Ésaïe 10:34 - Mbeti ti Nzapa - Tënë so amu fini

³⁴ Akeke ti gbako ati na gbe ti do ti lo, apendere keke ti Liban ati.

Ésaïe 10:34 ပူးပေါင်းရင်းမြစ်များ

Abia (Psaumes) 103:20

Ala, *a-ange ti lo, ala mu singila na KOTA GBIA! Ala so ayeke na ngangu si ala yeke sara ye na peko ti yanga ti lo, gi so lo zi yanga awe, ala yeke sara ye alingbi na ni.

Ésaïe 10:18

Lo yeke gbi apendere gbako ti ala kue kue kue nga na ayaka so kue akeke so a yeke te le ni tengo ayeke daa. Ala yeke ga tongana zo ti kobela so ange kue.

Ésaïe 2:13

Lo yeke fâ ngbanga na li ti akeke ti sedre ti Liban so ayo na nduzu mingi nga na akeke ti shene ti Bashan.

Ésaïe 31:8

Fade azo ti Asirii ayeke ti na yanga ti yongoro zeme so ayeke ti zo pepe; yongoro zeme so ayeke fâ ala ayeke ti zo pepe. Azo ti Asirii ayeke kpe na le ti yongoro zeme ni, a yeke gbu amaseka ti ala ti koli ti sara akua ti ngbaa.

Ésaïe 33:9

Sese ni ayeke na mua, ayeke hole holengo. Agbako ti Liban ahole kue si kamene ahon ndö ti ala. Lando ti Saron ahole kasakasa. Ahoto ti Bashan na ti Karmel, akeke ayeke daa mbeni pepe.

Ésaïe 37:24

Na lege ti azo ti kua ti mo, mo zonga mbi, Kota Gbia. Mo tene: ‘Mbi Senakerib, na gba ti apusu ti mbarata ti mbi, mbi gue na li ti akota hoto, mbi gue ngbii mbi si taa na ya ti gbako ti Liban. Mbi de ayongoro keke ti sedre ti gbako ni; mbi de apendere keke ti sipre ti gbako ni. Mbi si taa na li ti ahoto ni kâ; na ndo so akeke asi singo daa.

Ésaïe 37:36

*Ange ti *KOTA GBIA asi na ya ti bâbâ ti azo ti Asirii si lo fâ aturugu 185 000. So azo alondo na kota ndaperere, ala baa gi akuâ kue laa ayeke lango na sese so!

Jérémie 22:7

Mbi yeke tokua azo ti ga na tere ti mo, ala yeke ga ti buba aye ti mo kue; zo oko oko ayeke ga na ye ti bira ti lo. Angbongboro pendere keke ti sedre ti mo so, ala yeke de ni na sese si ala bi na le ti wâ.

Jérémie 48:2

Ye so ayeke sara gonda ti Moab ahunzi awe. Azo aleke tënë ti sara sioni na gbata ti Heshebon, ala tene: ‘E gue, e zi gbata so na popo ti amara!’ Madmen, mo nga a kanga yanga ti mo awe, bira ayeke tumba peko ti mo.

Ezekiel 31:3

Mo kpa keke ti sedre ti Liban so amaboko ni apendere mingi, so asara gbe ti de nzoni mingi; so ayo na nduzu mingi si li ti lo asi na ya ti ambinda.

Daniel 4:23

Kota gere ni na agunda ni so angba na ya ti sese aye ti tene: Fade kodro ni ayeke kiri ti ga ti mo gi na ndembe so mo yeke hinga, mo tene, lo so ayeke na yayu si ayeke taa gbia.

Nahum 1:12

Tënë so KOTA GBIA atene na azo ti Juda ayeke so: “Ataa awato ti ala awu mingi si awato ni ayeke ngangu, fade a yeke fâ ala kue, ti ala ayeke hunzi. Lani mbi sara pasi na azo ti Juda, me mbi yeke kiri ti sara pasi na ala pepe.

2 Tesalonike 1:7

Ala so ayeke baa pasi, fade lo yeke mu na ala lege ti wungo tere, e na ala kue. Lo yeke sara ye ni tongaso na ndembe so Kota Gbia Jésus ayeke londo na yayu ti si, lo na angangu *ange ti lo;

2 Pierre 2:11

Ataa a-ange so ngangu ti ala ahon ti awafango-ye ti mvene so, laoko ala bi tënë ti zongango ndo na li ti ayingo ti yayu ni na le ti Kota Gbia pepe.

Aye so Nzapa afa 10:1

Mbi kiri mbi baa mbeni ngangu *ange, lo londo na yayu si lo yeke zu. Lo yu mbinda na tere ti lo tongana bongo, *kongö angoro li ti lo; le ti lo ayeke tongana lâ, angbongboro gere ti lo tongana menga ti wâ.

Aye so Nzapa afa 18:21

Tongaso, mbeni ngangu ange amu mbeni ngbongboro têne so akono alingbi na têne ti nikango na ye, lo bi na ya ti kota ngu-ingo si lo tene: “A yeke bi Babilone, kota gbata ni na ngangu tongaso. Fade azo ayeke kiri ti baa ni pepe!