Ésaïe 11:11 - Mbeti ti Nzapa - Tënë so amu fini

¹¹ Na lango ni so, *KOTA GBIA ayeke yoro maboko ti lo ti fani use ti zi tanga ti azo ti lo ti kiri na ala na kodro ti ala: azo ti lo so angba na fini na sese ti Asirii, ti Ezipte, ti Patros, ti Kush, ti Elam, ti Shinear nga na ti Hamat na ala so ayeke na ya ti azoa so ayeke na le ti kota ngu-ingo.

Ésaïe 11:11 ပူးပေါင်းရင်းမြစ်များ

Tongo nda ti aye 10:10

Akota gbata ti kodro so lo yeke gbia daa ayeke Babel, Erek, Akad na Kalne; agbata ni kue ayeke na kodro ti Shinear.

Tongo nda ti aye 10:22

Amolenge ti Sem ayeke so: Elam, Asur, Arpaksad, Lud na Aram.

Tongo nda ti aye 11:2

Me na hongo ti azo ni na mbage ti To, ala wara mbeni sese ti lando na kodro ti Shinear si ala duti daa.

Tongo nda ti aye 14:1

Na ngoi ni kâ, ambeni gbia ague ti tiri bira. Agbia ni ayeke Amrafel ti kodro ti Shinear, Ariok ti kodro ti Elasar, Kedor-Laomer ti kodro ti Elam, na Tidal ti kodro ti Goim.

Tongo nda ti aye 2:13

Use maboko ti ngu ni, iri ni Gihon; ngu ti Gihon laa angoro tere ti kodro ti Kush.

2 Agbia 17:24

Gbia ti Asirii amu azo ti Babilone, ti Kuta, ti Ava, ti Hamat na ti Sefarvaim aga na ala si lo zia ala na ya ti agbata ti Samarii na plase ti azo ti Israel. Azo ni amu Samarii, aga sese ti ala wani si ala duti na ya ti agbata ni.

Esther 10:1

Gbia Zerses amu yanga na azo ti kodro ti lo kue nga na ala so ayeke lango na ya ti azoa ti kota ngu-ingo ti futa lapo.

Abia (Psaumes) 68:22

Me Nzapa ayeke nika ya ti li ti awato ti lo; lo yeke suru ya ti bio ti li ti azo so kua ti li ti ala ayo mingi si ala ngba ti sara sioni so.

Ésaïe 1:9

Tongana KOTA GBIA so ayeke na ndö ti dunia kue abata fade ambeni zo oko oko na ya ti kodro ni pepe, ka e ga tongana Sodome, ka e kpa Gomore.

Ésaïe 10:20

Na lango ni so, tanga ti azo ti Israel na azo ti mara ti Jacob so angba na fini ayeke kiri ti zia be ti ala pepe na ndö ti azo so apika ala. Me ala yeke zia be ti ala kue na ndö ti *KOTA GBIA, Nzapa ti Israel, lo so lo yeke nde si lo yeke nzoni kue.

Ésaïe 10:9

Ye so asi na gbata ti Kalne, ni laa asi na gbata ti Karkemish pepe? Ye so asi na gbata ti Hamat, ni laa asi na gbata ti Arpad na ti Samarii nga na Damas pepe?

Ésaïe 11:16

Mbeni lege ayeke duti daa ndali ti tanga ti azo ti lo, azo ti lo so angba na fini na sese ti Asirii. Lege ni ayeke duti tongana lege so azo ti Israel amu ni ando na ngoi so ala londo na Ezipte ti sigigi.

Ésaïe 19:21

KOTA GBIA ayeke sara si azo ti Ezipte ahinga lo; na lango ni so, ala yeke hinga lo si ala yeke sara na lo na mungo na lo asandaga nga na anzoni ye. Ala yeke mu zendo na KOTA GBIA si ala yeke sara ye ti peko ti zendo ni.

Ésaïe 19:22

Tongaso, KOTA GBIA ayeke pika azo ti Ezipte. Lo yeke pika ala, me lo yeke kai kobela ti ala: fade ala yeke kiri na KOTA GBIA, lo yeke ma ala si lo yeke kai kobela ti ala.

Ésaïe 21:2

Na ya ti mbeni ye tongana bango-li, mbi baa mbeni ye so ayeke sioni mingi: zo so lani ayeke na ya ti *mbuki, lo ga zo ti kango azo, zo ti bubango ye ayeke sara kua ti lo. *KOTA GBIA atene: “Azo ti Elam, ala londo na bira ma! Azo ti Medii, ala ngoro gbata ni na bira! Mbi yeke sara titene dema kue akai.”

Ésaïe 22:6

Aturugu ti Elam ayo bozo ti akokora; ala yeke na ndö ti apusu ti mbarata nga na ndö ti ambarata. Aturugu ti Kir aleke *avala ti ala.

Ésaïe 24:15

“Ala so ayeke na mbage ti To, ala gonda KOTA GBIA. Ala so ayeke na ya ti azoa ti kota ngu-ingo, ala he bia ti gonda na iri ti KOTA GBIA, Nzapa ti Israel.”

Ésaïe 37:31

Tanga ti azo ti kodro ti Juda so ayeke ngba na fini ayeke duti ande tongana keke so agunda ni ali sese si amaboko ni ale lengo.

Ésaïe 42:10

Ala he fini bia na *KOTA GBIA. Ala so ayeke na nda ti sese kâ, ala he bia ti sepela lo; ala so ayeke tambula na le ti kota ngu-ingo, ala so ayeke na ya ti kota ngu-ingo, na ala so ayeke lango na ya ti azoa, ala he bia ti sepela lo.

Ésaïe 42:12

Ayeke nzoni azo agonda KOTA GBIA; azo ti azoa, ala he bia na kota go ti sepela lo!

Ésaïe 42:4

Ngangu ti lo ayeke hunzi pepe, be ti lo ayeke woko pepe ngbii lo fa lege ti sarango ye ti mbirimbiri na ndö ti sese. Azo ti azoa ayeke zia be ti ala ti ku fango ye ti lo.”

Ésaïe 45:14

Tënë so *KOTA GBIA atene ayeke so: “Israel, lengo ti kua ti azo ti Ezipte, ye ti ngere ti azo ti Etiopii, azo ti Seba, ayongoro zo so, ala so kue ayeke hon na ndo ti mo, ala yeke ga ti mo. Fade a yeke kanga ala kangango na zingiri si ala yeke tambula na peko ti mo; ala yeke kuku na gbe ti mo si ala yeke tene tënë so na mo tongana sambela: ‘Nzapa ayeke gi na ndo ti mo oko, mbeni nzapa nde ayeke daa pepe, gi lo oko.’ ”

Ésaïe 49:12

Baa! Ala londo yongoro si ala yeke ga: ambeni alondo na mbage ti Banga, ambeni na mbage ti Do, ambeni na mbage ti Mbongo, na mbage ti Ezipte.”

Ésaïe 66:19

Fade mbi yeke zia na popo ti ala mbeni ye so afa ngangu ti mbi. Na peko ti ngbanga so mbi fâ, azo so ayeke ngba na fini, mbi yeke tokua ala na mbage ti amara so ayeke na Tarsis, na Pul nga na Lud – azo ni so ahinga ti pika kokora mingi – Mbi yeke tokua ala na ndo ti azo ti Tubal na ti Yavan, nga na ndo ti azo ti azoa so ayeke yongoro kâ, ndo so azo ade ti ma tënë ti mbi daa laoko pepe, ndo so azo ade ti baa gonda ti mbi daa laoko pepe. Fade awatokua ni ayeke fa gonda ti mbi na amara ni.

Jérémie 25:25

– agbia kue ti Zimri, ala ti Elam na ala ti Medii kue;

Jérémie 31:10

Ala amara nde, ala ma tënë ti KOTA GBIA, ala bi tënë ni na mê ti azo so ayeke na ya ti azoa yongoro kâ. Ala tene: “KOTA GBIA akangbi lani azo ti Israel kirikiri, fadeso lo bongbi ala si lo bata ala tongana wabatango-taba so abata ataba ti lo.”

Jérémie 44:1

Tënë ti Nzapa asi na Jérémie ndali ti azuife so kue aduti na sese ti Ezipte, na gbata ti Migdol, ti Tapanes, ti Manfis nga na ala so ayeke na sese ti Patros. Tongaso Jérémie atene na ala:

Jérémie 49:23

Tënë na ndö ti Damas. “Kamene ahon ndö ti azo ti agbata ti Hamat na ti Arpad, ngbanga ti so ala ma sioni sango si ala yeke gi be ti ala. Ala yeke do tongana kota ngu-ingo so alingbi ti duti kpoo pepe.

Ezekiel 27:6

Ala mu akeke ti shene ti Bashan si ala sara na akâî ti mo; ala mu akeke ti sedre ti azoa ti agreke, ala zia pembe ti doli na tere ni si ala leke na ndö ti mo.

Ezekiel 29:14

Mbi yeke sara si dutingo ti azo ti Ezipte aga tongana ti kozo; mbi yeke sara si ala kiri na Patros, taa kodro ti ala. Kâ, ala yeke sara mbeni kodro-gbia so ayeke gi kete.

Ezekiel 30:14

Mbi yeke buba Patros, mbi yeke bi wâ na gbata ti Soan, mbi yeke fâ ngbanga na li ti gbata ti No.

Ezekiel 32:24

“Baa, gbia ti Elam laa, lo na azo ti lo so ayeke gbani gbani; adu ti kuâ ti ala angoro ti ti lo kue. A fâ ala kue na ya ti bira. Azo so afâ ganza pepe si ayeke zia lani kota mbeto na be ti azo so angba na fini na ndö ti dunia so, ala zu yongoro kâ na gbe ti sese awe. Kamene ahon ndö ti ala, ala na azo so azu na ya ti du ti kuâ.

Ezekiel 38:8

Gbanda, ngu mingi na pekoni, mbi yeke tokua mo ti sara bira na kodro ti Israel. Andaa na ngoi ni so, azo ti kodro ni so akpe lani bira, ala yeke bongbi tere ti ala na ndö ti ahoto ti Israel, ahoto so abuba aninga awe. Na peko ti so azo ni agboto tere ti ala na popo ti gba ti amara, ala yeke duti na siriri.

Daniel 1:2

KOTA GBIA azia Yoakim, gbia ti Juda na maboko ti Nabukodonosor; lo zia nga lege na Nabukodonosor si lo mu mbeni mbage ti akungba ti ya ti kota da ti Nzapa. Nabukodonosor ague na akungba ni na kodro ti Shinear si lo zia ni na ya ti kubu ti batango amosoro ti lo so ayeke na ya ti da ti anzapa ti lo.

Daniel 11:18

Na pekoni, gbia ti Banga ayeke zia le ti lo na mbage ti azoa si lo yeke mu akodro mingi na lege ti bira. Me mbeni makonzi ayeke kanga lege na zonga ti lo; lo yeke sara si zonga ni akiri gi na ndö ti gbia ti Banga ni wani.

Daniel 8:2

Ye so mbi baa na ya ti mbeni ye tongana bango-li ayeke tongaso: Mbi baa tere ti mbi tongana mbi yeke na yanga ti ngu so iri ni Ulai, na Suze, li-kodro ni so ngangu gbagba ayeke na tere ni si ayeke na sese ti Elam.

Osée 11:10

Azo so a gbu ala ague na ala na kodro wande, fade ala yeke tambula na peko ti KOTA GBIA. Fade lo yeke toto tongana bamara; tongana lo yeke toto, fade amolenge ti lo ayeke londo na mbage ti Do ti ga na dongo tere.

Osée 11:11

Ala yeke londo na Ezipte ti ga na dongo tere tongana akete ndeke; ala yeke londo na Asirii ti ga tongana ambipa. “Fade mbi yeke sara titene ala lango na ya ti kodro ti ala”; so tënë ti yanga ti KOTA GBIA laa.

Mishe 7:12

Na lango ni so, azo ti mo ayeke londo mbage na mbage ti kiri na ndo ti mo; ambeni ayeke londo na Asirii, ambeni ayeke londo na Ezipte nga na ya ti akodro nde nde so ayeke na popo ti ngu ti Ezipte na ti Efrate; ambeni ayeke londo na yanga ti kota ngu-ingo kâ, ambeni ayeke londo na yanga ti kota ngu-ingo ge; ambeni ayeke londo na sese ti ahoto kâ, ambeni ayeke londo na sese ti ahoto ge.

Sofonii 2:11

Fade KOTA GBIA ayeke zia kota mbeto na be ti ala, lo yeke hunzi anzapa ti sese kue. Tongaso, ataa amara so kue ayeke na yongoro ndo, ala yeke kuku akpo li ti ala na sese na dawa ti lo, zo oko oko na kodro ti lo.

Zakarii 5:11

Lo kiri tënë na mbi: “Ala yeke gue na ni na Mezopotamii. Kâ, ala yeke sara mbeni da ndali ti lo; ala yeke leke mbeni ndo ti zia lo na ndö ni si lo yeke luti ngangu.”

Zakarii 8:7

Tënë so KOTA GBIA so ayeke na ndö ti dunia kue atene ayeke so: Azo ti mbi so a gbu ala si a gue na ala na akodro ti mbage ti To nga na ti mbage ti Do, fade mbi yeke zi ala.

Zakarii 9:2

Tënë ni aluti nga na sese ti Hamat, nduru na gbata ti Damas, nga na agbata ti Tir na ti Sidon, agbata so ayeke na mayere mingi.

Rome 11:15

So Nzapa apusu azuife yamba so, ni laa asara si songo akiri na popo ti azo ti dunia na Nzapa. Tongana Nzapa akiri ande na azuife na tere ti lo, fade ye ni ayeke duti tongana nyen? Ye ni ayeke duti tongana ti azo so akui si akiri na fini!

Rome 11:26

Tongaso laa, fade a yeke soo azo ti Israel kue na kuâ, tongana ti so Mbeti ti Nzapa atene: “Fade zo ti zingo azo ayeke londo na *Sion ti ga, lo yeke zi asioni kue na popo ti azo ti mara ti Jacob.

2 Korente 3:16

Gi tongana zo azia ngbene lege ti sarango ye ti lo ti mu peko ti *Kota Gbia si bongo ni ayeke zi na le ti lo.

Ndia ti fani use ni 9:29

Andaa ala yeke azo ti mo, ala ga ye ti mo awe. Mo sara si ala sigigi na lege ti kota ngangu ti mo nga na lege ti maboko ti mo so mo yoro.”