Ésaïe 14:5 - Mbeti ti Nzapa - Tënë so amu fini

⁵ KOTA GBIA akungbi keke ti azo ti sioni awe, lo fâ ya ti keke ti azo ti komandema.

Ésaïe 14:5 ပူးပေါင်းရင်းမြစ်များ

Abia (Psaumes) 125:3

Fade mbeni sioni gbia alingbi ti sara komandema pepe na ndö ti kodro so aga ye ti azo ti mbirimbiri; tongaso pepe, fade azo ti mbirimbiri ni ayeke yoro tere ti ala na ya ti sioni.

Amato 28:15

Sioni makonzi so asara ngangu na azo ti kodro so ayeke na ya ti mawa, lo yeke tongana bamara so atoto, wala tongana sioni nyama so ahuru ti gbu nyama.

Ésaïe 10:5

*KOTA GBIA atene: “Mawa na Asirii! Lo yeke tongana nduru keke ti ngonzo ti mbi; tongana lo gbu keke so na maboko ti lo, andaa sioni ngonzo ti mbi laa.

Ésaïe 13:11

KOTA GBIA atene: “Fade mbi yeke fâ ngbanga na ndö ti azo ti dunia ndali ti sioni ti ala, na ndö ti azo ti sioni ndali ti sioni ti ala. Mbi yeke kai baba ti azo ti sioni yanga, mbi yeke hunzi baba ti azo ti nikango amba ti ala.

Ésaïe 14:29

Ala azo ti Filistii kue, keke so lani ayeke pika ala, ya ni afâ awe; me alingbi tere ti ala anzere ndali ni pepe. Biani, fade mbeni sioni ngbo ayeke sigigi na ya ti ngbo so akui awe; na ya ti para ti sioni ngbo ni, mbeni sioni nyama so akpa ngunde si ayeke huru hurungo na le ti nduzu ayeke sigigi.

Ésaïe 14:4

Fade mo yeke he bia so na iri ti gbia ti Babilone, mo tene: Ye ni tongana nyen! Zo ti sarango ngangu na azo ayeke fadeso na ndo wa? Ngangu so lo yeke sara na azo so ahunzi awe!

Ésaïe 14:6

Zo so lani, na lege ti sioni ngonzo ti lo, lo yeke pika azo, lo yeke pika ala, lo wu tere ti lo pepe; lo so na lege ti ngonzo ti lo, lo yeke nika amara nde, lo yeke sara ngangu na ala, lo baa mawa ti ala pepe.

Ésaïe 9:3

Biani, *zuge so lani ane azo ni, keke so a yeke pika na peko ti ala, nduru keke so makonzi ti kua ti ala ayeke pika na ala, mo fâ ya ni tongana ti so mo sara ando na lango so mo kinda azo ti Madian.

Ésaïe 9:4

Aporo ti gere kue ti awato so ala yeke do na sese, akota bongo ti de kue so mene amu tere ni, fade a yeke bi na le ti wâ titene wâ agbi ni kue.

Abia ti demango tere 1:21

KOTA GBIA, so mbi ngba ti dema, azo ama mbi; me mbeni zo ti de be ti mbi ayeke daa pepe. Ye ti mawa so asi na mbi azia ngia na be ti awato ti mbi. Andaa mo laa mo sara ye ni. Lango so mo tene tënë ni ando so, KOTA GBIA, mo sara si lango ni so alingbi si. Ayeke nzoni awato ti mbi aga nga tongana mbi!

Habakuk 1:17

Fade azo ti Babilone ayeke ngba ti bi gbanda ti ala ni ti fâ na azo tongaso? Ala so ayeke baa mawa ti zo pepe so.