Ésaïe 12:5 - Mbeti ti Nzapa - Tënë so amu fini

⁵ Ala he bia na KOTA GBIA, ngbanga ti so lo sara akota ye. Ala tene tënë ni na azo ti sese kue!”

Ésaïe 12:5 ပူးပေါင်းရင်းမြစ်များ

Abia (Psaumes) 105:2

Ala he bia na lo, ala pika mozoko na lo; ala tene tënë ti aye ti kpene so kue lo sara!

Abia (Psaumes) 72:19

Singila na Nzapa kpu na kpu ndali ti iri ti lo so alingbi na gonda! Ayeke nzoni sese kue asi singo na gonda ti lo! Amen! Amen!

Abia (Psaumes) 98:1

Bia. Ala he fini bia na *KOTA GBIA, ngbanga ti so lo sara akota ye. Na lege ti ngangu ti lo, na lege ti ngangu ti lo ti Nzapa, lo so benda awe.

Sigingo 15:1

Tongaso Moïse na azo ti Israel ahe bia so na *KOTA GBIA, ala tene: Mbi ye ti he bia na KOTA GBIA: lo fa kota ngangu ti lo, lo bi ambarata na azo ti kpengo na mbarata ni na ya ti kota ngu-ingo!

Sigingo 15:21

Miriam amu li ti bia ni na ala, atene: “Ala he bia na KOTA GBIA, lo fa kota ngangu ti lo, lo bi ambarata na azo ti kpengo na mbarata ni na ya ti kota ngu-ingo!”

Ésaïe 24:14

Tanga ti azo so angba na fini amu go ti ala na nduzu ti he bia, ala yeke fa gonda ti *KOTA GBIA; ala londo na ya ti akodro ti mbage ti Do si ayeke ga, ala yeke dekongo na ngia, ala tene:

Ésaïe 40:9

Mo gbata ti *Sion, mo so mo yeke ga na nzoni tënë, mo ma na li ti kota hoto. Mo Jérusalem, mo so mo yeke ga na nzoni tënë, mo yo go ti mo na nduzu na ngangu ti mo kue. Mo yo go ti mo na nduzu, sara mbeto pepe. Tene na agbata ti Juda: “Baa, Nzapa ti ala laa!

Ésaïe 42:10

Ala he fini bia na *KOTA GBIA. Ala so ayeke na nda ti sese kâ, ala he bia ti sepela lo; ala so ayeke tambula na le ti kota ngu-ingo, ala so ayeke na ya ti kota ngu-ingo, na ala so ayeke lango na ya ti azoa, ala he bia ti sepela lo.

Ésaïe 42:11

Ala azo ti benyama na ala azo ti agbata ti benyama, ala he bia! Ala azo ti akete kodro ti Kedar, ala he bia! Ala azo so alango na gbata ti Kota têne, ala dekongo na ngia! Na ndö ti hoto, ala dekongo na ngia!

Ésaïe 44:23

Biani, *KOTA GBIA ayeke sara ye. Tongaso yayu, mo dekongo na ngia; gbe ti sese so alinda mingi, mo dodo na ngia! Ahoto, ala dekongo na ngia; ala agbako, ala na akeke ti ala, ala dekongo na ngia. Biani, KOTA GBIA azi Jacob awe, lo fa gonda ti lo na sese ti Israel.

Habakuk 2:14

Biani, fade azo ayeke hinga gonda ti KOTA GBIA si gonda ni ayeke si singo na ndö ti sese tongana ti so ngu asi singo na ya ti kota ngu-ingo.

Malashii 1:11

Biani, ti londo na To ngbii asi na Do, amara nde ahinga so mbi yeke kota. Na ndo kue, azo ayeke zö dukani na mbi, ala yeke ga na asandaga so ayeke *nzoni. Biani, amara nde ahinga so mbi yeke kota. Tënë so KOTA GBIA so ayeke na ndö ti dunia kue atene laa.

Aye so Nzapa afa 15:3

Ala yeke he bia ti Moïse, zo ti kua ti Nzapa, nga na bia ti Molenge ti Taba; bia ni atene: “*Kota Gbia, Nzapa so ngangu ti mo ahon angangu kue, aye so mo sara ayeke kota mingi si ayeke nga aye ti dongo be! Gbia ti amara nde, lege ti sarango ye ti mo ayeke mbirimbiri si ayeke na lege ti taa-tënë!