Ésaïe 14:22 - Mbeti ti Nzapa - Tënë so amu fini

²² So tënë ti yanga ti KOTA GBIA so ayeke na ndö ti dunia kue laa: “Fade mbi yeke londo na tere ti azo ti Babilone, mbi yeke zi iri ti Babilone, na tanga ti azo ti gbata ni so angba na fini, amolenge ti ala nga na *ahale ti ala. So tënë ti yanga ti KOTA GBIA laa.

Ésaïe 14:22 ပူးပေါင်းရင်းမြစ်များ

1 Agbia 14:10

Ndani laa, fade mbi yeke tokua kpale na ndö ti sewa ti mo. Mbi yeke hunzi akoli so kue ayeke na ya ti sewa ti mo, akoli na amolenge so ayeke na sese ti Israel. Fade mbi yeke zi azo ti sewa ti Yeroboam kue kue kue tongana ti so zo ayeke zi azende si mbeni ye oko akiri angba pepe.

Abia (Psaumes) 12:6

KOTA GBIA atene: “Ndali ti so a sara ngangu na azo so ye atia ala si azo ti mawa ayeke toto mingi, mbi yeke londo fadeso ti ga. Mbi yeke ga ti zi ala na ya ti aye ti ngangu, ala so azo abaa ala tongana mbumbuse ye so.”

Amato 10:7

Zo ti mbirimbiri, be ti azo ayeke girisa na lo pepe; me ti zo ti sioni, be ti azo ayeke girisa na lo biani biani.

Ésaïe 13:5

Aturugu ni alondo na kodro yongoro si aga, ala londo yongoro kâ na nda ti sese. KOTA GBIA na azo so ayeke fa ngonzo ti lo ayeke ga ti buba kodro ni kue.

Ésaïe 21:9

Ala baa, mbeni koli ayeke ga, lo duti na ndö ti pusu ti mbarata so ambarata use laa ayeke gboto ni. Lo kiri lo dekongo, lo tene: ‘Babilone ati awe! Babilone ati awe! Ayanda kue ti anzapa so ayeke na ya ti gbata ni ayeke lango na sese; ya ni afâ kete kete.’ ”

Ésaïe 43:14

*KOTA GBIA so azi ala na gbe ti ngbaa, Nzapa ti Israel, lo so lo yeke nde si lo yeke nzoni kue, baa, tënë so lo tene ayeke so: “Ndali ti ala, mbi tokua mbeni zo ti tiri bira na Babilone. Fade mbi yeke kinda ala si ala kue aga tongana azo so ayeke kpe. Tongaso, fade dekongo ti ngia ti azo ti Babilone ayeke ga bia ti demango tere.

Jérémie 50:3

Biani, mbeni mara alondo na mbage ti Banga ti ga ti sara bira na Babilone. Lo yeke sara si kodro ti lo aga ngonda, zo ayeke kiri ti lango daa pepe; azo na anyama, ala kue ayeke kpe, ala kue kue kue ayeke hon.

Nahum 1:14

Ti mo, gbia ti Ninive, yanga so KOTA GBIA amu na ndö ti mo ayeke so: “Mbeni *hale ti mo oko ti sara si iri ti mo angba na gigi ayeke duti daa pepe. Ayanda so mo leke na keke nga na wen si ayeke na ya ti da ti anzapa ti mo so, fade mbi yeke buba ni kue. Mbi yeke leke du ti kuâ ti mo, ngbanga ti so mo kiri mo ne na le ti mbi pepe.”