Ésaïe 14:24 - Mbeti ti Nzapa - Tënë so amu fini

²⁴ *KOTA GBIA so ayeke na ndö ti dunia kue adeba yanga ti lo, atene: “Ye so mbi leke na be ti mbi ti sarango ni ayeke si; ye so mbi ye ti sara, mbi yeke sara ni.

Ésaïe 14:24 ပူးပေါင်းရင်းမြစ်များ

Tongo nda ti aye 41:32

Tongana Nzapa asara si gbia Faraon abaa li ti lo fani use, ayeke mbeni ye so Nzapa aleke ni awe. Lo yeke sara titene ye ni asi fafadeso.

Mbeti ti Job 23:13

Me tënë ti be ti lo ayeke gi oko. Zo wa laa alingbi ti sara si lo sanze? Ye so anzere na lo ti sara, lo yeke sara ni.

Abia (Psaumes) 110:4

KOTA GBIA adeba yanga ti lo, lo tene: “Mo yeke duti wayango-sandaga kpu na kpu tongana ti Melkisedeke.” KOTA GBIA ayeke kiri na ndö ti tënë ti lo pepe.

Abia (Psaumes) 33:10

Aye so amara nde aye ti sara, KOTA GBIA akanga lege ni. Aye so azo aleke na be ti ala ti sarango ni, KOTA GBIA abuba lege ni.

Abia (Psaumes) 92:5

Biani, sarango ye ti mo azia ngia na be ti mbi mingi, KOTA GBIA! Na bango aye so maboko ti mo asara, mbi yeke dekongo na ngia.

Sigingo 17:16

Lo tene: “So azo ti mara ti Amalek aye ti bi mbata ti KOTA GBIA na sese so, fade KOTA GBIA ayeke sara bira na ala ngu na ngu.”

Amato 19:21

Apialo asi singo na ya ti be ti zo; me ye so KOTA GBIA aleke na be ti lo ti sara, ni laa ayeke si.

Amato 21:30

Ataa ndara ti zo, ataa hingango ye ti zo, ataa gbungo-li ti zo, aye so kue ayeke ye oko pepe na le ti KOTA GBIA.

Ésaïe 10:5

*KOTA GBIA atene: “Mawa na Asirii! Lo yeke tongana nduru keke ti ngonzo ti mbi; tongana lo gbu keke so na maboko ti lo, andaa sioni ngonzo ti mbi laa.

Ésaïe 19:12

Gbia Faraon, azo ti ndara ti mo ni ayeke na ndo wa? Ye so KOTA GBIA so ayeke na ndö ti dunia kue aleke na be ti lo ti ga na ni na tere ti Ezipte so, ayeke nzoni ala fa ni na mo titene mo hinga!

Ésaïe 19:17

Sese ti Juda ayeke ga mbeni ye ti ziango mbeto na be ti azo ti Ezipte. Lakue tongana mbeni zo adabe ti ala na ye so asi na Juda, tere ti ala ayeke do ndali ti ye so KOTA GBIA so ayeke na ndö ti dunia kue aleke na be ti lo ti sara na ala.

Ésaïe 55:8

“Biani, tënë ti be ti mbi alingbi na tënë ti be ti ala pepe, lege ti sarango ye ti mbi alingbi na lege ti sarango ye ti ala pepe; so tënë ti yanga ti KOTA GBIA laa.

Ésaïe 55:9

Tongana ti so le ti nduzu ayo mingi na sese, lege ti sarango ye ti mbi ayo legeoko tongaso ahon lege ti sarango ye ti ala, tënë ti be ti mbi ayo legeoko tongaso ahon tënë ti be ti ala.

Jérémie 23:20

Ngonzo ti KOTA GBIA ayeke kai ande pepe ngbii ye so lo leke na be ti lo ti sara, lo sara ni kue si. Gbanda si ala yeke ma ya ti tënë so nzoni.

Jérémie 29:11

Biani, mbi KOTA GBIA, mbi hinga apialo so mbi leke ndali ti ala, apialo titene ala baa sioni daa pepe, me apialo titene ala baa nzoni daa; so tënë ti yanga ti KOTA GBIA laa. Mbi ye ti mu na ala ye so ala lingbi ti zia be ti ala ti ku ni ndali ti gigi ti ala ti gbanda.

Jérémie 44:26

Ala azo ti Juda kue, ala so ayeke na kodro ti Ezipte so, ala ma tënë ti KOTA GBIA! Mbi deba na iri ti mbi so ayeke kota: na ya ti Ezipte kue, mbeni zo ti Juda ayeke kiri ti mu iri ti KOTA GBIA ti deba na ni pepe, atene: ‘Kota Gbia NZAPA ayeke na fini!’

Jérémie 49:20

Azo, ala ma tënë ti ye so KOTA GBIA agbu li ti lo ti sara na Edom, tënë ti ye so lo leke na be ti lo ti sara na azo so alango na Teman. Biani, fade a yeke gbu ala ti hon na ala tongana akete bagara. Biani, ndali ti ala, fade a yeke buba ndo ti dutingo ti ala.

Jérémie 50:45

Azo, ala ma tënë ti ye so KOTA GBIA agbu li ti lo ti sara na Babilone, tënë ti ye so lo leke na be ti lo ti sara na azo ti kodro ni. Biani, fade a yeke gbu ala ti hon na ala tongana akete bagara. Biani, ndali ti ala, fade a yeke buba ndo ti dutingo ti ala.

Abia ti demango tere 3:37

Zo wa laa atene gi tënë si mbeni ye abaa gigi, zo wa? KOTA GBIA laa ayeke mu yanga pepe?

Ezekiel 12:25

Biani, mbi yeke KOTA GBIA; tënë so mbi yeke tene, peko ni ayeke ninga pepe ti ga taa-tënë. Ala azo ti mara ti ngangu li so, na ndembe so ala de na fini, mbi yeke sara aye so kue mbi tene tënë ni. So tënë ti yanga ti Kota Gbia NZAPA laa.”

Ezekiel 39:4

Mo na aturugu ti mo kue nga na gba ti azo so ayeke na tere ti mo, ala yeke kui na ndö ti ahoto ti Israel. Mbi yeke mu kuâ ti mo na *angoalo na andeke kue ti nduzu nga na anyama ti ngonda titene ala te.

Amos 3:6

Tongana a huru didi na ya ti mbeni gbata ti fa tënë ti bira, fade mbeto alingbi ti gbu azo pepe? Tongana kpale asi na ya ti mbeni gbata, *KOTA GBIA laa asara ye ni pepe?

Amos 8:7

*KOTA GBIA adeba yanga ti lo ndali ti ye so Israel ayeke pika kate ti lo daa, lo tene: “Sarango ye ti azo ti Israel so, be ti mbi ayeke girisa na ni laoko pepe!”

Matthieu 11:25

Na ndembe ni so, Jésus akiri atene: “Mbi gonda mo Babâ, mo so mo yeke *Kota Gbia ti yayu na ti sese, ndali ti so mo honde ye so na azo ti ndara nga na azo ti hingango ye si mo sigigi na nda ni na akete molenge.

Awatokua 4:28

Tongaso ala sara ye so kue mo leke kozoni na be ti mo na lege ti ngangu ti mo.

Efeze 1:9

Ye so lo leke na be ti lo si angba na hondengo ni, lo sara si e hinga ni: so ti tene, ye so lo leke kozoni na lege ti nzoni be ti lo ti sara ni na lege ti Christ.

Ahebro 4:3

Ti e so e ma na be na Nzoni Tënë ni, e yeke li na ndo ti wungo tere ni. Nzapa atene ando, atene: “Na ya ti ngonzo ti mbi, mbi deba yanga, mbi tene: kodro so mbi leke titene ala wu tere ti ala daa so, fade ala yeke li na ya ni oko pepe!” Andaa, Nzapa atene tënë so na peko ti so lo hunzi kua ti lo kue awe, ngbene ye so dunia abaa gigi.

Josué 11:20

Biani, KOTA GBIA asara titene be ti azo ti kodro ni akpengba si ala ngba gi ti tiri bira na azo ti Israel. Tongaso si azo ti Israel abaa mawa ti ala pepe, ala fâ azo ni kue, ahunzi ala tongana ti so *KOTA GBIA amu yanga na Moïse.