Ésaïe 10:28 - Mbeti ti Nzapa - Tënë so amu fini

²⁸ Wato asi nduru na Ayat, lo hon na ya ti Migron si lo zia akungba ti lo na Mikmas.

Ésaïe 10:28 ပူးပေါင်းရင်းမြစ်များ

Néhémie 11:31

Ambeni zo ti mara ti Benjamin aduti na Geba, Mikmas, Aya, Betel na ando nde nde so ayeke na tere ni,

Ésaïe 8:8

Ngu ni ayeke sua na ya ti kodro ti Juda, ayeke suku, ayeke mu ya ti kodro ni, ayeke suku ngbii agbu zo na go ti lo. Ngu ni ayeke suku mbage na mbage si ayeke mu ndö ti kodro ti mo kue, Emmanuel.”

Mishe 1:9

A pika azo ti Samarii na ka, ka ni ayeke kota mingi, zo alingbi ti sara si ka ni amu pepe. Ka ni ague ngbii awara azo ti Juda, ague nga ngbii asi na yanga ti gbata ti Jérusalem, ndo so azo ti mbi ayeke daa.

Josué 7:2

So ala yeke na Jéricho, Josué atokua ambeni koli na gbata ti Ai so ayeke nduru na gbata ti Bet-Aven, na mbage ti To ti Betel. Lo tene na ala: “Ala gue *abembe ndo na gbata ni.” Akoli ni ague, abembe ndo ni.

Awafango-ngbanga 18:21

Azo ti mara ti Dan amu lege ti gue; ala zia amolenge, anyama nga na *akangba na dawa.

1 Samuel 13:2

Na popo ti azo ti Israel, Saul asoro aturugu saki ota. Aturugu saki use angba na tere ti lo na kodro ti Mikmas nga na sese ti ahoto ti Betel. Ambeni saki oko ayeke na tere ti molenge ti lo Jonatan na gbata ti Gibea, na sese ti Benjamin. Saul atene na tanga ti azo ti Israel titene zo oko oko akiri na ndo ti lo.

1 Samuel 13:23

Mbeni bongbi ti aturugu ti Filistii ague, aduti na lege so ague na Mikmas.

1 Samuel 13:5

Azo ti Filistii abongbi nga ti tiri bira na azo ti Israel. Ala yeke na apusu ti mbarata saki baleota, azo ti kpengo na ambarata saki omene nga na gba ti aturugu so wungo ti ala ayeke tongana wungo ti mbutu ti yanga ti ngu. Azo ni ague, asara bâbâ ti ala na Mikmas na tere ti Bet-Aven na mbage ti To.

1 Samuel 14:2

Saul aduti na maka ti Gibea na gbe ti keke ti grenade so ayeke na kodro ti Migron. Aturugu nduru na ngbangbo omene ayeke na tere ti lo.

1 Samuel 14:31

Na lango ni so, azo ti Israel afâ azo ti Filistii, ti londo na Mikmas ngbii asi na Ayalon. Aturugu ti Israel awoko kue.

1 Samuel 14:5

Oko têne ni ayeke na mbage ti Banga si abaa le na Mikmas; mbeni têne ni ayeke na mbage ti Mbongo si abaa le na Geba.

1 Samuel 17:22

David azia akungba ti lo na maboko ti zo ti batango akungba. Na pekoni, lo mu loro lo gue na ndo so aturugu ayeke daa, lo gue, lo bara a-ita ti lo.