Ésaïe 13:6 - Mbeti ti Nzapa - Tënë so amu fini

⁶ Ala dekongo na vundu maa! *Lango ti KOTA GBIA aga nduru awe; lango ni ayeke tongana mbeni kota kpale so ayeke buba ndo kue; kpale ni alondo na lo so ngangu ti lo ahon angangu kue.

Ésaïe 13:6 ပူးပေါင်းရင်းမြစ်များ

Mbeti ti Job 31:23

Biani, mbeto titene Nzapa atokua kpale na ndö ti mbi asara mbi mingi; nilaa mbi sara ni pepe. Mbi kpa ti luti na dawa ti gonda ti lo ti sara mara ti ye tongaso?

Ésaïe 10:25

Biani, gi na ya ti kete ngoi, sioni ngonzo ti mbi so alondo na tere ti ala ayeke kai. Me ngonzo ti mbi ni ayeke kiri ti hunzi azo ni kue.”

Ésaïe 10:3

Na lango ti fango ngbanga, fade ala yeke sara nyen? Na ngoi so kota pupu so ayeke buba ye kue alondo yongoro ti ga, fade ala yeke sara nyen? Ala yeke kpe na ndo ti zo wa titene lo mu maboko na ala? Ala yeke zia amosoro ti ala na ndo wa?

Ésaïe 13:9

Baa lango ti KOTA GBIA ayeke ga, lango so ayeke baa mawa ti zo pepe, lango ti sioni ngonzo, lango ti ngonzo ti wâ. Lango ni ayeke sara si sese aga ngonda, ayeke fâ azo ti siokpari kue.

Ésaïe 14:23

Fade mbi yeke sara titene Babilone aga ndo ti potopoto, ndo so abelu ayeke lango daa. Mbi yeke zi Babilone na balee so ayeke zi azende kue. So tënë ti yanga ti KOTA GBIA so ayeke na ndö ti dunia kue laa.”

Ésaïe 14:31

Ala ayanga ti gbata, ala dema tere ti ala ma! Ala agbata, ala dekongo ma! Sese ti Filistii kue awoko kue awe: mbeni ngbongboro guru ti wâ alondo na Banga si ayeke ga. Na mbage ti awato, ala kue abongbi tere ti ala, zo oko angba na peko pepe.

Ésaïe 2:12

Biani, KOTA GBIA so ayeke na ndö ti dunia kue, mbeni lango ti lo ayeke ga so lo yeke fâ ngbanga na li ti azo ti pikango kate, azo so ayeke ya iri ti ala nga na azo so abaa atene, ala hon amba ti ala so; lo yeke kiri ala na kete ndo.

Ésaïe 23:1

Nengo tënë na ndö ti Tir. “Ala amangboko ti Tarsis, ala he bia ti demango tere! Biani, a buba ndo ti lutingo ti amangboko ti Tir awe, ada ayeke daa mbeni pepe.” So ala londo na zoa ti Shipre, ala kiri laa ala ma tënë ni.

Ésaïe 34:2

Ngonzo ti *KOTA GBIA ayeke tuku na ndö ti amara kue, sioni ngonzo ti lo ayeke tuku na ndö ti aturugu ti ala kue. Lo zia ala titene a fâ ala, ahunzi ala, lo zia ala titene a fâ ala kue.

Ésaïe 34:8

Ti KOTA GBIA, lango ni so ayeke lango titene lo kiri na peko ti sioni ti azo ti Edom na ala; ngu ni so ayeke ngu titene lo so lo yeke gbu koko ti *Sion, lo kiri na peko ti sioni ti awato ti Sion na ala.

Ésaïe 47:11

Baa, fade mbeni ye ti mawa ayeke ti na ndö ti mo, mo yeke hinga lege so mo yeke sigigi na ya ni pepe. Baa, mbeni kpale ayeke ti na ndö ti mo, mo yeke hinga lege ti bata tere ti mo daa pepe. Mbeni ngangu pupu ayeke ga na ndö ti mo biaku, mo yeke hinga li ti mo na ni pepe.

Ésaïe 52:5

Fadeso, nyen laa mbi yeke wara na peko ni, nyen? A mu azo ti mbi a gue na ala na ngbaa, a futa mbeni ye pepe. Azo so asara komandema na ndö ti ala adekongo ti songo benda – so tënë ti yanga ti KOTA GBIA laa. Lakue, ala yeke zonga iri ti mbi.

Ésaïe 61:2

Lo tokua mbi ti tene na azo, atene: so ayeke ngu so KOTA GBIA ayeke sara nzoni be na ala; so ayeke lango so Nzapa ti e ayeke kiri peko ti sioni na awato ti lo. Lo tokua mbi ti de be ti azo so kue ayeke na vundu.

Ésaïe 63:4

Mbi leke lani na be ti mbi mbeni lango ti kiri peko ti sioni na ala. Ngu ti zi azo ti mbi alingbi awe.

Ésaïe 65:14

Azo ti kua ti mbi ayeke dekongo na ngia, be ti ala ayeke nzere; me ti ala, ala yeke dekongo na vundu na be. Biani, ala yeke dema tere, be ti ala ayeke woko kue.

Jérémie 25:34

Ala azo ti li ti kodro, ala dema tere, ala dekongo! Ala awabatango-taba, ala rule tere ti ala na sese! Biani, lango ti fango ala alingbi awe. Fade a yeke kangbi ala kirikiri si ala yeke ti na sese tongana ta ti ngangu ngere.

Jérémie 49:3

Ala, azo ti Heshebon, ala he bia ti totongo kuâ, ala tene: “A buba gbata ti Ai kue awe!” Ala, akete kodro so ayeke nduru na Raba, ala dekongo ngangu! Ala yu bongo ti mua, ala dema tere, ala tambula asi kâ, asi ge na ya ti gbagba: a gbu nzapa Milkom ti gue na lo na kodro wande, lo na awayango-sandaga ti lo na amakonzi ti lo.

Jérémie 51:8

Me gi hio tongaso, Babilone ati, ya ti lo afâ kue. “Ayeke nzoni ala he bia ti totongo kuâ ndali ti lo. Ala zia mafuta na le ti aka ti lo; e hinga pepe, fade tere ti lo ayeke ga nzoni!”

Ezekiel 13:5

Awayanga-nzapa ni ague ti kanga adu ti gbagba pepe, ala leke gbagba pepe ti bata ala, azo ti Israel, na ngoi ti bira, na *lango ti KOTA GBIA.

Ezekiel 21:12

Tongana ala hunda mo, atene: ‘Mo yeke dema ngbanga ti nyen?’ Fade mo kiri tënë na ala, mo tene: ‘Mbi ma mbeni sioni sango, ye ni ayeke si. Fade be ti azo kue ayeke fâ, maboko ti azo ayeke woko, ngangu ayeke tia azo, alikunu kue ayeke do kpakpakpa. Ngoi ni alingbi awe! Ye ni asi fadeso awe!’ So tënë ti yanga ti Kota Gbia NZAPA laa.”

Daniel 5:26

Nda ni ayeke tongaso: MENE aye ti tene a diko ni awe: Nzapa adiko ngu ti mo ti dutingo gbia si lo kai ni awe;

Daniel 5:9

Ye ni azia kota mbeto na be ti gbia Baltazar si le ti lo aga nde; be ti akota zo ti lo nga agi ala mingi.

Joël 1:11

Azo ti fango yaka, be ti ala awoko kue awe; azo ti fango yaka ti vinye, ala dema tere, ngbanga ti so ble na *orze atia awe, akobe ti yaka abuba awe.

Joël 1:13

Ala awayango-sandaga, ala yu bongo ti mua, ala toto; ala so ayeke sara kua na tere ti gbalaka, ala dema tere ti ala! Ala azo so ayeke sara kua ti Nzapa ti mbi, ala ga, ala yu bongo ti mua, ala lango na ni na bi kue, ngbanga ti so azo ayeke na sandaga ti *ble na ti samba pepe ti ga na ni na ya ti kota da ti Nzapa.

Joël 1:15

Ae! So lango ti nyen? *Lango ti KOTA GBIA aga nduru awe, lango ni ayeke tongana mbeni kota kpale so ayeke buba ndo kue; alondo na lo so ngangu ti lo ahon angangu kue.

Joël 1:5

Ala azo so ayeke angbaa ti samba, ala zingo, ala toto! Ala azo so kue ayeke nyon vin, ala dema tere ti ala, ngbanga ti so a zi fini vin na yanga ti ala awe.

Joël 2:1

Ala huru didi na ndö ti hoto ti *Sion, ala dekongo ngangu na ndö ti hoto ti mbi so ayeke nde si ayeke nzoni kue so! Ala azo ti kodro, ayeke tere ti ala ado, ngbanga ti so *lango ti KOTA GBIA ayeke ga, lango ni aga nduru awe.

Joël 2:11

Na dawa ti aturugu ti lo, KOTA GBIA asara si azo ama go ti lo. Aturugu so ayeke ma yanga ti lo ayeke gbani gbani si ala yeke na ngangu. Biani, lango ti KOTA GBIA ayeke kota lango mingi, lango so ayeke zia kota mbeto na be ti zo. Zo wa laa alingbi ti kanga be ti lo na ni, zo wa?

Amos 5:18

Mawa na ala, azo so ayeke ku *lango ti KOTA GBIA! Nzoni ye ti nyen laa ala yeke wara na lango ti KOTA GBIA ni nyen? Lango ni ayeke duti lango ti vukongo ndo, me lango ti lumiere pepe.

Sofonii 1:14

Kota lango ti *KOTA GBIA aga nduru awe; lango ni aga nduru awe, lango ni ayeke ga hio hio mingi. Na lango ti KOTA GBIA, fade be ti azo ayeke fun kue si ala yeke dekongo; ataa angangu zo ti bira, ala yeke dekongo na mbeto.

Sofonii 1:7

Ala azo, ala kai kpoo na dawa ti Kota Gbia NZAPA, ngbanga ti so *lango ti KOTA GBIA aga nduru awe. KOTA GBIA aleke mbeni *sandaga awe, lo iri azo ti tengo kobe ti sandaga ni si ala leke tere ti ala awe.

Zakarii 14:1

Lango ti *KOTA GBIA aga nduru awe. Na lango ni so, fade azo ayeke ro aye ti ala, azo ti Jérusalem ti kangbi ni na le ti ala wani.

Jacques 5:1

Ala azo ti mosoro, ala ma si! Ala dekongo, ala toto ndali ti pasi so ayeke ga ande na ndö ti ala!

Aye so Nzapa afa 18:10

Mbeto ti pasi so lo yeke baa ayeke sara ala; ala yeke luti yongoro si ala yeke tene: “Mawa-ee! So mawa! Kota gbata-ee, Babilone-ee! Ngangu gbata! Gi na ya ti ngbonga oko, a fâ ngbanga na li ti mo awe!”