Ésaïe 14:4 - Mbeti ti Nzapa - Tënë so amu fini

⁴ Fade mo yeke he bia so na iri ti gbia ti Babilone, mo tene: Ye ni tongana nyen! Zo ti sarango ngangu na azo ayeke fadeso na ndo wa? Ngangu so lo yeke sara na azo so ahunzi awe!

Ésaïe 14:4 ပူးပေါင်းရင်းမြစ်များ

2 Mbai 36:18

Aye so kue ayeke na ya ti kota da ti Nzapa, akota ni wala akete ni, amosoro so a bata na ya ti kubu ti da ti KOTA GBIA, na amosoro so ayeke na ya ti da ti gbia nga na ti akota zo ti lo, gbia Nabukodonosor amu kue ague na ni na Babilone.

Ésaïe 13:1

Nengo tënë na ndö ti Babilone; ye so Ésaïe, molenge ti Amoz abaa na ya ti mbeni ye tongana bango-li.

Ésaïe 13:19

Babilone, gbata so apendere ahon ambeni gbata ti kodro ni, azo ti Babilone ayeke pika kate ti ala ndali ni, fade Nzapa ayeke buba ni tongana ti so lo buba ando agbata ti Sodome na Gomore.

Ésaïe 14:17

Lo so ando lo yeke sara si dunia aga benyama so, lo so ando lo yeke buba agbata si lo yeke ke ti zi azo ti kanga ti lo so, lo laa biani?”

Ésaïe 14:5

KOTA GBIA akungbi keke ti azo ti sioni awe, lo fâ ya ti keke ti azo ti komandema.

Ésaïe 14:6

Zo so lani, na lege ti sioni ngonzo ti lo, lo yeke pika azo, lo yeke pika ala, lo wu tere ti lo pepe; lo so na lege ti ngonzo ti lo, lo yeke nika amara nde, lo yeke sara ngangu na ala, lo baa mawa ti ala pepe.

Ésaïe 16:4

Azo ti e so akpe kodro ti ala so, mo zia lege na ala ti duti na ndo ti mo. Mo mu mbeni ndo na ala titene ala honde tere ti ala daa ndali ti zo ti bubango ndo. Mbeni lâ, zo ti nikango azo ayeke daa mbeni pepe, bubango ndo ayeke hunzi, zo ti sarango ngangu na azo ayeke hon na ya ti kodro ni.

Ésaïe 21:2

Na ya ti mbeni ye tongana bango-li, mbi baa mbeni ye so ayeke sioni mingi: zo so lani ayeke na ya ti *mbuki, lo ga zo ti kango azo, zo ti bubango ye ayeke sara kua ti lo. *KOTA GBIA atene: “Azo ti Elam, ala londo na bira ma! Azo ti Medii, ala ngoro gbata ni na bira! Mbi yeke sara titene dema kue akai.”

Ésaïe 47:5

Mo gbata ti azo ti Babilone, mo duti, mo kai kpoo, mo honde tere ti mo na ya ti vukongo ndo. Biani, fade a yeke kiri ti iri mo pepe: “Gbia-wali so ayeke na ndö ti akodro-gbia”.

Ésaïe 49:26

Azo so asara ngangu na mo, mbi yeke sara titene ala te kasa ti tere ti ala wani, ala yeke nyon mene ti ala si ahon ndö ti ala tongana zo so anyon fini vin si ahon ndö ti lo. Tongaso, fade azo kue ayeke hinga atene, mbi yeke KOTA GBIA, wasongo mo, wazingo mo, mbi, ngangu Nzapa ti Jacob!”

Ésaïe 51:13

Be ti ala agirisa na KOTA GBIA awe; lo laa lo sara ala, lo laa lo gbara yayu si lo zia gere ti sese. Lakue tere ti ala ayeke do na mbeto na dawa ti ngonzo ti zo ti sarango ngangu na azo, mo baa mo tene, lo lingbi ti fâ ala. Fadeso, ngonzo ti zo ti sarango ngangu na azo ni ayeke na ndo wa?

Ésaïe 51:23

Mbi yeke mu kopo ni na azo so lani ayeke sara pasi na mo. Ala yeke tene lani na mo, atene: ‘Lango na sese, e tambula na ndö ti mo!’ Mo yeke zia lani peko ti mo si aga tongana sese, wala tongana lege so azo ayeke hon daa.”

Ésaïe 54:14

Sarango ye ti mbirimbiri ayeke sara si mo luti ngangu. Zo oko ti kiri ti sara ngangu na mo ayeke daa pepe, mbeto ayeke kiri ti sara mo pepe, zo oko ti kiri ti zia mbeto na be ti mo ayeke daa pepe. Mbeni ye ti zia kota mbeto na be ti mo ayeke si nduru na mo pepe.

Ésaïe 9:4

Aporo ti gere kue ti awato so ala yeke do na sese, akota bongo ti de kue so mene amu tere ni, fade a yeke bi na le ti wâ titene wâ agbi ni kue.

Jérémie 24:9

Na ya ti akodro-gbia kue ti sese, fade mbi yeke sara si ala, azo ti Juda, ala ga tapande ti kpale so ayeke sara si azo ado na kota mbeto. Na ando so kue mbi yeke tumba ala daa, ala yeke ga tapande; zo ayeke mu iri ti ala ti zonga na mba ti lo wala ti he lo, ti he bia na iri ti lo wala ti deba lo.

Jérémie 48:17

Ala kue, ala so alango nduru na lo, ala hinga lo nzoni so, ala dema lo. Ala tene: “Azo-oo, azo! Mara ti ngangu tongaso, mara ti gonda na komandema tongaso, ya ni alingbi ti fâ?”

Abia ti demango tere 4:1

Azo-oo, azo! Pendere ti lôro alondo daa awe; lôro ti nzoni ni akiri aza oko pepe! Atêne so a zia ni nde ndali ti Nzapa atuku kirikiri amu ya ti kodro ni kue!

Ezekiel 5:15

Na lege ti ngonzo ti mbi, ngonzo ti mbi ti wâ, mbi yeke fâ ngbanga na li ti mo, mbi yeke suku na mo na ngonzo ti mbi ti wâ. Amara so angoro mo ayeke he mo na ngia si ayeke zonga mo. Na bango mo, mbeto ayeke gbu azo ni si mo yeke ga ye ti gbungo-li na ala. Mbi KOTA GBIA, mbi tene tënë awe.

Daniel 2:38

Lo zia na gbe ti komandema ti mo azo, anyama ti ngonda na andeke ti nduzu na ndo so kue ala yeke daa. Lo zia mo na li ti ala kue. Mo laa mo yeke li ni so ayeke na lôro so!

Habakuk 2:17

Biani, ye ti ngangu so mo sara na akeke ti Liban, fade ayeke kiri na li ti mo wani; mo fâ anyama mingi, fade anyama ni ayeke zia mbeto na be ti mo. Aye so kue ayeke si ndali ti so mo tuku mene ti azo, mo sara ye ti ngangu na kodro ti azo ni, na gbata ti ala nga na azo ti gbata ni.

Aye so Nzapa afa 17:6

Mbi baa wali ni, lo nyon mene ti azo ti Nzapa na mene ti azo so a fâ ala, ngbanga ti so ala mu peko ti Jésus. Mene ni ayeke sara lo tongana samba. So mbi baa lo tongaso, li ti mbi kue akpe.

Aye so Nzapa afa 18:16

ala yeke tene: “Mawa-ee! So mawa! Kota gbata so ayu bongo so a sara na *len, na apendere bengba bongo so ayeke za zango, so tere ti lo ayeke za na lôro, na atêne ti ngangu ngere, nga na alenge!

Aye so Nzapa afa 18:20

Ala so kue ayeke na yayu, ala duti na ngia ndali ti so Babilone ati awe! Ala azo ti Nzapa, *awatokua ti Nzapa, awayanga-Nzapa, ala duti na ngia ndali ti so Nzapa afâ ngbanga na li ti Babilone ndali ti ye so lo sara na ala!