Ésaïe 13:4 - Mbeti ti Nzapa - Tënë so amu fini

⁴ Ala ma go ti azo na ndö ti hoto, go ni ayeke tongana go ti gba ti azo. Ala ma wusuwusu na ya ti akodro-gbia, amara nde so abongbi ayeke sara wusuwusu. KOTA GBIA so ayeke na ndö ti dunia kue ayeke hon ti baa aturugu ti lo oko na oko so ayeke gue ti tiri bira.

Ésaïe 13:4 ပူးပေါင်းရင်းမြစ်များ

Ésaïe 17:12

So mawa ti nyen! Gba ti amara ayeke sara wusuwusu, wusuwusu ni ayeke tongana toto ti kota ngu-ingo. Amara nde ayeke sara wusuwusu, wusuwusu ni ayeke tongana toto ti ngu so ayeke sua ngangu.

Ésaïe 48:14

Ala kue, ala bongbi tere ti ala, ala ma! Mbi yeke na mbeni zo so mbi ye lo mingi. Lo laa lo yeke sara ande titene ye so mbi ye ti sara na Babilone aga taa-tënë; lo laa lo yeke sara si azo ti Babilone ahinga ngangu ti mbi. Me na popo ti ala, zo wa laa afa tënë so, zo wa?

Ésaïe 5:26

KOTA GBIA ayo bendere na nduzu ndali ti amara so alango yongoro lo huru yanga ti lo na ala si ala londo na nda ti sese kâ aga. Baa, ala mu loro si ala si hio.

Ésaïe 5:30

Me na lango ni so, mbeni toto ayeke londo ti ga na tere ti ala tongana toto ti kota ngu-ingo. Tongana zo abaa ndo na ndö ti sese, fade lo yeke baa gi vukongo ndo na ye ti ngangu; angbongboro mbinda ayeke kanga sungo ti lâ.

Jérémie 21:4

Tënë so KOTA GBIA, Nzapa ti Israel atene ayeke so: ‘Aye ti bira so ala yeke mu ti tiri na gbia ti Babilone nga na aturugu ti lo so ayeke na gigi ti gbagba ni so, fade mbi yeke sara si aye ti bira ni aturne, atuku kue na be ti gbata ni.

Jérémie 25:14

Biani, fade azo ti Babilone nga ayeke duti na gbe ti komandema ti amara mingi na ti angangu gbia. Lege so mbi yeke futa na ala peko ti asarango ye ti ala nga na sioni so kue ala sara laa.”

Joël 2:25

KOTA GBIA atene: “Lani mbi tokua gba ti akete nyama ti bubango ye na tere ti ala si ala te akobe ti ala: angadi, akinda-gozo, akete gbadola na akota gbadola. Fadeso mbi yeke kiri na ala aye so anyama ni abuba na ya ti angu so ahon so.

Aye so Nzapa afa 18:8

Ndani laa, gi na ya ti lango oko, fade aye ti sioni so a leke ndali ti lo ayeke si na lo: kuâ, mua na kota nzara. Fade wâ ayeke gbi lo, ngbanga ti so Kota Gbia, Nzapa so ayeke na ngangu afâ ngbanga na li ti lo awe.”