Ésaïe 10:33 - Mbeti ti Nzapa - Tënë so amu fini

³³ Baa, Kota Gbia NZAPA, lo so lo yeke na ndö ti dunia kue, lo fâ amaboko ti keke na ngangu; lo de na sese akeke so ayo na nduzu, lo kinda na sese akeke so ayo mingi na nduzu.

Ésaïe 10:33 ပူးပေါင်းရင်းမြစ်များ

2 Mbai 32:21

Tongaso *KOTA GBIA atokua mbeni *ange so afâ ya ti bâbâ ti gbia ti Asirii, akpengba zo ti bira kue, aturugu ti kota kamba, na akota zo ti lo. Gbia ti Asirii ni akiri na kodro ti lo, na kamene na le ti lo. Na pekoni, lo li na ya ti da ti nzapa ti lo si taa amolenge ti lo laa afâ lo na yongoro zeme.

Ésaïe 18:5

Kozo titene a fâ ale ti kobe, tongana kongo ti vinye asigigi awe, tongana kongo ni aga le ti vinye si ato nda ti be, a yeke mu nzenze ti fâ na akete maboko ti keke so aduti senge senge na tere ti keke ni, a yeke zi *aguruma ni nga na akugbe ni.

Ésaïe 32:19

Fade *pembe ti bekpa ayeke ti na ndö ti gbako, gbata ayeke ti.

Ésaïe 33:3

So azo ama wuluwulu ti mo, ala kpe; gi so mo londo, amara nde akangbi kirikiri.

Ésaïe 37:38

Mbeni lâ, so lo yeke sambela na ya ti da ti nzapa ti lo Nisrok, amolenge ti lo Adramelek na Sareser afâ lo na yongoro zeme si ala kpe ague na sese ti Arara. Molenge ti lo Asaradon laa aga gbia na peko ti lo.

Ésaïe 5:15

Azo kue ayeke ba li ti ala na sese, azo ayeke kiri na kete ndo; kamene ayeke gbu le ti azo ti baba.

Jérémie 22:7

Mbi yeke tokua azo ti ga na tere ti mo, ala yeke ga ti buba aye ti mo kue; zo oko oko ayeke ga na ye ti bira ti lo. Angbongboro pendere keke ti sedre ti mo so, ala yeke de ni na sese si ala bi na le ti wâ.

Ezekiel 31:3

Mo kpa keke ti sedre ti Liban so amaboko ni apendere mingi, so asara gbe ti de nzoni mingi; so ayo na nduzu mingi si li ti lo asi na ya ti ambinda.

Amos 2:9

Andaa mbi, mbi fâ ando azo ti mara ti Amori na dawa ti ala, mbi hunzi ala kue; azo ti Amori so ayo na nduzu tongana keke ti sedre si ala yeke na ngangu tongana keke ti shene so. Ti londo na li ti azo ni asi na gere ti ala, mbi fâ ala, mbi hunzi ala kue.

Nahum 1:12

Tënë so KOTA GBIA atene na azo ti Juda ayeke so: “Ataa awato ti ala awu mingi si awato ni ayeke ngangu, fade a yeke fâ ala kue, ti ala ayeke hunzi. Lani mbi sara pasi na azo ti Juda, me mbi yeke kiri ti sara pasi na ala pepe.

Nzoni Tënë so Luc asu na mbeti 14:11

Biani, zo so kue asara tere ti lo tongana kota zo, fade a sara si lo ga kete zo; zo so asara tere ti lo tongana kete zo, fade a sara si lo ga kota zo.”