Ésaïe 10:22 - Mbeti ti Nzapa - Tënë so amu fini

²² Israel, ataa wungo ti azo ti mo ayeke tongana wungo ti mbutu ti yanga ti kota ngu-ingo, fade gi tanga ti azo so angba laa ayeke kiri na KOTA GBIA. A leke tënë ti bubango ye kue awe, fango ngbanga ti mbirimbiri ayeke mu ndo kue tongana ngu so asuku.

Ésaïe 10:22 ပူးပေါင်းရင်းမြစ်များ

Tongo nda ti aye 18:25

Titene mo bongbi azo ti mbirimbiri na azo ti sioni kue ti fâ ala, so alingbi na mo pepe. So ti fa atene, zo ti mbirimbiri na zo ti sioni kue gi legeoko? Sarango ye tongaso alingbi na mo pepe! Lo so ayeke fâ ngbanga na ndö ti azo ti dunia kue, lo lingbi ti fâ ngbanga ti kirikiri tongana nyen?”

1 Agbia 4:20

Azo ti kodro-gbia ti Juda na ti Israel awu mingi, tongana mbutu ti yanga ti kota ngu-ingo. Azo ni ayeke te, ala yeke nyon si ala yeke duti na ngia.

2 Agbia 19:31

Biani, tanga ti azo so angba na fini ayeke sigigi na Jérusalem, azo so awara lege ti kpe ayeke londo na ndö ti hoto ti *Sion. “Baa, ye so KOTA GBIA ayeke sara na lege ti kota nzara ti be ti lo laa.”

Ésaïe 37:31

Tanga ti azo ti kodro ti Juda so ayeke ngba na fini ayeke duti ande tongana keke so agunda ni ali sese si amaboko ni ale lengo.

Ésaïe 46:3

Azo ti Jacob, ala ma mbi, ala, atanga ti azo ti Israel so angba na fini so! Gi so ala de na ya ti mama ti ala, mbi bata ala, gi so a du ala, mbi yo ala.

Ésaïe 48:19

Ka *ahale ti mo ayeke ga tongana mbutu ti yanga ti kota ngu-ingo, ka amolenge ti ya ti mo ayeke ga tongana le ti mbutu; na dawa ti mbi, ka a zi iri ti ala pepe, a mingo iri ti ala pepe.”

Ésaïe 59:20

KOTA GBIA ayeke ga ti zi Jérusalem nga na azo ti Israel so azia lege ti ngangu li ti ala. So tënë ti yanga ti KOTA GBIA laa.

Ésaïe 6:11

Tongaso mbi hunda ndo, mbi tene: “KOTA GBIA, ye ni so ayeke gue ngbii asi lawa?” Lo kiri tënë, lo tene: “Ye ni ayeke gue ngbii asi na ndembe so a buba agbata kue, zo oko ayeke ngba na ya ti agbata ni pepe, zo oko ayeke ngba na ya ti da pepe, sese ayeke buba kue si ayeke ga ngonda.

Ésaïe 6:13

Tongana zo oko na popo ti azo baleoko angba na ya ti kodro ni, fade a yeke gbi lo na wâ tongana keke ti shene wala ti terebente so a de na sese. Me nduru gere ni na agunda ni angba si ayeke tongana ngoangoa so ayeke nde si ayeke nzoni kue.”

Ésaïe 60:22

Ataa sewa so ayeke kete, fade lo yeke du saki oko; ataa sewa so awu pepe, lo yeke ga kota mara. Mbi KOTA GBIA, mbi yeke sara ande ye ni hio tongana ngoi ni alingbi.

Ésaïe 65:8

Tënë so KOTA GBIA atene ayeke so: Tongana azo awara gba ti ale ti *vinye so abe, ala yeke tene: “E buba ni pepe, ngbanga ti so tufa ayeke na ya ni”. Mbi yeke sara ande gi tongaso ndali ti azo ti kua ti mbi; fade mbi yeke buba ye kue pepe.

Ésaïe 8:8

Ngu ni ayeke sua na ya ti kodro ti Juda, ayeke suku, ayeke mu ya ti kodro ni, ayeke suku ngbii agbu zo na go ti lo. Ngu ni ayeke suku mbage na mbage si ayeke mu ndö ti kodro ti mo kue, Emmanuel.”

Jérémie 3:14

“Amolenge ti pupulenge, ala kiri maa! Biani, mbi yeke wa ti ala; so tënë ti yanga ti *KOTA GBIA laa. Fade mbi yeke mu na popo ti ala, zo oko na ya ti mbeni gbata, zo use na ya ti mbeni kete mara ti kiri na ala na *Sion.

Jérémie 44:28

Gi ambeni kete laa ayeke wara lege ti kpe bira ni si ala londo na Ezipte ti kiri na Juda. Ndo so laa, azo ti Juda so angba na fini, ala so aga lani ti honde tere ti ala na Ezipte ayeke hinga atene, tënë ti mbi laa aga taa-tënë, wala ti ala.

Daniel 9:27

Na ya ti tanga ti ngoi ti ngu mbarambara so, makonzi ni ayeke gbu gba ti azo na ngangu titene ala sara ye so ala ye pepe. Na peko ti ngu ota na ndambo, lo yeke sara si asandaga ti nyama na asandaga ti ale ti kobe so azo ayeke mu ka na Nzapa akai. Zo ti bubango ndo so ayeke sara ande aye ti sioni mingi gi na loro, lo yeke sara ni ngbii tënë ti bubango lo so a diko ndali ti lo ati na ndö ti lo.’ ”

Awatokua 17:31

Lo leke mbeni lango awe so lo yeke fâ ande ngbanga na li ti azo kue na legeni. Lo soro wafango-ngbanga ni awe, lo fa zo ni na azo kue na lege ti so lo zingo lo na kuâ.”

Rome 2:5

Me be ti mo akpengba si mo ye ti zia ngbene lege ti sarango ye ti mo ni pepe. Ndani laa mo yeke bongbi gba ti ngonzo ti Nzapa na ndö ti mo ti ku na lango ti ngonzo ti ndani. Na lango ni so, lo yeke fa so fango ngbanga ti lo ayeke mbirimbiri,

Aye so Nzapa afa 20:8

Lo yeke hon ti gue ti handa amara so ayeke na ndangoro osio ti sese kue, so ti tene Gog na Magog. Satan ayeke bongbi ala ndali ti bira. Wungo ti ala ayeke tongana wungo ti mbutu ti yanga ti kota ngu-ingo.