Ésaïe 13:22 - Mbeti ti Nzapa - Tënë so amu fini

²² Agbongo ayeke lango na ya ti ayangbo ti gbata ni si *anzagua ayeke lango ti ala na ya ti akota da ti ngia ti gbata ni. Ngoi ti Babilone aga nduru awe, lango ni asi awe; a yeke kiri ti zia mbeni lango na ndö ni pepe.

Ésaïe 13:22 ပူးပေါင်းရင်းမြစ်များ

Abia (Psaumes) 44:19

E kiri na peko pepe, e ngba lakue ti tambula na lege ti mo;

Ésaïe 14:23

Fade mbi yeke sara titene Babilone aga ndo ti potopoto, ndo so abelu ayeke lango daa. Mbi yeke zi Babilone na balee so ayeke zi azende kue. So tënë ti yanga ti KOTA GBIA so ayeke na ndö ti dunia kue laa.”

Ésaïe 25:2

Mo sara si gbata ni aga gba ti atêne. Gbata so a sara ngangu gbagba na tere ni, mo sara si abuba kue. Yangbo ti awande akpa gbata mbeni pepe, zo ayeke kiri ti leke ni laoko pepe.

Ésaïe 32:14

Yangbo ti gbia, azo ado azia awe, gbata so wuluwulu ayeke daa lani, azo akpe ni kue awe. Vaka ti Ofel na da so ayo na nduzu ayeke ga du ti hondengo tere kpu na kpu, ndo so alele ti ngonda ayeke sara ngia daa nga na ndo so anyama ayeke te pere daa.

Ésaïe 34:13

Akamba ti ki ayeke sigigi na yangbo ti gbia, asioni pere na akeke ti ki ayeke mu ndö ti ngangu gbagba. Kodro ni ayeke ga ndo ti lango ti *anzagua, ndo so *anaamo ayeke duti daa.

Ésaïe 34:14

Anyaû ti ngonda na agbongo ayeke wara tere kâ, akoli-ngasa ayeke wara amba ti ala kâ. Sioni yingo ti bi ayeke duti kâ; kâ, lo yeke wara ndo ti wungo tere.

Ésaïe 35:7

Mbutu so amu wâ mingi ayeke kiri ti ga kota ngu, sese so ngu atia daa ayeke kiri ti ga ali ti ngu. Ndo so lani *anzagua ayeke lango daa, asosongo na apere ti ya ti ngu asigigi daa.

Ésaïe 43:20

Fade anyama ti ngonda, *anzagua na *anaamo ayeke gonda mbi, ngbanga ti so mbi sara si ngu asua na ndo so ngu ayeke daa pepe, abale asua na ndo so ahole holengo. Biani, mbi ye ti mu ngu ti nyongo ni na azo ti mbi so mbi soro ala.

Jérémie 48:16

Lango ti tingo ti Moab aga nduru awe, ye ti ngangu ayeke ga na ndö ti lo fafadeso.

Jérémie 51:33

Tënë so KOTA GBIA so ayeke na ndö ti dunia kue, Nzapa ti Israel atene ayeke so: “So mawa na lo, maseka-wali Babilone! Lo ga tongana lakere so azo ayeke leke ni titene a pika ale ti kobe daa. Angba gi kete titene ngoi ti kongo ale ti kobe ndali ti lo ayeke lingbi.”

Jérémie 9:11

Mbeni zo ti ndara ayeke daa so alingbi ti ma ya ti tënë so? Tongana zo ni ayeke daa, ayeke nzoni tënë so KOTA GBIA azia na yanga ti lo, lo fa ni na azo polele. Lo fa nda ni so kodro ni abuba; nda ni so kodro ni agbi si aga gi benyama so; nda ni so zo ayeke hon daa oko pepe so.

Abia ti demango tere 4:3

Ataa *anzagua, ala yeke mu ka me na amolenge ti ala, ala yeke baa lege ti kobe ti amolenge ti ala. Me ala azo ti kodro ti mbi, ala ga azo ti sarango sioni ye na azo tongana *anaamo ti benyama.

Mishe 1:8

Ndani laa, fade mbi, Mishe, mbi yeke toto si mbi yeke dema tere ti mbi. Mbi yeke tambula gere senge, mbi yeke tambula tere ti mbi senge. Mbi yeke toto tongana *anzagua, mbi yeke he bia ti totongo kuâ tongana ti so *anaamo ayeke toto so.

Habakuk 2:3

Ye so mo baa na ya ti mbeni ye tongana bango-li so ayeke si na ngoi so alingbi, ngoi ni ayeke ga nduru nduru; tënë ni ayeke mvene pepe. Me tongana ye ni angba ti ninga, mo ku ni, ngbanga ti so nyen na nyen kue, ye ni ayeke si tongana ngoi ni alingbi.

Sofonii 2:14

Gi anyama ti kodro na mara ti anyama nde nde laa ayeke lango na ya ni; andeke ti bi na abelu ayeke lango na go ti ada, toto ti andeke ayeke sigigi na le ti afenetere. Taa gi na yanga ti ada ni, gi aye so abuba awe, akeke ti sedre so a leke na ada ni angba senge.

Ndia ti fani use ni 32:35

mbi yeke kiri peko ti sioni na ala, mbi yeke kiri peko ti ye na ala alingbi na sarango ye ti ala na ndembe so gere ti ala ayeke *zene si ala ye ti ti. Biani, lango ti ye ti ngangu ni aga nduru awe, lango ti kuâ ti ala angba yongoro pepe.’

2 Pierre 2:3

Ndali ti nzara ti nginza, azo so ayeke handa ala ti te ala na lege ti atënë ti mvene. Me ti azo ni, aninga mingi so ngbanga ti ala alondo awe, ngbanga so aga nduru ti ti na ndö ti ala: kpale so ayeke mingo ala ade yongoro pepe.