Ésaïe 10:2 - Mbeti ti Nzapa - Tënë so amu fini

² Ala yeke kanga lege titene a fâ ngbanga ti asenge zo na legeni, ala yeke gbanzi azo ti mbi so ayeke awayere na ye so ayeke ti ala. Ala yeke te awali-mua, ala yeke nzi aye ti anyindu.

Ésaïe 10:2 ပူးပေါင်းရင်းမြစ်များ

Mbeti ti Job 31:16

Laoko mbi ke ti mu ye na awayere? Le ti wali-mua aku mbi gbaa?

Abia (Psaumes) 94:6

Ala yeke fâ wali-mua nga na wande, ala yeke fâ anyindu.

Sigingo 23:6

“Na le ti ngbanga, ala sara si fango ngbanga ti zo ti mawa ague kirikiri pepe.

Amato 22:22

Mo mu aye ti wayere na ngangu pepe, ngbanga ti so lo yeke na ngangu pepe. Na le ti ngbanga, mo sara ngangu na zo ti mawa pepe.

Amato 30:14

“Ambeni zo ayeke daa so pembe ti ala ayeke tongana yongoro zeme si abio ti ngbangba ti ala ayeke tongana zeme. Azo ni ayeke te azo ti mawa ti kodro ni si ala ye ti zi awayere na popo ti azo.”

Ésaïe 1:17

Ala manda ti sara nzoni ye; ala gi lege ti fâ ngbanga ti mbirimbiri. Ala kanga lege na zo so asara ngangu na azo; ala fâ ngbanga ti nyindu na legeni; ala gbu koko ti wali-mua.”

Ésaïe 1:23

Amakonzi ti mo ayeke azo ti ngangu li, ala yeke sara songo na azo ti nzi. Ala kue aye tënë ti goro, ala yeke kpe na peko ti aye so azo ayeke mu na ala na hondengo ni; ala yeke fâ ngbanga ti nyindu na legeni pepe, tënë ti wali-mua ayeke gbu be ti ala pepe.

Ésaïe 29:21

azo ni ayeke azo so ayeke bi tënë ti mvene na li ti azo, ala so ayeke zia kuku titene awafango-ngbanga ati daa, ala so ayeke fâ ngbanga na li ti azo so asara ye oko pepe.

Ésaïe 3:14

KOTA GBIA ague na *akangba na amakonzi ti azo ti lo na ngbanga, lo tene: “Ala laa abuba yaka ti vinye; aye so ala nzi na maboko ti azo ti mawa, ala zia ni na ya ti ada ti ala.

Ésaïe 3:15

Ala yeke nika azo ti mbi ngbanga ti nyen? Ala yeke sara ngangu na awayere ngbanga ti nyen? So tënë ti yanga ti Kota Gbia NZAPA so ayeke na ndö ti dunia kue laa!”

Ésaïe 32:6

Biani, zo ti buba ayeke tene abuba tënë, lo yeke zia be ti lo gi ti sara sioni, lo yeke sara aye so ayeke sioni mingi si lo yeke tene asioni tënë na tere ti *KOTA GBIA. Zo so nzara asara lo, lo yeke mu na lo kobe pepe, zo so nzara ti ngu asara lo, lo yeke mu na lo ngu ti nyongo ni pepe.

Ésaïe 5:23

Tongana a pete goro na ala, ala yeke zi zo so tënë ayeke na li ti lo, zo so tënë ayeke na li ti lo pepe, ala yeke ke titene a fâ ngbanga ti lo na legeni.

Ésaïe 5:7

Andaa yaka ti vinye ti *KOTA GBIA, lo so lo yeke na ndö ti dunia kue, ayeke azo ti Israel. Azo ti mara ti Juda laa ayeke ye so lo lu si lo ye ni mingi. Lo ku fade titene azo ni afâ ngbanga na legeni, me ala fâ ngbanga ti mbana kirikiri. Lo ku fade titene azo ni asara ye alingbi na ndia, me gi dekongo ti azo ti mawa laa mo yeke ma.

Ésaïe 59:15

Biani, taa-tënë ayeke daa mbeni pepe; tongaso, zo so ake ti sara sioni, azo ayeke nzi aye ti lo kue. *KOTA GBIA abaa aye so kue, aye ni ayeke sioni na le ti lo, fango ngbanga ti mbirimbiri ayeke daa pepe.

Jérémie 7:6

tongana mbeni wande, wala nyindu, wala wali-mua ayeke na popo ti ala, ala sara ngangu na ala pepe; azo so tënë ayeke na li ti ala pepe, ala tuku mene ti ala na ndo so pepe; ala mu peko ti anzapa nde pepe, ngbanga ti ala wara kpale.

Abia ti demango tere 3:35

so azo ayeke buba zo na ndö ti ye ti lo na le ti Nzapa so ayeke na yayu kâ na ndö ti aye kue so,

Ezekiel 22:7

Na ndo ti mo, azo ayeke ne babâ na mama ti ala pepe, ala yeke sara ngangu na awande, ala yeke sara ngangu na awali-mua nga na anyindu.

Amos 2:6

Tënë so KOTA GBIA atene ayeke so: “Mbi yeke na tënë na azo ti Israel ndali ti asioni ye ota, wala osio so ala sara: ala ka zo ti mbirimbiri ti wara na nginza, ala ka wayere ti wara na pâpä. Ndani laa, ngbanga so mbi fâ na li ti ala, mbi yeke kiri na ndö ni oko pepe.

Amos 2:7

Nzara ti mungo aye ti azo ti mawa ahon ndö ti ala, ataa fuku ti sese so ayeke na li ti ala; na le ti ngbanga, ala yeke sara si a fâ ngbanga ti asenge zo na legeni pepe. Molenge-koli na babâ ti lo ayeke lango gi na oko maseka-wali. Na sarango ye tongaso, ala yeke buba iri ti mbi so ayeke nde si ayeke nzoni kue.

Amos 5:19

Lango ni ayeke duti tongana lango ti mbeni zo so akpe bamara si lo gue, lo tengbi na ze; na pekoni, zo ni asi na da ti lo, lo zia maboko ti lo na tere ti dere ti da si ngbo ate lo.

Mishe 3:1

Nilaa mbi tene: “Ala amakonzi ti *ahale ti Jacob, ala azo so ayeke na li ti azo ti Israel, ala ma si! Ala laa alingbi fade ti hinga fango ngbanga na lege ti ndia pepe?

Malashii 3:5

Biani, fade mbi yeke ga nduru na tere ti ala ti fâ ngbanga na li ti ala. Mbi yeke ga hio ti bi tënë na li ti azo ti mazi, azo ti gingo wali wala koli ti amba ti ala, azo so ayeke bi atënë ti mvene na li ti amba ti ala na azo so ayeke futa azo ti kua ti ala na legeni pepe; azo so ayeke sara ngangu na awali-mua nga na anyindu, azo so ayeke sara mbana na awande nga na azo so ayeke kpe mbeto ti mbi pepe. Tënë so KOTA GBIA so ayeke na ndö ti dunia kue atene laa.”

Matthieu 23:13

“Mawa na ala, awafango-ndia, ala na *afarizien! Tënë ti yanga ti ala ayeke nde na sarango ye ti ala! Ala kanga lege ti *Kodro-gbia ti yayu na azo. Ala wani aye ti li na ya ti Kodro-gbia ti yayu ni pepe, me ala yeke kanga lege ni na azo so aye ti li daa. [