Ésaïe 13:10 - Mbeti ti Nzapa - Tënë so amu fini

¹⁰ Fade atongoro ti le ti nduzu na ala so abongbi tere na ndo oko ayeke kiri ti za pepe. Gi na sigingo ti lâ tongaso, le ti lâ ni ayeke vuko si nze ayeke kiri ti su pepe.

Ésaïe 13:10 ပူးပေါင်းရင်းမြစ်များ

Mbeti ti Job 9:7

Tongana lo mu yanga na lâ, lâ ayeke sigigi pepe; lo yeke kanga lege na atongoro ti su.

Zo ti bongbingo azo 12:2

Dabe ti mo na lo kozoni si lâ na sungo ti lâ, nze na atongoro avuko si mbinda akiri amu ndo kue.

Ésaïe 24:21

Na lango ni so, fade *KOTA GBIA ayeke ga na tere ti aye mingi mingi ti yayu; lo yeke ga na tere ti agbia ti sese.

Ésaïe 24:23

Le ti nze ayeke be na kamene, kamene ayeke gbu le ti lâ. Biani, KOTA GBIA so ayeke na ndö ti dunia kue, lo yeke duti gbia na Jérusalem nga na ndö ti hoto ti *Sion. Gonda ti lo ayeke za na dawa ti *akangba ti gbata ni.

Ésaïe 47:5

Mo gbata ti azo ti Babilone, mo duti, mo kai kpoo, mo honde tere ti mo na ya ti vukongo ndo. Biani, fade a yeke kiri ti iri mo pepe: “Gbia-wali so ayeke na ndö ti akodro-gbia”.

Ésaïe 5:30

Me na lango ni so, mbeni toto ayeke londo ti ga na tere ti ala tongana toto ti kota ngu-ingo. Tongana zo abaa ndo na ndö ti sese, fade lo yeke baa gi vukongo ndo na ye ti ngangu; angbongboro mbinda ayeke kanga sungo ti lâ.

Ésaïe 50:3

Mbi yu yayu na vukongo ndo, mbi yu na lo bongo ti mua.”

Joël 2:10

Na singo ti ala, sese ayingi, le ti nduzu ado ngangu; le ti lâ na ti nze avuko pitipiti si atongoro akiri aza pepe.

Amos 5:20

Lango ti KOTA GBIA ni ayeke duti ande lango ti lumiere? – Oko pepe! Me ayeke duti lango ti vukongo ndo, lango so ndo avuko pitipiti, lango so lumiere ayeke daa kete pepe!

Nahum 1:8

na ndembe so ye ti ngangu ahon ndö ti ala tongana ngu so ayeke sua ngangu. Me lo yeke buba kodro ti awato ti lo si lo yeke tumba ala na ndo so avuko pitipiti.

Zakarii 14:6

Na lango ni so, aye so ayeke su na le ti nduzu ayeke kiri ti su pepe, de ayeke kiri ti sara pepe, *glase ayeke kiri ti duti daa pepe.

Matthieu 24:29

“Gi na peko ti apasi so, fade le ti lâ ayeke vuko, nze ayeke kiri ti su pepe, atongoro ayeke londo na le ti nduzu ti ti na sese si angangu so ayeke na le ti nduzu ayeke yingi.

Marc 13:24

“Me na ya ti alango ni so, na peko ti ngoi ti apasi so, fade le ti lâ ayeke vuko, nze ayeke kiri ti su pepe,

Nzoni Tënë so Luc asu na mbeti 21:25

“Fade ambeni ye ti kpene ayeke sigigi na le ti lâ, na le ti nze, na le ti atongoro. Na ndö ti sese, fade be ti azo kue ayeke gi na nduzu, ala yeke duti gi na mbeto ndali ti toto ti kota ngu-ingo na *amapo ni.

Awatokua 2:20

lâ ayeke ga vukongo ndo, nze ayeke ga bengba tongana mene. Na pekoni, fade lango ti *Kota Gbia ayeke si, kota lango so azo ayeke baa gonda ti Nzapa.

Aye so Nzapa afa 8:12

Osio ange ni ahuru tatalita ti lo. A pika mbeni mbage oko na popo ti ambage ota ti lâ na ti nze na ti atongoro oko oko kue si avuko; kota lâ agirisa mbage oko ti zango ti lo na popo ti ambage ni ota so ayeke za; vurungo ndo ti bi asara nga gi tongaso.