Ésaïe 14:29 - Mbeti ti Nzapa - Tënë so amu fini

²⁹ Ala azo ti Filistii kue, keke so lani ayeke pika ala, ya ni afâ awe; me alingbi tere ti ala anzere ndali ni pepe. Biani, fade mbeni sioni ngbo ayeke sigigi na ya ti ngbo so akui awe; na ya ti para ti sioni ngbo ni, mbeni sioni nyama so akpa ngunde si ayeke huru hurungo na le ti nduzu ayeke sigigi.

Ésaïe 14:29 ပူးပေါင်းရင်းမြစ်များ

2 Agbia 18:8

Lo wani, lo hon ndö ti azo ti Filistii na bira, lo tumba peko ti ala ngbii asi na gbata ti Gaza. Lo mu ada so ayo na nduzu si aturugu ayeke luti daa ti baa ndo nga na agbata so a sara gbagba ti bira na tere ni.

2 Mbai 26:6

Ozias ague ti tiri bira na azo ti Filistii. Lo kungbi na sese angangu gbagba ti Gat, ti Yabne na ti Asdod. Na pekoni, lo sara agbata na sese ti Asdod nga na sese ti azo ti Filistii.

2 Mbai 28:18

Azo ti Filistii ali na ngangu na ya ti agbata ti *Kodro-ti-gbeni nga na ya ti agbata so ayeke na mbage ti Mbongo na sese ti Juda. Ala mu agbata ti Bet-Shemesh, ti Ayalon, ti Gederot, ti Soko nga na akodro so ayeke na tere ni. Ala mu gbata ti Timna na akodro so ayeke na tere ni; gbata ti Gimzo na akodro so ayeke na tere ni. Na pekoni, ala duti kâ.

Amato 24:17

Tongana wato ti mo ati, mo duti na ngia ndali ni pepe; tongana lo ti na ya ti kpale, mo huru na ngia pepe.

Ésaïe 11:14

Na mbage ti Do, ala yeke ti na ndö ti azo ti Filistii; na mbage ti To, ala kue ayeke nzi ye ti amara so ayeke na benyama: azo ti mara ti Edom na ti Moab ayeke ti na gbe ti ala, azo ti mara ti Amon ayeke ga angbaa ti ala.

Ésaïe 11:8

Molenge so angba ti nyon me ayeke sara ngia na yanga ti du ti ngbo; kete molenge ayeke yoro maboko ti lo na ya ti du ti longo.

Ésaïe 14:31

Ala ayanga ti gbata, ala dema tere ti ala ma! Ala agbata, ala dekongo ma! Sese ti Filistii kue awoko kue awe: mbeni ngbongboro guru ti wâ alondo na Banga si ayeke ga. Na mbage ti awato, ala kue abongbi tere ti ala, zo oko angba na peko pepe.

Ésaïe 2:6

*KOTA GBIA, mo ke azo ti mo, *ahale ti Jacob awe, ngbanga ti so azo ti bango nda ti aye alondo na mbage ti To aga, ala si singo na ya ti kodro ti azo ti mo. Azo ti gingo nda ti atongoro asi singo daa, tongana ti so ala yeke gbani gbani na ya ti kodro ti Filistii. Azo ti mo na awande ayeke fono oko.

Ésaïe 30:6

Nengo tënë na ndö ti anyama so ayeke na benyama ti Mbongo. Sese so azo ni ayeke hon daa ayeke sese ti vundu, sese ti ziango mbeto na be ti zo, sese so bamara na mama ti bamara, sioni ngbo nga na kota sioni nyama so akpa ngunde ayeke lango daa. Azo ni akanga akungba ti ala na amosoro ti ala na ndö ti alele nga na ndö ti azambala si ala yeke gue na ni na azo so alingbi ti sara nzoni ye oko na zo pepe.

Jérémie 47:1

Tënë ti *KOTA GBIA asi na wayanga-Nzapa Jérémie ndali ti azo ti Filistii. Tënë ni asi na lo kozoni si Faraon ague ti tiri bira na Gaza.

Abia ti demango tere 2:17

KOTA GBIA asara ye so lo leke na be ti lo ti sara; lo sara ye alingbi na tënë ti yanga ti lo, tënë so lo leke na be ti lo ando kozoni so. Lo buba kodro ni kue awe; lo baa mawa ti zo oko pepe. Lo mu lege na awato ti he gbata ti Jérusalem; lo kiri lo mu ngangu mingi na awato ni.

Ezekiel 25:15

“Tënë so mbi Kota Gbia NZAPA, mbi tene ayeke so: Azo ti Filistii asara ye ti kiri na peko ti sioni na azo ti Israel; na lege ti sioni baba ti be ti ala laa, ala kiri na peko ti sioni ti ke awato ti ala kpu na kpu; nilaa ala fâ awato ti ala ni kue kue kue.

Ezekiel 26:2

“*Molenge ti zo, ndali ti so azo ti gbata ti Tir ahe Jérusalem, atene: ‘Huuu! Huuu, ti lo ahunzi awe, gbata so lani azo kue ayeke hon daa so! Fadeso, ngoi ti e alingbi awe titene e wara gba ti mosoro, ngbanga ti so lo ti biani awe!’

Ezekiel 35:15

Na ndembe so a buba ye so aga ti azo ti Israel, tere ti mo anzere. Mbi yeke sara na mo gi oko ye so mo sara. Mo yeke ga benyama, mo na hoto ti Seir nga na sese ti Edom kue. Tongaso, fade azo ayeke hinga atene, mbi laa mbi yeke KOTA GBIA.”

Osée 9:1

Israel, duti na ngia gbani gbani pepe tongana ti ambeni mara. Biani, mo sara aye ti ndumba si mo gue yongoro na Nzapa ti mo awe; mo ye ti wara futa ti mo ndali ti aye ti ndumba na ndö ti alakere so kue a yeke pika ale ti *ble daa.

Joël 3:4

lâ ayeke ga vukongo ndo, nze ayeke ga bengba tongana mene. Na pekoni, fade *lango ti KOTA GBIA ayeke si, kota lango, lango so ayeke zia mbeto na be ti zo.”

Amos 1:6

Tënë so *KOTA GBIA atene ayeke so: “Mbi yeke na tënë na azo ti Gaza ndali ti asioni ye ota, wala osio so ala sara: ala gbu azo ti akete kodro kue kue kue si ala ka ala na azo ti mara ti Edom. Ndani laa, ngbanga so mbi fâ na li ti ala, mbi yeke kiri na ndö ni oko pepe.

Amos 1:8

Fade mbi yeke mingo makonzi ti Asdod, mbi yeke mingo lo so ayeke sara komandema na Askalon; mbi yeke kiri maboko ti mbi ti pika gbata ti Ekron si tanga ti azo ti mara ti Filistii ayeke kui”; tënë so Kota Gbia NZAPA atene laa.

Abdias 1:12

Na lango so aye ti ngangu asi na a-ita ti mo, azo ti Juda, mo Edom, tere ti mo alingbi fade ti nzere pepe. Na lango so a yeke buba kodro ti Juda, mo lingbi fade ti duti na ngia pepe. Na lango so ye ti mawa asi na ala, mo lingbi fade ti zonga ala pepe.

Mishe 7:8

Mo, wato ti mbi, mo he mbi pepe. Tongana mbi ti, fade mbi yeke londo; tongana mbi duti na ya ti vukongo ndo, *KOTA GBIA ayeke lumiere ti mbi.

Sofonii 2:4

Zo ayeke kiri ti ngba na ya ti gbata ti Gaza pepe, gbata ti Askalon ayeke ga ngonda; a yeke tumba azo ti Asdod gi na bekombite, a yeke gboto azo ti Ekron tongana ti so a yeke gboto pere na gunda ni kue.

Sofonii 2:5

Mawa na ala, azo so alango na yanga ti kota ngu-ingo, mara ti azo ti Kereti; tënë ti *KOTA GBIA so ayeke na tere ti ala: “Mo Kanaan, sese ti azo ti Filistii, fade mbi yeke buba mo kue, mbeni zo oko ti ngba kâ ayeke daa pepe.

Sofonii 3:11

“Na lango ni so, ala azo ti mbi, asioni ye so kue ala sara, aye so ala sara ti ke mbi, fade kamene ni ayeke kiri ti sara ala pepe. Biani, na lango ni so, azo ti kirikiri so baba ahon ndö ti ala, mbi yeke zi ala na popo ti ala, azo ti mbi. Tongaso si ala zia lege ti sarango kuru baba na ndö ti hoto ti mbi so ayeke nde si ayeke nzoni kue.

Zakarii 9:5

Na bango aye ni so, mbeto ayeke sara azo ti gbata ti Askalon, azo ti gbata ti Gaza ayeke do na mbeto; azo ti Ekron ayeke do nga na mbeto, ngbanga ti so azo ti Tir ayeke kiri ti mu maboko na ala pepe. Gbia ayeke kiri ti duti na Gaza pepe si zo ayeke kiri ti lango na Askalon pepe.

Wungo ti azo 21:8

KOTA GBIA atene na Moïse: “Mo mu bengba wen, mo leke na mbeni ngbo, mo zia lo na ndö ti mbeni yongoro keke na nduzu. Zo so kue ngbo ayeke te lo si lo baa ndo na mbage ti ngbo ti bengba wen ni, fade lo yeke kui pepe.”

Josué 13:3

Azo abaa sese ni so tongana ti azo ti Kanaan; sese ni alondo na ngu ti Shihor so ayeke baa le na Ezipte, ague ngbii asi na katikati ti sese ti Ekron, na mbage ti Banga. Agbia oku ti azo ti Filistii ayeke kâ: gbia ti Gaza, ti Asdod, ti Askalon, ti Gat na ti Ekron; sese ti azo ti mara ti Avi ayeke nga kâ,