Ésaïe 13:13 - Mbeti ti Nzapa - Tënë so amu fini

¹³ Ndani laa, fade yayu ayeke yingi si gere ti sese ayeke do na lege ti ngonzo ti KOTA GBIA so ayeke na ndö ti dunia kue, na lango so ngonzo ti lo ni ayeke londo tongana wâ.

Ésaïe 13:13 ပူးပေါင်းရင်းမြစ်များ

Mbeti ti Job 9:6

Lo yeke sara si gunda ti sese ayingi, agere ti sese ni ayeke do dongo.

Abia (Psaumes) 18:7

Na ya ti ye ti ngangu so asi na mbi, mbi iri KOTA GBIA titene lo mu na mbi maboko, mbi dekongo na Nzapa ti mbi. Kâ na ya ti kota da ti lo, lo ma go ti mbi; so mbi dekongo na lo, dekongo ni asi na mê ti lo.

Abia (Psaumes) 88:16

Ti londo na ndembe so mbi de molenge ngbii asi laso, mbi yeke zo ti mawa, mbi ga nduru na kuâ; mo sara si aye ti mbeto ahon ndö ti mbi, li ti mbi kue akpe si tënë ahunzi na yanga ti mbi.

Ésaïe 2:19

Na ndembe so KOTA GBIA ayeke londo ti zia mbeto na be ti azo ti sese so, ala yeke li na ya ti adu ti têne nga na ya ti adu ti sese ti kpe ngonzo ti lo, ti kpe gonda ti lo so ayeke kota ahon ndoni.

Ésaïe 21:1

Nengo tënë na ndö ti benyama so ayeke nduru na kota ngu-ingo. Tongana ti so kota pupu afâ ya ti sese ti mbage ti Mbongo, wato alondo na benyama si ayeke ga, lo londo na kodro so ayeke zia mbeto na be ti azo.

Ésaïe 23:11

KOTA GBIA asuku ngangu na kota ngu-ingo; lo sara si akodro ti agbia ayingi, lo mu yanga si a kungbi agbagba ti bira ti Kanaan.

Ésaïe 24:1

*KOTA GBIA ayeke buba sese kue, lo yeke buba aye ti ndö ni kue. Lo yeke sara titene aye ti ndö ti sese asanze, lo yeke kangbi azo ti ndö ti sese ni kirikiri.

Ésaïe 24:18

Zo so ayeke kpe dekongo so ayeke zia kota mbeto na be ti zo, lo yeke ti na ya ti kota du; zo so ayeke londo ya ti du ni ti sigigi, lo yeke ti na ya ti gbanda. Fenetere ti yayu azi kota, gere ti sese ayingi.

Ésaïe 24:19

Sese ayeke suru kirikiri, ayeke sungba si ayeke yingi ngangu.

Ésaïe 34:4

Aye so kue ayeke na le ti nduzu ayeke hon kirikiri, le ti nduzu ayeke rule tere ti lo tongana mbeni mbeti. Aye so kue ayeke na le ti nduzu ayeke tuku tongana aholengo kugbe ti keke ti vinye wala ti keke ti fige.

Ésaïe 47:1

*KOTA GBIA atene: “Babilone, pendere gbata, mo zu, mo duti na ya ti fuku ti sese; kua ti mo ti gbia-wali ahunzi awe! Gbata ti azo ti Babilone, mo duti taa na sese, ngbanga ti so a yeke kiri ti iri mo pepe: ‘Babilone, wali so maboko ti lo ayeke ndu ye oko pepe’, ‘Babilone, *wali-ndomo’.

Ésaïe 51:6

Ala yo le ti ala, ala baa ndo na yayu, na pekoni, ala baa ndo na sese: fade yayu ayeke hon tongana guru ti wâ, sese ayeke buba tongana gbagba bongo, azo ti ndö ti sese ni ayeke kui tongana avuma. Me zingo azo ayeke ngba kpu na kpu, songo azo so mbi yeke ga ti soo ala ayeke ngba lakue lakue.

Ésaïe 9:19

Zo ayeke fâ kasa ti mbage ti maboko ti koli ti te, me nzara ayeke ngba ti sara lo; lo yeke te na mbage ti maboko ti wali, me ya ti lo ayeke si pepe. Zo oko oko ayeke te kasa ti tere ti lo wani.

Jérémie 51:1

Tënë so *KOTA GBIA atene ayeke so: “Mbi yeke tokua mbeni pupu ti bubango ye na ndö ti Babilone nga na ndö ti azo ti kodro ni.

Abia ti demango tere 1:12

Ala ga abaa, ala azo so kue ayeke hon na lege so, ayeke nzoni amara ti ye tongaso asi na ala pepe! Pasi ti mbi alingbi na pasi ti mbeni zo-oo? Pasi so KOTA GBIA azia mbi na ya ni so ayeke ngangu mingi; KOTA GBIA azia pasi ni na tere ti mbi na lango so ngonzo ti lo alondo tongana wâ.

Matthieu 24:29

“Gi na peko ti apasi so, fade le ti lâ ayeke vuko, nze ayeke kiri ti su pepe, atongoro ayeke londo na le ti nduzu ti ti na sese si angangu so ayeke na le ti nduzu ayeke yingi.

Matthieu 24:35

Fade yayu na sese ayeke hon, me atënë ti mbi ayeke hon oko pepe.”

2 Pierre 3:10

Lango ti gango ti Kota Gbia ayeke duti tongana gango ti zo ti nzi. Na lango ni so, nduzu ayeke hon si toto ni ayeke duti ngangu mingi; wâ ayeke gbi aye so ayeke na le ti nduzu, sese na aye so kue ayeke na ndö ni ayeke ngba pepe.

Aye so Nzapa afa 20:11

Na pekoni, mbi kiri mbi baa mbeni kota vuru mbata ti gbia. Mbi baa nga lo so ayeke duti na ndö ni so. Sese na yayu alondo na dawa ti lo, akpe ahon, a kiri a baa ala mbeni pepe.