Ésaïe 10:32 - Mbeti ti Nzapa - Tënë so amu fini

³² Gi na lango ni so, wato aluti na Nob. Lo yoro maboko ti so na ndö ti hoto ti *Sion, kete hoto ti Jérusalem.

Ésaïe 10:32 ပူးပေါင်းရင်းမြစ်များ

2 Mbai 32:1

Na peko ti aye ti mbirimbiri so Ezekias asara na mbage ti Nzapa, Senakerib, gbia ti Asirii ali na kodro-gbia ti Juda; lo ngoro agbata so a sara ngangu gbagba na tere ni si lo ye ti li na ya ti agbata ni na ngangu.

2 Mbai 32:2

So Ezekias abaa Senakerib ayeke ga ti tiri bira na gbata ti Jérusalem,

Néhémie 11:32

Anatot, Nob, Anania,

Ésaïe 1:8

Gbata ti *Sion angba gi lo oko tongana kete da na ya ti yaka ti *vinye, tongana kpangba ti yanga ti yaka ti kugbe ti kasa, tongana gbata so awato angoro ni kue.

Ésaïe 10:24

Tënë so Kota Gbia NZAPA so ayeke na ndö ti dunia kue atene ayeke so: “Ala, azo ti mbi so ayeke lango na *Sion, ala sara mbeto ti azo ti Asirii pepe. Azo ni apika ala na nduru keke, ala mu keke na tere ti ala tongana ti so azo ti Ezipte asara ando na ala.

Ésaïe 10:31

Azo ti Madmena akpe kirikiri, azo ti Gebim agi ndo ti honde tere daa.

Ésaïe 11:15

KOTA GBIA ayeke sara si kota ngu-ingo ti Ezipte ahole. Lo yeke yoro maboko ti lo na ndö ti *bale ti Efrate; lo yeke wu kota pupu si ya ti bale ni akangbi maboko ni mbarambara, zo alingbi ti hon daa na gere senge.

Ésaïe 13:2

*KOTA GBIA atene: “Na ndö ti hoto so ndö ni ayeke senge, ala ya bendere na nduzu, ala dekongo na aturugu, ala sara maboko na ala titene ala ga na yanga ti da ti akota zo.

Ésaïe 16:1

Amakonzi ti Moab atene: “Kâ na gbata ti Kota-têne-ti-benyama, ala tokua koli-taba na kota zo ti kodro ni, na gbia ti Juda, na hoto ti *Sion.”

Ésaïe 19:16

Na lango ni so, azo ti Ezipte ayeke ga tongana awali; ala yeke do na mbeto na ndembe so *KOTA GBIA so ayeke na ndö ti dunia kue ayeke yoro maboko ti lo ti be le na ala.

Ésaïe 2:2

Mbeni lâ, gbanda, hoto so kota da ti *KOTA GBIA ayeke na ndö ni ayeke luti ngangu na ndö ti akota hoto kue; hoto ni ayeke yo na nduzu ahon akete hoto kue si amara nde kue ayeke gue kâ tongana ngu so ayeke sua.

Ésaïe 29:2

me mbi KOTA GBIA, mbi yeke nika mo, Ariel. Fade demango tere na dema ayeke hon ndö ti mo si mo yeke ga tongana duke, ndo so a yeke gbi asandaga daa ndali ti mbi.

Ésaïe 37:22

Baa, tënë so KOTA GBIA atene na tere ti lo ayeke so: Pendere maseka-wali, gbata ti *Sion abaa mo tongana mbumbuse zo, lo yeke he mo na ngia. Pendere maseka-wali, gbata ti Jérusalem ayeke yingi li ti lo si ayeke he mo na peko ti mo.

Ésaïe 8:8

Ngu ni ayeke sua na ya ti kodro ti Juda, ayeke suku, ayeke mu ya ti kodro ni, ayeke suku ngbii agbu zo na go ti lo. Ngu ni ayeke suku mbage na mbage si ayeke mu ndö ti kodro ti mo kue, Emmanuel.”

Jérémie 6:23

Aturugu ti mara ni so agbu akokora na alikongo. Ala yeke sioni mingi, ala yeke baa mawa ti zo pepe; go ti ala ayeke toto tongana kota ngu-ingo. Ala ko na ndö ti ambarata; ala leke tere ti ala awe ti tiri bira na *Sion, pendere maseka-wali.”

Mishe 1:9

A pika azo ti Samarii na ka, ka ni ayeke kota mingi, zo alingbi ti sara si ka ni amu pepe. Ka ni ague ngbii awara azo ti Juda, ague nga ngbii asi na yanga ti gbata ti Jérusalem, ndo so azo ti mbi ayeke daa.

Zakarii 2:9

So tënë ti yanga ti *KOTA GBIA laa: ‘Ti mbi, fade mbi yeke duti daa; mbi yeke duti tongana ngangu gbagba ti wâ na tere ti gbata ni kue. Taa gi na ya ti gbata ni, mbi laa mbi yeke sara gonda ni.’ ”

1 Samuel 21:1

Nilaa David amu lege ague si Jonatan akiri na kodro.

1 Samuel 21:2

David asi na kodro ti Nob, na ndo ti wayango-sandaga Ahimelek. Tere ti lo ayeke do dongo si lo ga ti wara David na lege. Lo hunda David: “Mo ga gi mo oko ngbanga ti nyen? Mbeni zo ayeke na tere ti mo pepe ngbanga ti nyen?”

1 Samuel 22:19

Na Nob, gbata ti awayango-sandaga, Saul afâ akoli, awali, amolenge na akete molenge so angba ti nyon mê; lo fâ abagara, alele nga na ataba.

1 Samuel 22:9

Doeg, zo ti Edom so ayeke lani na popo ti azo ti kua ti Saul akiri tënë, atene: “Mbi baa molenge ti Yese asi na Nob na ndo ti Ahimelek, molenge ti Ahitub.