Ésaïe 11:15 - Mbeti ti Nzapa - Tënë so amu fini

¹⁵ KOTA GBIA ayeke sara si kota ngu-ingo ti Ezipte ahole. Lo yeke yoro maboko ti lo na ndö ti *bale ti Efrate; lo yeke wu kota pupu si ya ti bale ni akangbi maboko ni mbarambara, zo alingbi ti hon daa na gere senge.

Ésaïe 11:15 ပူးပေါင်းရင်းမြစ်များ

Sigingo 14:21

Moïse ayoro maboko ti lo na ndö ti kota ngu-ingo. KOTA GBIA atokua mbeni kota pupu ti To so aga aya na ndö ti kota ngu-ingo na bi ni kue si akangbi ya ti kota ngu-ingo ni. Lege azi na ya ni, ndo ni aga kuru sese.

Sigingo 14:22

Azo ti Israel ahon na ya ti kota ngu-ingo ni, ngu andu gere ti ala pepe. Na mbage ti maboko ti ala ti koli nga na mbage ti maboko ti ala ti wali, ngu ni aluti tongana mbeni kota gbagba.

Sigingo 14:29

Me azo ti Israel ahon na ya ti kota ngu-ingo ni na ndö ti kuru sese. Na mbage ti maboko ti ala ti koli nga na mbage ti maboko ti ala ti wali, ngu ni aluti tongana mbeni gbagba.

Ésaïe 19:16

Na lango ni so, azo ti Ezipte ayeke ga tongana awali; ala yeke do na mbeto na ndembe so *KOTA GBIA so ayeke na ndö ti dunia kue ayeke yoro maboko ti lo ti be le na ala.

Ésaïe 43:16

Ando, *KOTA GBIA asuru lege na ya ti kota ngu-ingo, lo suru lege na popo ti ngu so ayeke sua ngangu ngangu.

Ésaïe 44:27

Mbi mu yanga na ngu so alinda mingi, mbi tene: ‘Hole! Mbi yeke sara si *abale ti mo ahole nga.’

Ésaïe 50:2

Mbi ga, mbi wara zo oko pepe, ngbanga ti nyen? Mbi iri ndo, zo oko ayeda pepe, ngbanga ti nyen? Maboko ti mbi ayeke nduru mingi titene mbi zi ala? Ngangu laa atia mbi titene mbi soo ala? Gi so mbi suku, kota ngu-ingo ahole; mbi sara si *abale aga kuru sese. Ndali ti so ngu ayeke daa pepe, asusu ayeke kui nzara ti ngu si ala yeke fun.

Ésaïe 51:11

Azo so KOTA GBIA azi ala, fade ala yeke kiri; ala yeke dekongo na ngia si ala yeke linda na ni na *Sion. Ngia so angba lakue lakue ayeke za na ndö ti le ti ala, nzerengo tere so asi singo ayeke duti na ala, pasi na demango tere ayeke kpe ti hon.

Ésaïe 63:12

Na mbage ti maboko ti Moïse ti koli, lo yoro maboko ti lo ti ngangu; lo sara si ya ti ngu akangbi na dawa ti ala, lo sara tongaso titene azo agonda iri ti lo lakue lakue.

Ésaïe 7:20

Na lango ni so, KOTA GBIA ayeke iri zeme na mbage ti bale ti Efrate – zeme ni ayeke gbia ti Asirii –. Fade lo yeke kio kua ti li ti ala na kua ti tere ti ala; lo yeke kio nga kua ti yanga ti ala.

Ésaïe 8:7

Ndali ti ye so ala sara so, fade KOTA GBIA ayeke sara titene *bale ti Efrate asuku, aga na tere ti ala. Bale ni ayeke gbia ti Asirii na ngangu ti lo kue. Ngu ni ayeke londo na ndo so lo yeke daa, lo yeke suku ti hon yanga ti sese ti mu ndo kue.

Ezekiel 29:10

Ndani laa, mbi yeke ga na tere ti mo nga na tere ti angu ti Nil ti mo. Mbi yeke sara titene Ezipte abuba kue si aga benyama, ti londo na Migdol ngbii asi na gbata ti Asuan, ngbii asi na katikati ti Etiopii.

Ezekiel 30:12

Mbi yeke sara titene angu ti Nil ahole, mbi yeke ka kodro ni na azo ti sioni. Na lege ti awande, mbi yeke buba kodro ni na amosoro ti lo kue. Mbi KOTA GBIA, mbi tene tënë awe.

Zakarii 10:11

Fade ala yeke fâ kota ngu-ingo ti pasi; mbi KOTA GBIA, mbi yeke pika *amapo ti kota ngu-ingo ni. Ataa agbe ti *bale ti Nil ayeke hole kue. Baba ti azo ti Asirii ayeke ti si komandema ti gbia ti Ezipte ayeke hon.

Aye so Nzapa afa 16:12

Omene ange ni atuku ye ti ya ti kopo ti lo na ya ti bale ti Efrate. Ngu ni ahole ti leke lege na agbia so alondo na To si ayeke ga.