Ésaïe 13:3 - Mbeti ti Nzapa - Tënë so amu fini

³ Mbi wani, mbi mu yanga na azo so mbi zia ala nde ndali ti mbi. Mbi iri akpengba turugu ti mbi, ala so ayeke wara ngia na lege ti nengo ti mbi; mbi iri ala titene ala fa ngonzo ti mbi.”

Ésaïe 13:3 ပူးပေါင်းရင်းမြစ်များ

Abia (Psaumes) 149:2

Ayeke nzoni azo ti Israel aduti na ngia ndali ti lo so lo sara ala! Ayeke nzoni azo ti *Sion adodo na ngia ndali lo, lo yeke gbia ti ala!

Ésaïe 23:11

KOTA GBIA asuku ngangu na kota ngu-ingo; lo sara si akodro ti agbia ayingi, lo mu yanga si a kungbi agbagba ti bira ti Kanaan.

Ésaïe 5:26

KOTA GBIA ayo bendere na nduzu ndali ti amara so alango yongoro lo huru yanga ti lo na ala si ala londo na nda ti sese kâ aga. Baa, ala mu loro si ala si hio.

Jérémie 25:9

mbi yeke tokua titene a gi amara ti mbage ti Banga kue, so tënë ti yanga ti KOTA GBIA laa. Mbi yeke iri zo ti kua ti mbi Nabukodonosor, gbia ti Babilone, titene lo ga. Mbi yeke sara titene azo ni aga atuku na ndö ti kodro so; ala ga na tere ti azo ti kodro ni nga na tere ti amara so kue angoro kodro ni. Mbi yeke hunzi ala na amara ni kue. Mbi yeke sara si kodro ni ati biani biani si aga ye ti dongo be. Na bango kodro ni, fade azo ayeke huru yanga ti ala; so tënë ti yanga ti KOTA GBIA laa.

Jérémie 51:46

“Be ti ala awoko pepe! Asango so ayeke hon na ya ti kodro ni so, ala sara mbeto ni pepe. Na mbeni ngu, azo ayeke tene mbeni tënë nde, na mbeni ngu, ala yeke tene mbeni tënë nde. Azo ni ayeke tene: na ya ti kodro ni, gi sarango ngangu na azo, mbeni sioni gbia ayeke ga ti tumba mba ti lo na ndö ti mbata…

Jérémie 51:53

Ataa Babilone ama na nduzu ngbii lo si na le ti nduzu, ataa lo honde tere ti lo na peko ti mbeni ngangu gbagba so zo alingbi ti si daa pepe, mbi yeke mu yanga na azo so kua ti ala ayeke ti bubango aye titene ala gue ngbii asi na tere ti lo kâ”; so tënë ti yanga ti KOTA GBIA laa.

Sofonii 1:7

Ala azo, ala kai kpoo na dawa ti Kota Gbia NZAPA, ngbanga ti so *lango ti KOTA GBIA aga nduru awe. KOTA GBIA aleke mbeni *sandaga awe, lo iri azo ti tengo kobe ti sandaga ni si ala leke tere ti ala awe.

Aye so Nzapa afa 18:20

Ala so kue ayeke na yayu, ala duti na ngia ndali ti so Babilone ati awe! Ala azo ti Nzapa, *awatokua ti Nzapa, awayanga-Nzapa, ala duti na ngia ndali ti so Nzapa afâ ngbanga na li ti Babilone ndali ti ye so lo sara na ala!