:5

KOTA GBIA akungbi keke ti azo ti sioni awe, lo fâ ya ti keke ti azo ti komandema.

Ésaïe 33:1

Mawa na mo, mo so mo yeke buba ye si ade a buba mo pepe so! Mawa na mo, mo so mo yeke ka azo si ade ti ka mo pepe so! Tongana mo buba aye kue awe, fade a yeke buba nga mo. Tongana mo ka azo kue awe, fade a yeke ka nga mo.

Jérémie 25:26

– agbia kue ti Banga, ataa ala yeke nduru, wala ala yeke na yongoro ndo. Akodro-gbia ti dunia kue, ala so kue ayeke na ndö ti le ti sese, ala oko oko kue ayeke nyon kopo so na peko ti tere na peko ti tere. Na peko ti ala kue, gbia ti Sheshak laa ayeke nyon ni.

Jérémie 25:9

mbi yeke tokua titene a gi amara ti mbage ti Banga kue, so tënë ti yanga ti KOTA GBIA laa. Mbi yeke iri zo ti kua ti mbi Nabukodonosor, gbia ti Babilone, titene lo ga. Mbi yeke sara titene azo ni aga atuku na ndö ti kodro so; ala ga na tere ti azo ti kodro ni nga na tere ti amara so kue angoro kodro ni. Mbi yeke hunzi ala na amara ni kue. Mbi yeke sara si kodro ni ati biani biani si aga ye ti dongo be. Na bango kodro ni, fade azo ayeke huru yanga ti ala; so tënë ti yanga ti KOTA GBIA laa.

Jérémie 48:17

Ala kue, ala so alango nduru na lo, ala hinga lo nzoni so, ala dema lo. Ala tene: “Azo-oo, azo! Mara ti ngangu tongaso, mara ti gonda na komandema tongaso, ya ni alingbi ti fâ?”

Jérémie 50:31

“Mo Babilone, zo ti baba, mbi na mo, e yeke baa ya ni; so tënë ti yanga ti Kota Gbia NZAPA so ayeke na ndö ti dunia kue laa. Ti mo, lango ni alingbi awe, ndembe so mbi yeke ga na tere ti mo.

Abia ti demango tere 1:21

KOTA GBIA, so mbi ngba ti dema, azo ama mbi; me mbeni zo ti de be ti mbi ayeke daa pepe. Ye ti mawa so asi na mbi azia ngia na be ti awato ti mbi. Andaa mo laa mo sara ye ni. Lango so mo tene tënë ni ando so, KOTA GBIA, mo sara si lango ni so alingbi si. Ayeke nzoni awato ti mbi aga nga tongana mbi!

Habakuk 1:17

Fade azo ti Babilone ayeke ngba ti bi gbanda ti ala ni ti fâ na azo tongaso? Ala so ayeke baa mawa ti zo pepe so.

Habakuk 2:5

Biani, mosoro ayeke handa zo handango: zo ti baba ayeke duti kpoo pepe, lo yeke zi yanga ti lo kota tongana ndo ti akuâ; lo yeke tongana kuâ so nzara ti lo ayeke hunzi pepe. Lo bongbi amara kue na tere ti lo, lo zia azo kue na gbe ti komandema ti lo.

Jacques 2:13

Biani, zo so abaa mawa ti mba ti lo pepe, tongana Nzapa ayeke fâ ande ngbanga ti azo, lo yeke baa nga mawa ti zo ni pepe; me zo so abaa mawa ti mba ti lo, fade lo yeke sigigi na ya ti ngbanga.