Ésaïe 14:16 - Mbeti ti Nzapa - Tënë so amu fini

¹⁶ Azo so ayeke baa mo, le ti ala ayeke ngba gi ti baa mo kpoo. Ala yeke dabe ti ala na mo si ala tene: “Koli so ando ayeke yingi sese so, lo so ando lo yeke sara si akodro-gbia ado so, lo laa biani?

Ésaïe 14:16 ပူးပေါင်းရင်းမြစ်များ

Abia (Psaumes) 52:7

Ndani laa Nzapa ayeke buba ande mo biani biani; lo yeke gboto mo na ya ti da ti mo ti bi mo na gigi; lo yeke zi mo na ndö ti sese ti azo so angba na fini. Luti kete

Abia (Psaumes) 64:9

Tënë ti yanga ti ala akiri na ndö ti ala wani. Azo so kue abaa ala, ayeke yingi li ti ala.

Ésaïe 14:15

Me a zu na mo na ndo ti akuâ, ngbii asi na gbe ti du kâ.

Ésaïe 14:17

Lo so ando lo yeke sara si dunia aga benyama so, lo so ando lo yeke buba agbata si lo yeke ke ti zi azo ti kanga ti lo so, lo laa biani?”

Jérémie 50:23

Mara ti ye tongaso alingbi ti si? Babilone ayeke ando tongana martoo so ayeke nika aye ti sese kue; laso, a nika lo awe, lo ga fuku! Mara ti ye tongaso alingbi ti si? Na popo ti amara kue, Babilone aga ngonda.

Ezekiel 32:23

Adu ti kuâ ti ala ayeke yongoro kâ, na gbe ti ndo ti akuâ, angoro du ti kuâ ti gbia ni. A fâ ala kue na ya ti bira, ala so ayeke zia lani mbeto na be ti azo so angba na fini na ndö ti dunia so.

Ezekiel 32:27

A lu ala legeoko pepe na angangu zo ti bira so akui giriri, ala so afâ ganza pepe si ala kui so. Angangu zo ti bira ni azu na ndo ti akuâ na aye ti bira ti ala na tere ti ala si a zia ayongoro zeme ti ala na gbe ti li ti ala. Me sioni ti ala ayeke na ndö ti abio ti ala, ngbanga ti so ala yeke zia ando kota mbeto na be ti azo so angba na fini na ndö ti dunia so.

Nahum 3:6

Mbi yeke tuku azende na li ti mo titene mo ga buba ye. Mbi yeke sara si mo ga tapande.

Habakuk 1:10

Ala yeke baa agbia tongana ambumbuse zo, akota zo ti kodro aga tongana ye ti ngia na le ti ala. Agbata so angangu gbagba ayeke na tere ni, ala yeke he ni hengo na ngia, ala yeke bongbi gba ti sese na tere ti gbagba ni si ala yeke mu agbata ni.

Habakuk 1:17

Fade azo ti Babilone ayeke ngba ti bi gbanda ti ala ni ti fâ na azo tongaso? Ala so ayeke baa mawa ti zo pepe so.