Ésaïe 13:21 - Mbeti ti Nzapa - Tënë so amu fini

²¹ Me anyaû ti ngonda laa ayeke lango kâ, andeke ti bi ayeke si singo na ya ti ada ti azo ni. *Anaamo ayeke lango na ya ti gbata ni, angasa ayeke dodo na ya ni.

Ésaïe 13:21 ပူးပေါင်းရင်းမြစ်များ

Ésaïe 14:23

Fade mbi yeke sara titene Babilone aga ndo ti potopoto, ndo so abelu ayeke lango daa. Mbi yeke zi Babilone na balee so ayeke zi azende kue. So tënë ti yanga ti KOTA GBIA so ayeke na ndö ti dunia kue laa.”

Ésaïe 23:13

Ala baa kodro ti azo ti Babilone: azo ni ayeke daa mbeni pepe. Asirii asara si kodro ni aga ndo ti anyama ti ngonda. Azo ti Asirii aleke ada so ayo na nduzu ti tiri bira na kodro ni, ala kungbi ayangbo ti kodro ni, ala sara si kodro ni aga ndo ti gba ti atêne.

Ésaïe 25:2

Mo sara si gbata ni aga gba ti atêne. Gbata so a sara ngangu gbagba na tere ni, mo sara si abuba kue. Yangbo ti awande akpa gbata mbeni pepe, zo ayeke kiri ti leke ni laoko pepe.

Ésaïe 32:14

Yangbo ti gbia, azo ado azia awe, gbata so wuluwulu ayeke daa lani, azo akpe ni kue awe. Vaka ti Ofel na da so ayo na nduzu ayeke ga du ti hondengo tere kpu na kpu, ndo so alele ti ngonda ayeke sara ngia daa nga na ndo so anyama ayeke te pere daa.

Jérémie 50:39

Ndani laa, fade anyaû ti ngonda na agbongo ayeke lango na Babilone; *anaamo ayeke sara kodro kâ. Zo ayeke sara kodro daa mbeni pepe; kodro ni ayeke ngba senge kpu na kpu.

Awayango-sandaga 11:16

*naamo, shuete, muete, na mara ti andeke nde nde ti gbungo kondo,

Mishe 1:8

Ndani laa, fade mbi, Mishe, mbi yeke toto si mbi yeke dema tere ti mbi. Mbi yeke tambula gere senge, mbi yeke tambula tere ti mbi senge. Mbi yeke toto tongana *anzagua, mbi yeke he bia ti totongo kuâ tongana ti so *anaamo ayeke toto so.

Sofonii 2:14

Gi anyama ti kodro na mara ti anyama nde nde laa ayeke lango na ya ni; andeke ti bi na abelu ayeke lango na go ti ada, toto ti andeke ayeke sigigi na le ti afenetere. Taa gi na yanga ti ada ni, gi aye so abuba awe, akeke ti sedre so a leke na ada ni angba senge.

Aye so Nzapa afa 18:2

Lo dekongo ngangu, lo tene: “Lo ti awe! Babilone, kota gbata ati awe! Lo ga fadeso ndo ti duti ti asioni yingo, ti ayingo ti kirikiri; lo ga ndo ti hondengo tere ti asioni ndeke kue nga na andeke so azo ake ala.