Ésaïe 14:25 - Mbeti ti Nzapa - Tënë so amu fini

²⁵ Fade mbi yeke buba ngangu ti azo ti Asirii taa na ya ti kodro ti mbi; mbi yeke do ala na gbe ti gere ti mbi na ndö ti ahoto ti mbi. Ala zia ando anengo kungba na ndö ti azo ti mbi tongana *zuge, fade mbi yeke zi ni. Ala zia ando nengo kungba na ndö ti go ti azo ti mbi, mbi yeke zi ni na ndö ti go ti ala.”

Ésaïe 14:25 ပူးပေါင်းရင်းမြစ်များ

2 Mbai 32:21

Tongaso *KOTA GBIA atokua mbeni *ange so afâ ya ti bâbâ ti gbia ti Asirii, akpengba zo ti bira kue, aturugu ti kota kamba, na akota zo ti lo. Gbia ti Asirii ni akiri na kodro ti lo, na kamene na le ti lo. Na pekoni, lo li na ya ti da ti nzapa ti lo si taa amolenge ti lo laa afâ lo na yongoro zeme.

Ésaïe 10:12

Tongana KOTA GBIA ahunzi ande akua ti lo kue na li ti hoto ti *Sion nga na Jérusalem awe, fade lo yeke ga na tere ti gbia ti Asirii ndali ti kuru baba ti lo nga ndali ti bango azo tongana mbumbuse ye.

Ésaïe 14:5

KOTA GBIA akungbi keke ti azo ti sioni awe, lo fâ ya ti keke ti azo ti komandema.

Ésaïe 33:1

Mawa na mo, mo so mo yeke buba ye si ade a buba mo pepe so! Mawa na mo, mo so mo yeke ka azo si ade ti ka mo pepe so! Tongana mo buba aye kue awe, fade a yeke buba nga mo. Tongana mo ka azo kue awe, fade a yeke ka nga mo.

Ésaïe 52:2

Jérusalem, londo na ya ti fuku ti sese, mo yengere tere ti mo, kiri mo duti na ndo ti mo. Gbata ti Sion, zo ti kanga, zi kamba so a kanga na go ti mo!

Ésaïe 9:4

Aporo ti gere kue ti awato so ala yeke do na sese, akota bongo ti de kue so mene amu tere ni, fade a yeke bi na le ti wâ titene wâ agbi ni kue.

Ezekiel 32:22

“Baa, gbia ti Asirii laa, lo na bongbi ti azo ti lo; adu ti kuâ ti aturugu ti lo angoro lo kue; a fâ ala kue na ya ti bira.

Ezekiel 39:4

Mo na aturugu ti mo kue nga na gba ti azo so ayeke na tere ti mo, ala yeke kui na ndö ti ahoto ti Israel. Mbi yeke mu kuâ ti mo na *angoalo na andeke kue ti nduzu nga na anyama ti ngonda titene ala te.

Mishe 5:5

Fade azo ti li ni so ayeke sara komandema na ndö ti sese ti Asirii na yongoro zeme, ala yeke sara komandema na ndö ti kodro ti Nemrod na zeme so yanga ni aza.” “Ti makonzi ni, fade lo yeke zi e na maboko ti azo ti Asirii tongana ala hon katikati ti kodro ti e titene ala li na sese ti e.”

Mishe 5:6

Fade azo ti Israel so ayeke ngba na fini na popo ti amara gbani gbani, ayeke ga tongana ngu ti pere so alondo na *KOTA GBIA; ala yeke ga tongana ngu-Nzapa so apika na ndö ti pere: ngu ni aku zo pepe, wala aku mbeni ye na maboko ti zo pepe.

Nahum 1:13

Ti fadeso, mbi yeke zi keke so awato ti mo akanga na go ti mo ti sara mo na ngbaa so; mbi yeke fâ akamba so kue a kanga na mo.”

Zakarii 10:11

Fade ala yeke fâ kota ngu-ingo ti pasi; mbi KOTA GBIA, mbi yeke pika *amapo ti kota ngu-ingo ni. Ataa agbe ti *bale ti Nil ayeke hole kue. Baba ti azo ti Asirii ayeke ti si komandema ti gbia ti Ezipte ayeke hon.