Ésaïe 11:5 - Mbeti ti Nzapa - Tënë so amu fini

⁵ Fade sarango ye ti mbirimbiri ayeke duti tongana kamba ti ndö ti bongo ti lo, sarango ye lakue na legeni ayeke duti tongana kamba so lo kanga na ngbonda ti lo.

Ésaïe 11:5 ပူးပေါင်းရင်းမြစ်များ

Abia (Psaumes) 109:19

Ayeke nzoni deba ni aga tongana bongo so lo kanga na tere ti lo, aga tongana kamba so lo yeke kanga na ndö ti bongo ti lo lakue!”

Abia (Psaumes) 45:4

Mo, ngangu zo ti bira, kanga yongoro zeme ti mo na ngbonda ti mo; so laa afa gonda ti mo na nengo ti mo ti gbia.

Abia (Psaumes) 89:9

KOTA GBIA, Nzapa so ayeke na ndö ti dunia kue, zo wa laa ayeke ngangu tongana mo, zo wa? KOTA GBIA, batango tënë ti yanga ti mo so mo yeke bata laa angoro mo.

Abia (Psaumes) 93:1

*KOTA GBIA ayeke gbia, lo yu gonda tongana bongo, lo kanga ngangu na tere ti lo tongana kamba ti ndö ti bongo. Biani, sese aluti ngangu, ye ayeke yingi ni pepe.

Ésaïe 25:1

*KOTA GBIA, mo yeke Nzapa ti mbi, mbi yeke ya iri ti mo, mbi yeke sepela iri ti mo, ngbanga ti so mo sara aye ti dongo be. Mo leke tënë ti aye ni na be ti mo ngbene ye aninga, aluti ngangu si akpengba.

Ésaïe 32:1

Fade mbeni gbia ayeke le-gbia na lege ti mbirimbiri, amakonzi ayeke sara komandema alingbi na ndia.

Ésaïe 59:17

Lo kanga mbirimbiri na tere ti lo tongana kazaka ti wen, lo mu songo zo na kuâ tongana kpoto ti wen, lo mu kiringo na peko ti sioni na zo tongana bongo so lo yu, lo mu ngangu ti lo ti tiringo na bira tongana kota bongo ti de.

Ésaïe 9:6

Fade lengo-gbia ti lo ayeke mu ndo ti gue na ni, lo yeke mu siriri so ayeke hunzi pepe, lo yeke duti na ndö ti mbata ti gbia David si lo yeke le-gbia na kodro ti lo. Lo yeke sara titene kodro-gbia ni akpengba na lege ti sarango ye so ayeke na legeni nga na lege ti sarango ye ti mbirimbiri, ti to nda ni laso ti gue na ni ngbii kpu na kpu. Ye so KOTA GBIA so ayeke na ndö ti dunia kue ayeke sara na lege ti kota nzara ti be ti lo laa.

Ésaïe 9:7

*KOTA GBIA atokua mbeni tënë na tere ti azo ti Jacob, tënë ni ati na ndö ti Israel.

Osée 2:20

Na lango ni so, ndali ti azo ti mbi, fade mbi yeke sara mbuki na anyama ti ngonda, andeke ti nduzu, anyama so ayeke hara harango na sese. Mbi yeke zi kokora, yongoro zeme na aye ti bira na ya ti kodro ni; mbi yeke sara titene azo ti kodro ni alango kpoo.

Zakarii 8:16

Aye so alingbi ala sara ni ayeke so: Zo oko oko atene taa-tënë na mba ti lo; na ya ti afango ngbanga ti ala, ala fâ ngbanga na lege ti taa-tënë si siriri aga.

2 Korente 6:7

na lege ti taa-tënë so e yeke fa nga na lege ti ngangu ti Nzapa. Ye ti bira ti e na ye ti batango tere ti e ayeke sarango ye so ayeke mbirimbiri.

Efeze 6:14

Ala luti na nduzu! Ala kanga taa-tënë tongana kamba ti ndö ti bongo ti ala; ala yu sarango ye ti mbirimbiri tongana kazaka ti wen;

Ahebro 2:17

Ndani laa, alingbi fade lo ga tongana a-ita ti lo na ya ti aye kue. Tongaso, lo ga kota wayango-sandaga so ayeke baa mawa ti azo si lo yeke sara kua ti Nzapa na legeni, titene lo zi asiokpari ti azo.

1 Pierre 4:1

Christ abaa pasi na ya ti tere ti lo ti zo. Tongaso, ala nga, ala hinga biani na be ti ala atene, zo so abaa pasi na ya ti tere ti lo ti zo, lo kangbi na siokpari awe. Alingbi tënë so aduti na be ti ala tongana mbeni ye ti bira.

1 Jean 1:9

Tongana e fa siokpari ti e na Nzapa, lo so lo yeke bata tënë ti yanga ti lo si lo yeke nga mbirimbiri, fade lo yeke zi siokpari ti e si lo yeke sukula sioni ti e kue.

Aye so Nzapa afa 1:13

Na popo ti agere ti lamba ni, mbi baa lo so akpa zo. Lo yu mbeni yongoro bongo, lo kanga na kate ti lo kamba ti ndö ti bongo so a sara na lôro.

Aye so Nzapa afa 3:14

“Su mbeti so, mo tokua na *ange so ayeke na li ti *Eglize ti gbata ti Laodise: “Lo so iri ti lo ayeke Amen, lo so lo yeke taa zo ti fango peko ti tënë na legeni mbirimbiri si lo yeke na tongo nda ti ye so kue Nzapa asara, lo tene: