Ésaïe 11:6 - Mbeti ti Nzapa - Tënë so amu fini

⁶ Tongaso, fade mbo ti ngonda na molenge ti taba ayeke duti na ndo oko, ze na molenge ti ngasa ayeke lango na ndo oko. Molenge ti bagara na ti bamara ayeke te ye na ndo oko; molenge-koli laa ayeke fa lege na ala.

Ésaïe 11:6 ပူးပေါင်းရင်းမြစ်များ

Mbeti ti Job 5:23

Biani, mo na atêne ti yaka aga *ambuki; mo na asioni nyama ti ngonda asara songo.

Ésaïe 2:4

Lo yeke fâ ngbanga na popo ti amara nde, lo yeke leke tënë na popo ti amara gbani gbani. Amara ni ayeke mu ayongoro zeme ti ala ti sara na akpoka; ala yeke mu alikongo ti ala ti sara na azeme ti fango na ale ti kobe. Mbeni mara ayeke kiri ti mu yongoro zeme na tere ti mbeni mara pepe; azo ayeke kiri ti manda lege ti tiringo bira pepe.

Ésaïe 65:25

Fade mbo ti ngonda na molenge ti taba ayeke te kobe na ndo oko; bamara ayeke te pere tongana bagara. Ngbo ayeke te fuku ti sese. Na ndö ti hoto ti mbi so ayeke nde si ayeke nzoni kue, sarango sioni ayeke kiri ti duti daa pepe, bubango ye ayeke kiri ti duti daa pepe. Tënë so KOTA GBIA atene laa.”

Ezekiel 34:25

“Fade mbi yeke sara *mbuki ti siriri na ala, mbi yeke zi asioni nyama na ya ti kodro ni. Tongaso, fade ataba ti mbi alingbi ti duti na siriri na ya ti benyama si ala lango na ya ti ngonda.

Osée 2:18

“Na lango ni so, fade mo yeke iri mbi: ‘koli ti mbi’, – so tënë ti yanga ti *KOTA GBIA laa – mo yeke kiri ti iri mbi pepe: ‘baal ti mbi, wa ti mbi’.

Rome 14:17

Biani, *Kodro-gbia ti Nzapa abaa tënë ti tengo kobe wala tënë ti nyongo ye pepe, me abaa tënë ti sarango ye ti mbirimbiri, ti siriri na ti ngia so Yingo-Vuru ayeke mu na zo.