Ésaïe 10:3 - Mbeti ti Nzapa - Tënë so amu fini

³ Na lango ti fango ngbanga, fade ala yeke sara nyen? Na ngoi so kota pupu so ayeke buba ye kue alondo yongoro ti ga, fade ala yeke sara nyen? Ala yeke kpe na ndo ti zo wa titene lo mu maboko na ala? Ala yeke zia amosoro ti ala na ndo wa?

Ésaïe 10:3 ပူးပေါင်းရင်းမြစ်များ

Tongo nda ti aye 31:1

Jacob ama a tene, amolenge ti Laban ayeke tene: “Jacob amu aye ti babâ ti e kue si lo ga zo ti mosoro mingi gi ndali ti aye ti babâ ti e so lo mu ni so.”

2 Agbia 7:15

Azo ni atumba peko ti aturugu ti Sirii ngbii asi na ngu ti Jourdain. Na tumbango peko ti azo ni, ala baa abongo na akungba so asi singo na ndö ti lege. Azo ti Sirii atuku akungba ni na sese na ndembe so ala yeke kpe ti hon. Awatokua ni akiri si ala tene tënë ni na gbia.

Mbeti ti Job 31:14

Tongana ye ni ayeke fade tongaso pepe, ka mbi yeke sara tongana nyen na ndembe so Nzapa ayeke londo ti fâ ngbanga ti mbi? Ka tënë ti nyen laa mbi yeke kiri na ni na lo na ndembe so lo yeke gi nda ti tënë ni?

Amato 11:4

Na lango ti fango ngbanga, mosoro ayeke sara ye oko ndali ti zo pepe; me sarango ye ti mbirimbiri laa ayeke zi zo na ya ti kuâ.

Ésaïe 13:6

Ala dekongo na vundu maa! *Lango ti KOTA GBIA aga nduru awe; lango ni ayeke tongana mbeni kota kpale so ayeke buba ndo kue; kpale ni alondo na lo so ngangu ti lo ahon angangu kue.

Ésaïe 17:4

Na lango ni so, nengo ti Israel ayeke ti na gbeni; lo so lani lo kono konongo so, lo yeke kiri ti nge ngengo.

Ésaïe 20:6

Na lango ni so, azo so ayeke lango na yanga ti kota ngu-ingo so ayeke tene: “Azo so lani e zia be ti e na ndö ti ala so, baa ye so asi na ala laa! E ye lani ti honde tere ti e na ndo ti ala, titene ala mu na e maboko, titene ala zi e na maboko ti gbia ti Asirii! Fadeso e yeke sara tongana nyen?”

Ésaïe 26:14

Azo ni so akui awe so, ala yeke kiri ti duti na fini pepe, ala yeke kiri ti londo pepe. Mo ga na tere ti ala si mo hunzi ala kue, mo sara si azo akiri adabe ti ala na ala mbeni pepe.

Ésaïe 26:21

Baa, KOTA GBIA alondo na ndo ti lo ti sigigi. Lo yeke hunda na azo ti sese ti fa peko ti asioni ti ala. Sese ayeke fa na gigi mene so atuku, azo so a fâ ala, sese ayeke kiri ti honde kuâ ti ala pepe.

Ésaïe 28:20

Biani, ye ni ayeke duti tongana ti so mbeni *mato atene: gbogbo ni ayeke nduru mingi titene zo alango na ndö ni, le ti balangeti ni ayeke kete mingi titene zo abi na ndö ti lo.

Ésaïe 29:6

KOTA GBIA so ayeke na ndö ti dunia kue ayeke ga ti mu maboko na mo na lege ti toto ti bekpa, na lege ti ye so atoto ngangu, na ya ti ngangu pupu, na ya ti pupu ti ngu-Nzapa nga na wâ so ayeke gbi ye kue.

Ésaïe 30:16

Ala tene: “E ke awe! E yeke mu mbarata ti kpe ti hon.” Nzoni! Fade ala yeke kpe ti hon. Ala tene nga: “E yeke ko na ndö ti mbarata so ayeke mu loro mingi.” Nzoni! Me azo so ayeke tumba peko ti ala ayeke mu loro mingi!

Ésaïe 30:5

Fade kamene ayeke gbu le ti ala kue ndali ti azo so alingbi ti sara ye oko ndali ti ala pepe. Azo ni ayeke mu maboko na ala pepe, azo ni ayeke sara nzoni ye oko na ala pepe, me azo ni ayeke zia gi kota kamene na le ti ala, ala yeke bi buba na tere ti ala.

Ésaïe 30:7

Biani, maboko so Ezipte amu ayeke ye senge, alingbi ti sara ye oko pepe. Ndani laa mbi di iri ti kodro ni “Rahab so angba gi ndo oko”.

Ésaïe 33:14

Na *Sion, azo ti siokpari ado na mbeto, tere ti azo ti sioni ado. Ala yeke hunda tere ti ala, atene: “Wâ so ayeke gbi ye kue so, zo wa na popo ti e alingbi ande ti luti na tere ni, zo wa? Zo wa na popo ti e alingbi ti luti na tere ti kota wâ so ayeke gbi lakue lakue so zo wa?”

Ésaïe 39:3

Na pekoni, wayanga-Nzapa Ésaïe aga awara gbia Ezekias si ahunda lo, atene: “Azo so atene na mo nyen? Ala londo na ndo wa?” Ezekias akiri tënë: “Ala londo na yongoro ndo, na Babilone, ti ga ti baa mbi.”

Ésaïe 5:14

Tongaso, fade ndo ti akuâ ayeke zi yanga ti lo kota, lo yeke zi ni akono ahon ndoni. Akota zo ti kodro na asenge zo ti gbata ni ayeke li na ya ni, ala na aye ti wusuwusu ti ala, na ngia ti ala kue.

Ésaïe 5:26

KOTA GBIA ayo bendere na nduzu ndali ti amara so alango yongoro lo huru yanga ti lo na ala si ala londo na nda ti sese kâ aga. Baa, ala mu loro si ala si hio.

Jérémie 22:7

Mbi yeke tokua azo ti ga na tere ti mo, ala yeke ga ti buba aye ti mo kue; zo oko oko ayeke ga na ye ti bira ti lo. Angbongboro pendere keke ti sedre ti mo so, ala yeke de ni na sese si ala bi na le ti wâ.

Jérémie 4:30

Ti mo Jérusalem, azo abuba mo awe! Mo yeke yu bengba bongo ti ngangu ngere, mo yeke yu aye ti pendere ti lôro si mo yeke kpaka aye ti baba na ndö ti le ti mo ti sara na nyen? Mo yeke sara aye ti pendere so gi senge senge; akoli so ayeke kpe lani na peko ti mo so, ala ke mo awe, ala ye gi kuâ ti mo.

Jérémie 5:31

awayanga-Nzapa ayeke tene peko ti atënë ti mvene; awayango-sandaga ayeke gi ti wara aye ndali ti ala wani si azo ti mbi ayeda na sarango aye tongaso. Na ndani, fade ala yeke sara nyen?”

Jérémie 9:9

Ndali ti ahoto, mbi yeke toto si mbi yeke dema tere; ndali ti ndo so anyama ayeke te ka pere daa, mbi yeke he bia ti totongo kuâ, ngbanga ti so ndo ni kue agbi awe; zo ayeke hon daa mbeni pepe; a yeke ma go ti anyama na ndo ni so pepe. Ataa andeke ti nduzu na anyama, ala kue ahon, mbeni oko angba pepe.

Osée 5:13

Efraim abaa kobela ti lo, Juda abaa ka ti lo; Efraim ague ti baa Asirii, lo tokua azo na ne-ne gbia, me ne-ne gbia ni alingbi ti kai kobela ti ala pepe, wala ti sara si ka ti ala amu pepe.

Osée 9:5

Na lango ti kota bongbi, na lango ti kota matanga ti KOTA GBIA, fade ala yeke sara tongana nyen?

Osée 9:7

Ngoi titene Nzapa aga ti kiri na ala peko ti sioni ti ala alingbi awe, ngoi ti futango ala alingbi awe; ayeke nzoni azo ti Israel ahinga ni. Ala yeke tene: “Li ti wayanga-Nzapa so atomboka awe! Zo so ayeke na yingo so ayeke tene tënë kirikiri!” Biani, li ti mbi atomboka ndali ti gba ti sioni ti ala nga ndali ti kota sioni be ti ala.

Amos 5:19

Lango ni ayeke duti tongana lango ti mbeni zo so akpe bamara si lo gue, lo tengbi na ze; na pekoni, zo ni asi na da ti lo, lo zia maboko ti lo na tere ti dere ti da si ngbo ate lo.

Mishe 7:4

Zo ti nzoni na popo ti ala ayeke tongana aki; zo ti mbirimbiri na popo ti ala ayeke sioni ahon gba ti akeke ti ki. Lango ti fango ngbanga na ndö ti ala alingbi awe, lango so asanziri ti ala, awayanga-Nzapa, atene tënë ni kozoni awe so. Fadeso be ti ala afun kue awe.

Sofonii 1:18

Na lango so KOTA GBIA ayeke sara kota ngonzo, fade wen ti nginza ti ala, wala lôro ti ala ayeke soo ala na kuâ pepe; mbanda ti lo so ayeke londo tongana wâ ayeke gbi sese kue. Biani, ye ni ayeke duti ye ti ziango kota mbeto na be ti zo. KOTA GBIA ayeke fâ azo ti sese kue ti hunzi ala.

Nzoni Tënë so Luc asu na mbeti 19:44

Awato ti mo ni ayeke nika mo na azo ti mo kue; mbeni têne oko ayeke ngba na ndö ti mba ti lo pepe, ngbanga ti so lango so Nzapa aga ti baa mo asi awe, me mo hinga ni pepe!”

Ndia ti fani use ni 28:49

KOTA GBIA ayeke tokua na ndö ti ala mbeni mara so alondo na yongoro ndo, na nda ti sese; mbeni mara so ayeke huru ti ti na ndö ti ala tongana *ngoalo, mara so ala ma yanga ti kodro ti lo pepe.

1 Pierre 2:12

Alingbi dutingo ti ala na popo ti azo ti amara nde ayeke nzoni. Tongaso, ataa so azo ni ayeke bi tënë na li ti ala atene, ala yeke azo ti sarango sioni, azo ni abaa nzoni sarango ye ti ala si ala gonda Nzapa na ndembe so lo yeke ga.