Ésaïe 13:9 - Mbeti ti Nzapa - Tënë so amu fini

⁹ Baa lango ti KOTA GBIA ayeke ga, lango so ayeke baa mawa ti zo pepe, lango ti sioni ngonzo, lango ti ngonzo ti wâ. Lango ni ayeke sara si sese aga ngonda, ayeke fâ azo ti siokpari kue.

Ésaïe 13:9 ပူးပေါင်းရင်းမြစ်များ

Abia (Psaumes) 104:35

Ayeke nzoni azo ti siokpari ahon na ndö ti sese so biani biani, azo ti sioni akiri angba pepe! Biani, mbi ye ti mu singila na KOTA GBIA! Aleluya!

Amato 2:22

Me ti azo ti sioni, a yeke zi ala na ya ti kodro ni; azo ti handango amba ti ala, a yeke tumba ala daa.

Ésaïe 13:6

Ala dekongo na vundu maa! *Lango ti KOTA GBIA aga nduru awe; lango ni ayeke tongana mbeni kota kpale so ayeke buba ndo kue; kpale ni alondo na lo so ngangu ti lo ahon angangu kue.

Ésaïe 2:12

Biani, KOTA GBIA so ayeke na ndö ti dunia kue, mbeni lango ti lo ayeke ga so lo yeke fâ ngbanga na li ti azo ti pikango kate, azo so ayeke ya iri ti ala nga na azo so abaa atene, ala hon amba ti ala so; lo yeke kiri ala na kete ndo.

Ésaïe 34:8

Ti KOTA GBIA, lango ni so ayeke lango titene lo kiri na peko ti sioni ti azo ti Edom na ala; ngu ni so ayeke ngu titene lo so lo yeke gbu koko ti *Sion, lo kiri na peko ti sioni ti awato ti Sion na ala.

Ésaïe 63:4

Mbi leke lani na be ti mbi mbeni lango ti kiri peko ti sioni na ala. Ngu ti zi azo ti mbi alingbi awe.

Ésaïe 66:17

Azo ni ayeke azo so a zia tere ti ala nde si ala yeke *sukula sioni ti ala ti li na ya ti ambeni pendere ndo so ala yeke voro ayanda daa; ala yeke luti na peko ti mbeni zo so ayeke na popo ti ala, ala yeke te kasa ti nguru, na aye so ayeke sioni mingi nga na adeku. Azo so ayeke kui kue legeoko; so tënë ti yanga ti KOTA GBIA laa.

Ésaïe 9:19

Zo ayeke fâ kasa ti mbage ti maboko ti koli ti te, me nzara ayeke ngba ti sara lo; lo yeke te na mbage ti maboko ti wali, me ya ti lo ayeke si pepe. Zo oko oko ayeke te kasa ti tere ti lo wani.

Ezekiel 13:5

Awayanga-nzapa ni ague ti kanga adu ti gbagba pepe, ala leke gbagba pepe ti bata ala, azo ti Israel, na ngoi ti bira, na *lango ti KOTA GBIA.

Ezekiel 30:3

Biani, lango ni ayeke ga, *lango ti KOTA GBIA aga nduru awe; lango ni ayeke duti lango so mbinda asara si ndo avuko vukongo. So ngoi ndali ti amara nde laa.

Joël 1:15

Ae! So lango ti nyen? *Lango ti KOTA GBIA aga nduru awe, lango ni ayeke tongana mbeni kota kpale so ayeke buba ndo kue; alondo na lo so ngangu ti lo ahon angangu kue.

Joël 2:1

Ala huru didi na ndö ti hoto ti *Sion, ala dekongo ngangu na ndö ti hoto ti mbi so ayeke nde si ayeke nzoni kue so! Ala azo ti kodro, ayeke tere ti ala ado, ngbanga ti so *lango ti KOTA GBIA ayeke ga, lango ni aga nduru awe.

Nahum 1:2

*KOTA GBIA ayeke Nzapa so ayeke sara mbanda, lo yeke kiri peko ti sioni na azo so asara sioni na lo. KOTA GBIA ayeke kiri peko ti sioni na azo so ake lo; ngonzo ti lo ayeke sioni mingi. Lo yeke kiri peko ti sioni na awato ti lo, ngonzo ti lo ayeke londo tongana wâ na tere ti ala.

Nahum 1:6

Tongana lo sara ngonzo, zo wa laa ayeke luti na le ti lo, zo wa? Tongana ngonzo ti lo alondo tongana wâ, zo wa laa ayeke ngba na fini, zo wa? Ngonzo ti lo ayeke gbi ye kue tongana ti so kota wâ ayeke gbi ye kue; ya ti akota têne ayeke suru na dawa ti lo.

Nahum 1:8

na ndembe so ye ti ngangu ahon ndö ti ala tongana ngu so ayeke sua ngangu. Me lo yeke buba kodro ti awato ti lo si lo yeke tumba ala na ndo so avuko pitipiti.

Sofonii 1:15

Lango ni ayeke lango ti ngonzo, lango ti ye ti ngangu na ti kota mbeto, lango so ye kue ayeke buba na lango ti kota kpale; lango so ndo ayeke vuko pitipiti, lango ti vukongo ndo, lango ti mbinda na ti vuko mbinda.

Zakarii 14:1

Lango ti *KOTA GBIA aga nduru awe. Na lango ni so, fade azo ayeke ro aye ti ala, azo ti Jérusalem ti kangbi ni na le ti ala wani.

Aye so Nzapa afa 18:8

Ndani laa, gi na ya ti lango oko, fade aye ti sioni so a leke ndali ti lo ayeke si na lo: kuâ, mua na kota nzara. Fade wâ ayeke gbi lo, ngbanga ti so Kota Gbia, Nzapa so ayeke na ngangu afâ ngbanga na li ti lo awe.”