Ésaïe 14:27 - Mbeti ti Nzapa - Tënë so amu fini

²⁷ Tongana KOTA GBIA so ayeke na ndö ti dunia kue amu yanga, zo wa laa alingbi ti buba ya ni, zo wa? Tongana lo yoro maboko ti lo ti pika zo, zo wa laa alingbi ti gbanzi lo, zo wa?

Ésaïe 14:27 ပူးပေါင်းရင်းမြစ်များ

2 Mbai 20:6

Lo sambela, lo tene: “KOTA GBIA, Nzapa ti akotara ti e, mo laa mo yeke Nzapa na yayu, mo laa mo yeke na komandema na ndö ti akodro-gbia kue ti dunia! Mo yeke na ngangu, mo yeke na kota ngangu; zo oko alingbi ti luti na le ti mo pepe.

Mbeti ti Job 11:10

Tongana Nzapa ayeke hon, tongana lo gbu zo, lo zia zo ni na da ti kanga, tongana lo iri zo ni na ngbanga, zo wa laa ayeke ke na lo, zo wa?

Mbeti ti Job 23:13

Me tënë ti be ti lo ayeke gi oko. Zo wa laa alingbi ti sara si lo sanze? Ye so anzere na lo ti sara, lo yeke sara ni.

Mbeti ti Job 40:8

Mo ye biani ti fa so mbi fâ ngbanga na legeni pepe? Mo ye ti fa so mbi sara sioni si mo laa mo sara nzoni?

Mbeti ti Job 42:2

Mbi hinga so mo lingbi ti sara ye kue; mbeni pialo ti kara mo ayeke daa pepe.

Mbeti ti Job 9:12

Tongana lo gbu ye na ngangu, zo wa laa alingbi ti tene na lo: “Kiri na ni”, zo wa? Zo wa laa alingbi ti tene na lo: “Nyen laa mo sara so”?

Abia (Psaumes) 33:11

Me ye so KOTA GBIA aye ti sara ayeke ngba lakue lakue. Atënë ti be ti lo angba kpu na kpu.

Amato 19:21

Apialo asi singo na ya ti be ti zo; me ye so KOTA GBIA aleke na be ti lo ti sara, ni laa ayeke si.

Amato 21:30

Ataa ndara ti zo, ataa hingango ye ti zo, ataa gbungo-li ti zo, aye so kue ayeke ye oko pepe na le ti KOTA GBIA.

Ésaïe 23:9

*KOTA GBIA so ayeke na ndö ti dunia kue laa aleke na be ti lo ti mingo baba ti azo so azo ayeke gonda ala, ti bi kamene na le ti akota zo ti dunia so.

Ésaïe 43:13

Ngbene ye na lango ni so, mbi yeke Nzapa, zo oko alingbi ti gboto ye na maboko ti mbi pepe. Ye so mbi yeke sara, zo wa laa alingbi ti buba ni?

Ésaïe 46:11

Na mbage ti To, mbi iri mbeni ndeke so ayeke te anyama. Yongoro na nda ti sese kâ, mbi iri mbeni zo, lo laa lo yeke sara si apialo ti mbi asi alingbi na ni. Tënë so mbi tene, ye ni ayeke si! Pialo so mbi leke, mbi yeke sara ni!

Ésaïe 8:10

Ala leke apialo ma, fade ayeke li ngu. Ala tene tënë mingi mingi ma, fade a yeke sara ye oko pepe, ngbanga ti so Nzapa ayeke na e.

Ésaïe 9:12

KOTA GBIA apika azo ti lo, me ala kiri na mbage ti lo pepe; KOTA GBIA so ayeke na ndö ti dunia kue, ala gi lo pepe.

Jérémie 4:28

Ndani laa, fade sese ayeke mua si le ti nduzu, yongoro na nduzu kâ ayeke vuko. Mbi tene tënë so awe, awe! Be ti mbi ayeke so daa pepe; mbi yeke kiri na ndö ni mbeni pepe.”

Jérémie 44:28

Gi ambeni kete laa ayeke wara lege ti kpe bira ni si ala londo na Ezipte ti kiri na Juda. Ndo so laa, azo ti Juda so angba na fini, ala so aga lani ti honde tere ti ala na Ezipte ayeke hinga atene, tënë ti mbi laa aga taa-tënë, wala ti ala.

Jérémie 49:20

Azo, ala ma tënë ti ye so KOTA GBIA agbu li ti lo ti sara na Edom, tënë ti ye so lo leke na be ti lo ti sara na azo so alango na Teman. Biani, fade a yeke gbu ala ti hon na ala tongana akete bagara. Biani, ndali ti ala, fade a yeke buba ndo ti dutingo ti ala.

Jérémie 51:59

Tongaso Wayanga-Nzapa Jérémie amu yanga na Seraya, molenge ti Neria, molenge ti Maaseya, na ndembe so Seraya na gbia Sedesias ague na Babilone, na ngu osio ni so Sedesias ayeke le-gbia. Seraya ayeke mbeni turugu ti batango gbia Sedesias, gbia ti Juda.

Ezekiel 26:14

Mbi yeke sara titene ndö ti kota têne ti mo angba senge; mo yeke ga ndo so azo ti gingo susu ayeke gbara agbanda ti ala daa titene ahole; a yeke kiri ti leke mo pepe. Biani, mbi KOTA GBIA, mbi tene tënë awe. So tënë ti yanga ti Kota Gbia NZAPA laa.

Rome 8:28

E hinga so, ye kue abongbi ti sara nzoni na azo so aye Nzapa, azo so lo iri ala na lege so be ti lo aye.

Rome 8:31

Tongaso, fade e yeke tene nyen na ndö ti tënë so? Tongana Nzapa ayeke na e, zo wa laa alingbi ti ke e?