Ésaïe 13:19 - Mbeti ti Nzapa - Tënë so amu fini

¹⁹ Babilone, gbata so apendere ahon ambeni gbata ti kodro ni, azo ti Babilone ayeke pika kate ti ala ndali ni, fade Nzapa ayeke buba ni tongana ti so lo buba ando agbata ti Sodome na Gomore.

Ésaïe 13:19 ပူးပေါင်းရင်းမြစ်များ

Tongo nda ti aye 19:24

Na ndembe ni so laa KOTA GBIA asara titene wâ na *sufre alondo na nduzu, atuku na ndö ti Sodome na Gomore tongana ti so ngu-Nzapa ayeke pika so.

Tongo nda ti aye 19:25

Lo sara si aye ti agbata ni aga kirikiri: lando ni kue, azo ti agbata ni kue, akeke na apere ni kue.

Ésaïe 13:1

Nengo tënë na ndö ti Babilone; ye so Ésaïe, molenge ti Amoz abaa na ya ti mbeni ye tongana bango-li.

Ésaïe 21:9

Ala baa, mbeni koli ayeke ga, lo duti na ndö ti pusu ti mbarata so ambarata use laa ayeke gboto ni. Lo kiri lo dekongo, lo tene: ‘Babilone ati awe! Babilone ati awe! Ayanda kue ti anzapa so ayeke na ya ti gbata ni ayeke lango na sese; ya ni afâ kete kete.’ ”

Ésaïe 47:5

Mo gbata ti azo ti Babilone, mo duti, mo kai kpoo, mo honde tere ti mo na ya ti vukongo ndo. Biani, fade a yeke kiri ti iri mo pepe: “Gbia-wali so ayeke na ndö ti akodro-gbia”.

Ésaïe 48:14

Ala kue, ala bongbi tere ti ala, ala ma! Mbi yeke na mbeni zo so mbi ye lo mingi. Lo laa lo yeke sara ande titene ye so mbi ye ti sara na Babilone aga taa-tënë; lo laa lo yeke sara si azo ti Babilone ahinga ngangu ti mbi. Me na popo ti ala, zo wa laa afa tënë so, zo wa?

Jérémie 25:12

“Me tongana ngu balembarambara so ahunzi awe, mbi wani, mbi yeke ga na tere ti gbia ti Babilone nga na tere ti azo ti kodro ti lo ndali ti sioni so ala sara; so tënë ti yanga ti KOTA GBIA laa. Mbi yeke ga na tere ti kodro ti azo ti Babilone; mbi yeke sara si kodro ni aga ye ti dongo be kpu na kpu.

Jérémie 49:18

KOTA GBIA atene: Fade kota kpale ni ayeke duti legeoko tongana ti so asi na Sodome na Gomore, nga na agbata so ayeke na tere ni. Zo ayeke kiri ti duti na ya ti kodro ni pepe, a yeke kiri ti baa le ti zo oko na ya ni pepe.”

Jérémie 50:40

Legeoko tongana Sodome na Gomore nga na agbata ti tere ni so KOTA GBIA abuba ni, fade mbi yeke buba kodro ti Babilone, zo ayeke kiri ti duti daa pepe, zo oko ayeke sara kodro daa mbeni pepe.

Jérémie 51:26

Zo wa laa ayeke kiri ti wara na ndo ti mo ngangu têne ti gere ti da wala têne ti sarango na gere ti da? Biani, fade mo ga ngonda kpu na kpu”; so tënë ti yanga ti KOTA GBIA laa.

Jérémie 51:29

Sese ayingi; sese ni ado na mbeto na ndembe so ye so KOTA GBIA aleke na be ti lo ti sara na Babilone, ye ni asi alingbi na ni: lo sara si kodro ni aga ngonda, zo ayeke daa mbeni pepe.

Jérémie 51:41

Mara ti ye tongaso alingbi ti si? Gbata ti Sheshak so ando iri ti lo awu na ndö ti dunia kue so, fadeso azo asara bira na ni si ala mu ni awe! Mara ti ye tongaso alingbi ti si? Na popo ti amara kue, Babilone aga fadeso ngonda!

Jérémie 51:62

Fade mo yeke tene: ‘KOTA GBIA, mo wani laa mo tene, fade gbata so ayeke ti biani biani, zo na nyama ayeke kiri ti ngba na ya ni pepe; fade gbata ni ayeke ga ngonda kpu na kpu.’

Daniel 4:30

Taa gi na ngbonga ni so, tënë so a tene na ndö ti Nabukodonosor aga taa-tënë: azo atumba lo na popo ti ala; lo yeke te pere tongana bagara si ngu ti pere amu tere ti lo kue. Kua ti li ti lo ayo aga tongana kua ti tere ti *ngoalo si anzënë ti maboko ti lo ayo aga tongana ti andeke.

Amos 4:11

“Mbi buba aye so kue ayeke na ndo ti ala tongana ti so mbi buba ando aye kue na Sodome na Gomore. Ala sigigi na ya ni tongana nduru keke ti wâ so a gboto ni na ya ti wâ. Ataa aye so kue, ala kiri na mbage ti mbi pepe; so tënë ti yanga ti KOTA GBIA laa.

Sofonii 2:9

Mbi yeke na fini! So tënë ti yanga ti *KOTA GBIA so ngangu ti lo ahon angangu kue, Nzapa ti Israel laa: Ndani laa, fade Moab ayeke ga tongana Sodome, azo ti Amon ayeke ga tongana Gomore. Kodro ti ala ayeke ga mbeni ndo so akeke ti ki amu ya ni kue, mbeni ndo so gi ingo laa ayeke daa, kodro ni ayeke buba biani biani. Tanga ti azo ti mbi so angba na fini, ala yeke ro aye ti kodro ni kue, ala yeke mu kodro ni ti ga ti ala.”

Rome 9:29

Ésaïe atene nga ando, atene: “Tongana Kota Gbia Nzapa, lo so lo yeke na ndö ti dunia kue, lo mu fade *ahale na e pepe, ka ti e ahunzi awe tongana ti azo ti Sodome na ti Gomore.”

Ndia ti fani use ni 29:23

Fade amara kue ayeke hunda ndo, atene: “Ngbanga ti nyen si KOTA GBIA asara ye na kodro so tongaso? Ngbanga ti nyen si kota ngonzo ti lo alondo tongaso?”

Aye so Nzapa afa 18:11

Azo ti dengo buze ti sese ayeke toto si ala yeke sara mua, ngbanga ti so zo ti vongo akungba ti ala ayeke daa mbeni pepe.

Aye so Nzapa afa 18:19

Ala tuku fuku ti sese na ya ti li ti ala, ala toto, ala sara mua, ala dekongo, atene: “Mawa-ee! So mawa! Kota gbata so na lege ti gba ti amosoro ti lo awa ti amangboko aga azo ti mosoro mingi so, gi na ya ti ngbonga oko aye ti lo kue abuba awe!”