Ésaïe 10:20 - Mbeti ti Nzapa - Tënë so amu fini

²⁰ Na lango ni so, tanga ti azo ti Israel na azo ti mara ti Jacob so angba na fini ayeke kiri ti zia be ti ala pepe na ndö ti azo so apika ala. Me ala yeke zia be ti ala kue na ndö ti *KOTA GBIA, Nzapa ti Israel, lo so lo yeke nde si lo yeke nzoni kue.

Ésaïe 10:20 ပူးပေါင်းရင်းမြစ်များ

2 Agbia 16:7

Ahaz atokua azo na Teglat-Falasar, gbia ti Asirii ti tene na lo, atene: “Mbi yeke zo ti kua ti mo, mbi yeke nga molenge ti mo. Ga mo zi mbi na maboko ti gbia ti Sirii nga na maboko ti gbia ti Israel so alondo ti tiri bira na mbi so!”

2 Agbia 19:31

Biani, tanga ti azo so angba na fini ayeke sigigi na Jérusalem, azo so awara lege ti kpe ayeke londo na ndö ti hoto ti *Sion. “Baa, ye so KOTA GBIA ayeke sara na lege ti kota nzara ti be ti lo laa.”

2 Mbai 14:11

KOTA GBIA akinda azo ti Etiopii na dawa ti Asa nga na dawa ti aturugu ti Juda; aturugu ti Etiopii akpe.

2 Mbai 28:16

Na ngoi ni so, gbia Ahaz atokua azo ti hunda na gbia ti Asirii ti mu na lo maboko.

2 Mbai 28:20

Teglat-Falasar, gbia ti Asirii aga ti mu maboko na Ahaz pepe, me lo ga ti tiri bira na lo, ti zia lo na ya ti kota kpale.

Esdras 9:14

Fade e yeke kiri ti ke atënë ti ndia ti mo tongana nyen? E lingbi ti sara songo na lege ti mungo tere koli na wali na azo so sarango ye ti ala ayeke sioni mingi so tongana nyen? Tongana e sara tongaso, fade ngonzo ti mo ayeke londo na tere ti e si mo fâ e kue kue kue ti hunzi e pepe?

Ésaïe 1:9

Tongana KOTA GBIA so ayeke na ndö ti dunia kue abata fade ambeni zo oko oko na ya ti kodro ni pepe, ka e ga tongana Sodome, ka e kpa Gomore.

Ésaïe 11:11

Na lango ni so, *KOTA GBIA ayeke yoro maboko ti lo ti fani use ti zi tanga ti azo ti lo ti kiri na ala na kodro ti ala: azo ti lo so angba na fini na sese ti Asirii, ti Ezipte, ti Patros, ti Kush, ti Elam, ti Shinear nga na ti Hamat na ala so ayeke na ya ti azoa so ayeke na le ti kota ngu-ingo.

Ésaïe 11:16

Mbeni lege ayeke duti daa ndali ti tanga ti azo ti lo, azo ti lo so angba na fini na sese ti Asirii. Lege ni ayeke duti tongana lege so azo ti Israel amu ni ando na ngoi so ala londo na Ezipte ti sigigi.

Ésaïe 37:4

Gbia ti Asirii atokua makonzi ti aturugu ti lo ti zonga Nzapa so ayeke na fini. E hinga pepe, wala KOTA GBIA, Nzapa ti mo ama tënë ti zonga ni si lo pika lo ndali ti asioni tënë so lo tene so! Ti mo Ésaïe, sambela Nzapa ndali ti tanga ti azo so angba na fini so.’ ”

Ésaïe 46:3

Azo ti Jacob, ala ma mbi, ala, atanga ti azo ti Israel so angba na fini so! Gi so ala de na ya ti mama ti ala, mbi bata ala, gi so a du ala, mbi yo ala.

Ésaïe 50:10

Mbeni zo ti kpengo mbeto ti *KOTA GBIA ayeke na popo ti ala? Alingbi lo ma yanga ti zo ti kua ti lo. Tongana mbeni zo ayeke tambula na ya ti vukongo ndo si lumiere oko ayeke daa pepe, alingbi lo zia be ti lo na ndö ti KOTA GBIA wani, lo luti na ndö ti Nzapa ti lo.

Ésaïe 6:13

Tongana zo oko na popo ti azo baleoko angba na ya ti kodro ni, fade a yeke gbi lo na wâ tongana keke ti shene wala ti terebente so a de na sese. Me nduru gere ni na agunda ni angba si ayeke tongana ngoangoa so ayeke nde si ayeke nzoni kue.”

Jérémie 3:23

Biani, azo ahanda e na li ti akete hoto kâ; gi awusuwusu laa azo ayeke sara na li ti ahoto kâ. Biani, gi na lege ti KOTA GBIA, Nzapa ti e si Israel ayeke soo kuâ.

Jérémie 44:14

Na popo ti tanga ti azo ti Juda so angba si aga ti honde tere ti ala na Ezipte, fade mbeni oko ayeke kpe pepe, mbeni oko ayeke ngba na fini pepe. Kodro ti Juda so ala yeke sara nzara ti kiri ti duti daa, zo oko ayeke kiri kâ pepe. Biani, ala yeke kiri kâ pepe, me gi ambeni zo oko oko so akpe.’ ”

Osée 14:3

Ala kiri na KOTA GBIA si ala tene na lo atënë so: “Sioni so kue e sara so, zi tënë ni na li ti e. Yamba e na nzoni be! E ye ti ya na mo atënë ti yanga ti e, ahon titene e ya na mo *sandaga ti akoli-bagara.

Osée 5:13

Efraim abaa kobela ti lo, Juda abaa ka ti lo; Efraim ague ti baa Asirii, lo tokua azo na ne-ne gbia, me ne-ne gbia ni alingbi ti kai kobela ti ala pepe, wala ti sara si ka ti ala amu pepe.

Mishe 5:3

Lo yeke londo ti bata azo ti lo na ngangu ti KOTA GBIA, lo yeke bata ala na nengo ti iri ti KOTA GBIA, Nzapa ti lo. Fade azo ti mara ti lo ayeke duti na siriri. Biani, lo yeke ga kota zo na ndö ti azo kue ngbii asi na nda ti sese kue.

Sofonii 3:13

Tanga ti azo ti Israel so angba na fini ayeke kiri ti sara sioni pepe, ala yeke kiri ti tene mvene pepe, a yeke kiri ti wara tënë ti handango ndo na yanga ti ala pepe. Me fade ala lingbi ti te kobe nzoni, ala lingbi ti wu tere ti ala nzoni, zo oko ti zia mbeto na be ti ala ayeke daa pepe.”