Ésaïe 11:3 - Mbeti ti Nzapa - Tënë so amu fini

³ Yingo ni ayeke zia na be ti lo ti duti na kpengo mbeto ti KOTA GBIA. Lo yeke fâ ngbanga na lege ti ye so zo ayeke baa bango pepe, lo yeke leke tënë na lege ti ye so zo ama mango pepe.

Ésaïe 11:3 ပူးပေါင်းရင်းမြစ်များ

2 Samuel 14:17

Mbi tene na be ti mbi, mbi tene: ‘Gbaa, tënë so gbia ayeke tene, ayeke de be ti zo. Biani, gbia ayeke tongana mbeni *ange ti Nzapa, ngbanga ti so lo hinga ti kangbi popo ti ye so ayeke nzoni na ye so ayeke sioni.’ Ayeke nzoni KOTA GBIA, Nzapa ti mo aduti na mo!”

2 Samuel 14:8

Gbia atene na wali ni: “Kiri na da ti mo. Fade mbi yeke mu yanga ndali ti mo.”

1 Agbia 3:28

Azo ti Israel kue ama tënë ti ngbanga so gbia Salomon afâ. Ala kpe mbeto ti gbia, ngbanga ti so ala baa so Nzapa amu na lo ndara ti fâ ngbanga mbirimbiri.

1 Agbia 3:9

Tongaso, mu na mbi, zo ti kua ti mo hingango ndo so alingbi titene mbi sara na komandema na ndö ti azo ti mo, titene mbi hinga ye so ayeke nzoni na ye so ayeke sioni. Tongaso pepe, zo wa laa alingbi ti sara komandema na ndö ti azo ti mo, azo ti mo so ayeke mingi mingi so?”

Mbeti ti Job 12:11

Azo ayeke tene: “Mê ayeke tara tënë tongana ti so yanga ayeke tara nzerengo ti kobe.

Mbeti ti Job 34:3

Biani, mê ayeke tara tënë tongana ti so yanga ayeke tara nzerengo ti kobe.

Amato 2:5

Tongana mo sara tongaso, fade mo yeke hinga nda ti kpengo mbeto ti KOTA GBIA, mo yeke wara lege ti hinga Nzapa.

Amato 2:9

Molenge ti mbi, tongana mo ma mbi, fade mo yeke hinga, mo tene, sarango ye ti mbirimbiri, sarango ye na lege ti ndia na sarango ye na legeni ayeke sara si zo abaa nzoni daa.

Ésaïe 33:6

Ti ala azo ti KOTA GBIA, na ya ti fini ti ala, mbeni ye ti sioni alingbi ti si na ala pepe. Dutingo na ndara na hingango Nzapa ayeke nzoni ye so ayeke soo ala; kpengo mbeto ti KOTA GBIA, so mosoro ti ala laa!

Ezekiel 45:8

Sese ni ayeke ga ye ti amakonzi na sese ti Israel. Tongaso si ala kiri ti te azo ti mbi na mbana pepe. Fade ala yeke zia sese angba na azo ti Israel, na lege ti amara oko oko.”

Mishe 4:3

Lo yeke fâ ngbanga na popo ti amara gbani gbani, lo yeke leke tënë na popo ti angangu mara, ngbii asi na ala so ayeke na yongoro ndo. Amara ni ayeke mu ayongoro zeme ti ala ti sara na akpoka; ala yeke mu alikongo ti ala ti sara na azeme ti fango na ale ti kobe. Mbeni mara ayeke kiri ti mu yongoro zeme na tere ti mbeni mara pepe; azo ayeke kiri ti manda lege ti tiringo bira pepe.

Nzoni Tënë so Luc asu na mbeti 2:52

Jésus akono, lo ga kota, lo mai na ndara si lo ga nzoni na le ti Nzapa nga na le ti azo.

Jean 2:25

Mbeni zo alingbi ti fa peko ti tënë na Jésus na ndö ti zo pepe, ngbanga ti so lo hinga tënë ti be ti zo nzoni mingi.

Jean 7:24

Ala fâ ngbanga gi ndali ti le ti zo pepe, me ala fâ ngbanga so ayeke na legeni.”

Ahebro 5:14

Kpengbango kobe ayeke ndali ti akangba, ngbanga ti so na lege ti sarango ye so ala yeke sara lakue, le ti ala azi awe ti hinga ye ti nzoni na ye ti sioni.

1 Samuel 16:7

Me KOTA GBIA atene na Samuel: “Mo baa pendere ti lo wala yongo ti lo pepe. Mbi ke lo awe. Bango ndo ti mbi ayeke tongana bango ndo ti azo pepe. Azo ayeke baa ti ala gi ye so ayeke pika le ti ala; me mbi yeke baa ti mbi be ti zo.”