Ésaïe 11:13 - Mbeti ti Nzapa - Tënë so amu fini

¹³ Kota be ti Efraim na tere ti Juda ayeke hunzi, a yeke fâ awato ti Juda kue; Efraim ayeke kiri ti sara kota be na tere ti Juda pepe; Juda ayeke kiri ti duti awato ti Efraim pepe.

Ésaïe 11:13 ပူးပေါင်းရင်းမြစ်များ

Jérémie 3:18

Na lango ni so, fade azo ti Juda ayeke bongbi oko na ala ti Israel si ala yeke londo na kodro so ayeke na Banga ti kiri na kodro so mbi mu na akotara ti ala titene aga ye ti ala.”

Jérémie 33:24

“Mo ma tënë so azo ayeke tene so pepe? Azo ni atene: ‘Israel na Juda, asewa use so KOTA GBIA asoro ala lani so, fadeso lo ke ala awe!’ Na tenengo mara ti tënë tongaso, azo ni abaa azo ti mbi tongana mara mbeni pepe; ala baa azo ni tongana ambumbuse zo.

Jérémie 50:4

Na lango ni so, na ngoi ni kâ, azo ti Israel na azo ti Juda ayeke londo legeoko ti kiri; so tënë ti yanga ti KOTA GBIA laa. Na toto na yanga ti ala, ala yeke tambula ti ga ti gi peko ti mbi, KOTA GBIA Nzapa ti ala.

Ezekiel 28:25

“Tënë so mbi Kota Gbia NZAPA, mbi tene ayeke so: Lani, mbi sara si azo ti Israel akangbi na popo ti amara; fade mbi yeke mu ala na popo ti amara ni, ti bongbi ala na ndo oko. Na lege ti azo ti Israel, mbi yeke fa na le ti amara nde so mbi yeke Nzapa so mbi yeke nde si mbi yeke nzoni kue. Fade azo ti Israel ayeke duti na sese ti ala, sese so mbi mu ando na Jacob, zo ti kua ti mbi.