Ésaïe 10:29 - Mbeti ti Nzapa - Tënë so amu fini

²⁹ Ala hon na lege so ange ngengo si ala tene: “Na bi so, e yeke lango na Geba.” Na Rama, azo ayeke do na mbeto. Na Gibea, gbata ti Saul, azo ayeke kpe.

Ésaïe 10:29 ပူးပေါင်းရင်းမြစ်များ

1 Agbia 15:23

Tanga ti atënë na ndö ti Asa, aye so kue lo sara, aye ti koli so kue lo sara na tënë ti agbata so lo sara angangu gbagba na tere ni, a su tënë ni na ya ti “Mbeti ti aye so agbia ti Juda asara”. Me na ngoi so lo ga mbakoro awe, kobela ti gere asara lo.

Jérémie 31:15

Tënë so KOTA GBIA atene ayeke so: “A yeke ma dekongo na toto ti kota vundu na kodro ti Rama. Rachel laa ayeke toto ndali ti amolenge ti lo; lo ke ti ma awango so alingbi ti de be ti lo, ngbanga ti so amolenge ni ayeke daa mbeni pepe.”

Osée 10:9

Ti londo na sioni ye so mo sara na Gibea ngbii asi fadeso, mo Israel, mo sara siokpari awe; ni laa mo ngba gi ngbango daa so! Ayeke na legeni titene bira alondo na tere ti azo ti sioni so gi na Gibea pepe?

Osée 5:8

Kota Gbia atene: “Ala huru didi na Gibea, ala huru tatalita na Rama, ala dekongo na azo ti Bet-Aven ti fa na ala tënë ti bira. Ala azo ti mara ti Benjamin, azo ayeke ga na peko ti ala ti tiri bira na ala.

Osée 9:9

Ala linda lindango na ya ti sarango sioni ye tongana ti so ala sara ando na Gibea. Me fade Nzapa ayeke dabe ti lo na sioni ti ala, lo yeke ga ti kiri peko ti sioni na ala ndali ti asiokpari ti ala.

Josué 21:17

Na sese ti azo ti mara ti Benjamin, a mu na ala Gabaon, Geba,

1 Samuel 10:26

Saul nga akiri na ndo ti lo na gbata ti Gibea. Ambeni ngangu turugu so Nzapa andu be ti ala amu peko ti lo.

1 Samuel 11:4

Awatokua ague, asi na Gibea, gbata ti Saul. Ala tene na azo ni peko ti tënë ti aye so asi. Azo ni kue ati na kota toto.

1 Samuel 13:16

Saul, na molenge ti lo Jonatan nga na azo so ayeke na tere ti ala aduti na Geba na sese ti Benjamin. Me azo ti Filistii asara bâbâ ti ala na Mikmas.

1 Samuel 13:2

Na popo ti azo ti Israel, Saul asoro aturugu saki ota. Aturugu saki use angba na tere ti lo na kodro ti Mikmas nga na sese ti ahoto ti Betel. Ambeni saki oko ayeke na tere ti molenge ti lo Jonatan na gbata ti Gibea, na sese ti Benjamin. Saul atene na tanga ti azo ti Israel titene zo oko oko akiri na ndo ti lo.

1 Samuel 13:23

Mbeni bongbi ti aturugu ti Filistii ague, aduti na lege so ague na Mikmas.

1 Samuel 14:2

Saul aduti na maka ti Gibea na gbe ti keke ti grenade so ayeke na kodro ti Migron. Aturugu nduru na ngbangbo omene ayeke na tere ti lo.

1 Samuel 14:4

Lege so Jonatan amu ti gue ti tiri na azo ti Filistii so, akota têne use so yanga ni ayo yongo ayeke daa mbage na mbage. Iri ti mbeni ayeke Boses, iri ti mbeni ayeke Sene.

1 Samuel 14:5

Oko têne ni ayeke na mbage ti Banga si abaa le na Mikmas; mbeni têne ni ayeke na mbage ti Mbongo si abaa le na Geba.

1 Samuel 15:34

Na pekoni, Samuel akiri na Rama si Saul ague na ndo ti lo na Gibea.

1 Samuel 7:17

Na pekoni, lo yeke kiri na Rama, ngbanga ti so da ti lango ti lo ayeke kâ. Kâ laa lo yeke fâ ngbanga ti azo ti Israel si lo sara nga gbalaka ndali ti KOTA GBIA.