Ésaïe 10:6 - Mbeti ti Nzapa - Tënë so amu fini

⁶ Mbi tokua lo na tere ti amara so ake mbi, mbi tokua lo ti gue hio na tere ti azo so asara si ngonzo ti mbi alondo. Mbi tokua lo ti nzi ye ti azo ni, ti gbu aye ti ala tongana ti so a yeke gbu ye na peko ti bira, ti do ala na gbe ti gere tongana ti so zo ayeke do ya ti potopoto na ndö ti lege.

Ésaïe 10:6 ပူးပေါင်းရင်းမြစ်များ

2 Samuel 22:43

Mbi nika ala tongana fuku ti sese; mbi do ala na gbe ti gere ti mbi tongana ti so zo ayeke do potopoto ti ndö ti lege.

2 Agbia 18:25

KOTA GBIA biani laa ayeda titene gbia ti mbi ague ti tiri bira na ndo so a buba ni! KOTA GBIA laa atene na lo: Mo gue, mo tiri bira na kodro so, mo buba ni kue!’ ”

Ésaïe 19:17

Sese ti Juda ayeke ga mbeni ye ti ziango mbeto na be ti azo ti Ezipte. Lakue tongana mbeni zo adabe ti ala na ye so asi na Juda, tere ti ala ayeke do ndali ti ye so KOTA GBIA so ayeke na ndö ti dunia kue aleke na be ti lo ti sara na ala.

Ésaïe 22:5

Biani, laso Kota Gbia, NZAPA so ayeke na ndö ti dunia kue atokua ye ti ziango kota mbeto na be ti e, lo sara si e ti na gbe ti awato si ye aga kirikiri na e.” Na popo-hoto, ndo so ye asigigi daa na ya ti mbeni ye tongana bango-li, kota gbagba ati na sese awe; dekongo ti azo ague ngbii asi na li ti ahoto.

Ésaïe 24:5

Azo so alango na ndö ti sese asara si sese ni aga sioni, ngbanga ti so ala do andia na gbe ti gere ti ala, ala sanze atënë ti ndia, ala ke tënë ti *mbuki so abongbi ala na Nzapa lakue lakue.

Ésaïe 29:13

*KOTA GBIA atene: “Azo so ayeke ga nduru na mbi gi na lege ti atënë senge, ala yeke ne mbi gi na atënë ti yanga senge, me be ti ala ayeke yongoro na mbi. Kpengo so ala yeke kpe mbi ayeke gi na lege ti ndia so azo afa na ala.

Ésaïe 32:6

Biani, zo ti buba ayeke tene abuba tënë, lo yeke zia be ti lo gi ti sara sioni, lo yeke sara aye so ayeke sioni mingi si lo yeke tene asioni tënë na tere ti *KOTA GBIA. Zo so nzara asara lo, lo yeke mu na lo kobe pepe, zo so nzara ti ngu asara lo, lo yeke mu na lo ngu ti nyongo ni pepe.

Ésaïe 33:1

Mawa na mo, mo so mo yeke buba ye si ade a buba mo pepe so! Mawa na mo, mo so mo yeke ka azo si ade ti ka mo pepe so! Tongana mo buba aye kue awe, fade a yeke buba nga mo. Tongana mo ka azo kue awe, fade a yeke ka nga mo.

Ésaïe 33:14

Na *Sion, azo ti siokpari ado na mbeto, tere ti azo ti sioni ado. Ala yeke hunda tere ti ala, atene: “Wâ so ayeke gbi ye kue so, zo wa na popo ti e alingbi ande ti luti na tere ni, zo wa? Zo wa na popo ti e alingbi ti luti na tere ti kota wâ so ayeke gbi lakue lakue so zo wa?”

Ésaïe 41:25

Na mbage ti Banga kâ, mbi soro mbeni zo, mbi zia lo na lege si lo yeke ga. Na mbage ti To, mbi iri lo na iri ti lo; lo yeke do azo ti komandema na gere tongana ti so zo ayeke do potopoto, tongana ti so wasarango-ta ayeke do ya ti sese ti sarango na ta.

Ésaïe 49:17

Azo so ayeke kiri ti leke mo amu loro ti ga; me azo so akungbi mo, ala so abuba mo, ala yeke hon yongoro na tere ti mo.

Ésaïe 49:25

Biani, tënë so KOTA GBIA atene ayeke so: “Ngbaa so ngangu zo ti bira agbu lo, mbi yeke gboto ngbaa ni na maboko ti lo. Ye so zo ti sarango ngangu na azo agbu na bira, mbi yeke gboto ni na maboko ti lo. Jérusalem, mbi wani laa mbi yeke tiri na azo so atiri na mo si mbi yeke soo amolenge ti mo.

Ésaïe 5:25

Ndani laa ngonzo ti *KOTA GBIA alondo tongana wâ na tere ti azo ti lo. Lo yo maboko ti lo na nduzu ti pika ala. Ahoto ayingi, kuâ ti azo ni alango na ndö ti lege tongana zende. Ataa so kue, ngonzo ti KOTA GBIA akai pepe, maboko ti lo angba gi na nduzu.

Ésaïe 5:29

Toto ti aturugu ti ala ayeke tongana ti mama ti bamara, toto ti ala ayeke tongana ti akete bamara, ala gbu nyama si ala yeke dekongo; ala yeke gue na nyama ni si mbeni zo alingbi ti gboto ni na maboko ti ala pepe.

Ésaïe 5:5

Fadeso, mbi yeke fa na ala ye so mbi yeke sara na yaka ti vinye ti mbi ni: Mbi yeke zi gbagba so ayeke na tere ni si anyama aga ate akeke ti yaka ni kirikiri. Mbi yeke kungbi gbagba ni na sese si azo aga ado akeke ti vinye ni.

Ésaïe 63:3

“Biani, gi mbi oko laa mbi pete ale ti vinye na ya ti du. Na popo ti amara kue, zo oko ayeke na tere ti mbi pepe. Tongaso, na ya ti ngonzo ti mbi, mbi do ala na gbe ti gere ti mbi, na ya ti sioni ngonzo ti mbi, mbi nika ala. Nilaa mene ti ala ati na tere ti abongo ti mbi si abuba abongo ti mbi ni.

Ésaïe 63:6

Na ya ti ngonzo ti mbi, mbi nika azo; na ya ti sioni ngonzo ti mbi, mbi sara si li ti ala aga kirikiri tongana ti zo so anyon samba ahon ndö ti lo. Mbi tuku mene ti ala na sese.”

Ésaïe 7:17

Ti mo, na azo ti mo na azo ti sewa ti mo, fade KOTA GBIA ayeke sara titene ambeni lango ti kpale aga na ndö ti ala. Alango ni ayeke duti ande alango so zo ade abaa ni laoko pepe, ti londo na ngoi so Israel na Juda akangbi. Ye so aye ti sara tënë ti gbia ti Asirii.”

Ésaïe 8:4

Biani, kozoni titene molenge ni ahinga ti tene: ‘babâ’ na ‘mama’, fade azo ayeke mu amosoro ti gbata ti Damas na aye so ala gbu na peko ti bira na Samarii ti gue na ni na gbia ti Asirii.”

Ésaïe 8:8

Ngu ni ayeke sua na ya ti kodro ti Juda, ayeke suku, ayeke mu ya ti kodro ni, ayeke suku ngbii agbu zo na go ti lo. Ngu ni ayeke suku mbage na mbage si ayeke mu ndö ti kodro ti mo kue, Emmanuel.”

Ésaïe 9:17

Biani, sioni ti azo ni ayeke gbi ye tongana wâ so ayeke gbi aki na akamba ti ki. Wâ ni ati na ya ti gbako si ngbongboro guru ayeke londo ti gue na nduzu.

Ésaïe 9:19

Zo ayeke fâ kasa ti mbage ti maboko ti koli ti te, me nzara ayeke ngba ti sara lo; lo yeke te na mbage ti maboko ti wali, me ya ti lo ayeke si pepe. Zo oko oko ayeke te kasa ti tere ti lo wani.

Jérémie 25:9

mbi yeke tokua titene a gi amara ti mbage ti Banga kue, so tënë ti yanga ti KOTA GBIA laa. Mbi yeke iri zo ti kua ti mbi Nabukodonosor, gbia ti Babilone, titene lo ga. Mbi yeke sara titene azo ni aga atuku na ndö ti kodro so; ala ga na tere ti azo ti kodro ni nga na tere ti amara so kue angoro kodro ni. Mbi yeke hunzi ala na amara ni kue. Mbi yeke sara si kodro ni ati biani biani si aga ye ti dongo be. Na bango kodro ni, fade azo ayeke huru yanga ti ala; so tënë ti yanga ti KOTA GBIA laa.

Jérémie 3:10

Ataa ye so kue asi, ita ti lo ti wali Juda-wali-gbanambana akiri na mbi na be ti lo kue pepe, me na lege ti handango ndo”; so tënë ti yanga ti KOTA GBIA laa.

Jérémie 34:22

Mbi yeke mu yanga titene aturugu ni akiri aga ti li na ya ti gbata ni, ala tiri bira na gbata ni, ala mu ni si ala gbi ni na wâ. Fade mbi yeke sara si agbata ti Juda aga ndo so ye kue abuba daa si zo ayeke daa mbeni pepe.” So tënë ti yanga ti KOTA GBIA laa.

Jérémie 4:14

“Jérusalem, tongana mo ye titene a soo mo, ayeke nzoni mo *sukula sioni na be ti mo. Sioni tënë ayeke ngba ande na be ti mo ngbii asi lawa?

Ezekiel 29:20

Ndali ti angangu kua so lo sara, mbi yeke mu na lo Ezipte tongana futa ti lo, ngbanga ti so lo na aturugu ti lo, ala sara kua ndali ti mbi. So tënë ti yanga ti Kota Gbia NZAPA laa.

Ezekiel 38:12

Mbi yeke gue kâ ti gbu aye, ti nzi aye. Mbi yeke tiri bira na agbata so a buba ni ando si fadeso azo akiri ti lango daa so; azo ni alondo na ya ti akodro ti amara nde si ala bongbi tere ti ala; ala yeke na anyama na amosoro ti ala si ala yeke lango taa na be ti sese kue.’

Ezekiel 38:13

Azo so alango na Saba nga na Dedan, azo ti dengo buze ti Tarsis na agbata so ayeke na tere ni ayeke hunda ande mo, atene: ‘Mo ga ti gbu aye? Mo ga ti nzi ye laa mo bongbi aturugu ti mo so? Mo ga ti mu wen ti nginza na lôro, anyama nga na amosoro; mo ye ti gbu gba ti aye na peko ti bira ti gue na ni?’

Mishe 7:10

Fade wato ti mbi ayeke baa ye ni na le ti lo si kamene ayeke gbu le ti lo; wato ti mbi so ayeke hunda lani mbi, atene: “KOTA GBIA, Nzapa ti mo ni ayeke na ndo wa?” Fade mbi yeke baa lo na le na ndembe so a yeke do lo na gere, tongana ti so a yeke do potopoto na lege.

Habakuk 1:12

*KOTA GBIA, ngbene ye giriri, mo yeke Nzapa ti mbi pepe? Nzapa ti mbi, mo so mo yeke nde si mo yeke nzoni kue, zia e kui pepe! KOTA GBIA, mo soro azo so titene ala fâ ngbanga na li ti e. Mo so mo yeke Kota Têne so mbi luti na ndö ni ti bata tere ti mbi, mo mu lege na ala titene ala pika e.

Zakarii 10:5

Amakonzi ni ayeke duti tongana angangu zo ti bira; ala yeke do azo so ayeke tiri bira na ala tongana ti so zo ayeke do potopoto ti ndö ti lege. Ala yeke tiri bira ni tongaso, ngbanga ti so mbi KOTA GBIA, mbi yeke na ala. Fade kamene ayeke gbu le ti azo ti kpengo na mbarata so ayeke awato ti ala.

Matthieu 15:7

Ala, azo so tënë ti yanga ti ala ayeke nde na sarango ye ti ala so! Ésaïe atene peko ti tënë ti yanga ti Nzapa na ndö ti ala na legeni, lo tene: