Ésaïe 10:26 - Mbeti ti Nzapa - Tënë so amu fini

²⁶ Fade KOTA GBIA so ayeke na ndö ti dunia kue ayeke mu fimbo ti pika na azo ti Asirii tongana ti so lo pika ando azo ti Madian na tere ti kota têne ti Oreb. Lo yeke yoro keke ti lo na nduzu tongana ti so lo yoro ando na ndö ti kota ngu-ingo na Ezipte.

Ésaïe 10:26 ပူးပေါင်းရင်းမြစ်များ

2 Agbia 19:35

Gi na bi ni, *ange ti *KOTA GBIA asi na ya ti bâbâ ti azo ti Asirii si lo fâ aturugu 185 000. So azo alondo na kota ndaperere, ala baa gi akuâ kue laa ayeke lango na sese so!

Abia (Psaumes) 35:23

Nzapa ti mbi, Kota Gbia ti mbi, mo zingo, mo londo mo fâ ngbanga ti mbi, mo gbu koko ti mbi!

Abia (Psaumes) 83:11

A fâ ando ala na tere ti du ti ngu ti Dor; kuâ ti ala aga tongana puru na ndö ti sese.

Sigingo 14:16

Ti mo, mu keke ti mo, mo yoro ni na nduzu na ndö ti kota ngu-ingo; mo kangbi ya ti ngu ni mbage na mbage titene azo ti Israel ahon na popo ni na ndö ti kuru sese.

Ésaïe 10:24

Tënë so Kota Gbia NZAPA so ayeke na ndö ti dunia kue atene ayeke so: “Ala, azo ti mbi so ayeke lango na *Sion, ala sara mbeto ti azo ti Asirii pepe. Azo ni apika ala na nduru keke, ala mu keke na tere ti ala tongana ti so azo ti Ezipte asara ando na ala.

Ésaïe 11:16

Mbeni lege ayeke duti daa ndali ti tanga ti azo ti lo, azo ti lo so angba na fini na sese ti Asirii. Lege ni ayeke duti tongana lege so azo ti Israel amu ni ando na ngoi so ala londo na Ezipte ti sigigi.

Ésaïe 30:30

KOTA GBIA ayeke sara titene azo ama go ti lo so ayeke toto ngangu, lo yeke sara titene azo abaa maboko ti lo so lo yo na nduzu ti pika na azo. Lo yeke fa sioni ngonzo ti lo na popo ti menga ti wâ so ayeke gbi ye kue, na popo ti kota ngu-Nzapa, nga na popo ti *apembe ti bekpa so atuku.

Ésaïe 30:31

Na mango go ti KOTA GBIA, fade azo ti Asirii ayeke do na mbeto na gbe ti nduru keke so KOTA GBIA ayeke pika na ala.

Ésaïe 30:32

Pika oko oko so KOTA GBIA ayeke pika ala, a yeke pika ngo na kundi na gbe ni. Tongana lo yeke yingi maboko ti lo, lo yeke tiri bira na ala.

Ésaïe 9:3

Biani, *zuge so lani ane azo ni, keke so a yeke pika na peko ti ala, nduru keke so makonzi ti kua ti ala ayeke pika na ala, mo fâ ya ni tongana ti so mo sara ando na lango so mo kinda azo ti Madian.

Ésaïe 9:4

Aporo ti gere kue ti awato so ala yeke do na sese, akota bongo ti de kue so mene amu tere ni, fade a yeke bi na le ti wâ titene wâ agbi ni kue.

Aye so Nzapa afa 11:18

Amara nde asara ngonzo, me ndembe ti ngonzo ti mo asi awe, ndembe titene a fâ ngbanga na li ti azo so akui awe. So ayeke ndembe ti mungo futa na azo ti kua ti mo, awayanga-Nzapa, ala na azo ti mo so ayeke kpe mbeto ti mo, akete zo na akota zo. So ayeke ndembe ti bubango azo ti bubango sese.”

Aye so Nzapa afa 19:15

Mbeni yongoro zeme so yanga ni aza mingi alondo na yanga ti lo si ayeke sigigi. Na yongoro zeme ni laa, alingbi lo kinda azo ti amara nde. Fade lo yeke fa lege na ala na komandema ti ngangu; lo yeke do ale ti *vinye na ya ti du ti petengo na vin ti kota ngonzo ti Nzapa so ngangu ti lo ahon angangu kue.

Awafango-ngbanga 7:25

Ala gbu amakonzi use ti azo ti Madian, Oreb na Zeb; ala fâ Oreb na tere ti têne ti Oreb, ala fâ Zeb na tere ti du so a yeke pete ale ti *vinye daa; a iri du ni Ti-Zeb. Ala zia tumbango peko ti azo ti Madian pepe. Ala mu li ti Oreb na ti Zeb, ala gue na ni na Gédéon kâ na mbage ti ngu ti Jourdain.