Ésaïe 10:16 - Mbeti ti Nzapa - Tënë so amu fini

¹⁶ Ndani laa, Kota Gbia NZAPA so ayeke na ndö ti dunia kue ayeke tokua kobela na tere ti azo ti lo so akono titene ala nge. Na gbe ti gonda ti ala, fade mbeni ye ayeke gbi tongana wâ so ayeke gbi ye.

Ésaïe 10:16 ပူးပေါင်းရင်းမြစ်များ

2 Mbai 32:21

Tongaso *KOTA GBIA atokua mbeni *ange so afâ ya ti bâbâ ti gbia ti Asirii, akpengba zo ti bira kue, aturugu ti kota kamba, na akota zo ti lo. Gbia ti Asirii ni akiri na kodro ti lo, na kamene na le ti lo. Na pekoni, lo li na ya ti da ti nzapa ti lo si taa amolenge ti lo laa afâ lo na yongoro zeme.

Abia (Psaumes) 106:15

Lo mu na ala ye so ala hunda; na pekoni, lo bi sioni kobela na tere ti ala so ala yeke nge na ni gi na nduzu.

Abia (Psaumes) 78:31

si ngonzo ti Nzapa ati na ndö ti ala, lo fâ angangu zo na popo ti ala, lo kinda amaseka ti Israel.

Ésaïe 10:18

Lo yeke gbi apendere gbako ti ala kue kue kue nga na ayaka so kue akeke so a yeke te le ni tengo ayeke daa. Ala yeke ga tongana zo ti kobela so ange kue.

Ésaïe 17:4

Na lango ni so, nengo ti Israel ayeke ti na gbeni; lo so lani lo kono konongo so, lo yeke kiri ti nge ngengo.

Ésaïe 26:11

KOTA GBIA, mo yo maboko ti mo na nduzu ti pika ala, me ala baa ni pepe. Fade ala yeke baa so mo yeke na nzara mingi ti sara na azo ti mo, tongaso kamene ayeke gbu le ti ala. Wâ so a leke ndali ti awato ti mo ayeke gbi azo ni.

Ésaïe 31:9

Lo so lo yeke na ngangu mingi, lo yeke do na mbeto si lo yeke kpe, be ti amakonzi ti aturugu ti lo ayeke woko kue, ala yeke do bendere ti ala ti zia ti hon. So tënë ti yanga ti KOTA GBIA laa, lo so wâ ti lo ayeke na Sion, kota wâ ti lo ayeke za na Jérusalem.

Ésaïe 37:29

Biani, mo sara ngonzo na tere ti mbi, zongango mbi so mo zonga mbi so, mbi ma tënë ni awe. Ndani laa, fade mbi yeke yoro *kongi ti wen na hon ti mo, mbi yeke yoro kamba ti wen na yanga ti mo. Fade mbi yeke zia mo gi na oko lege so mo mu ti ga ge so ti kiri na ndo ti mo.

Ésaïe 37:36

*Ange ti *KOTA GBIA asi na ya ti bâbâ ti azo ti Asirii si lo fâ aturugu 185 000. So azo alondo na kota ndaperere, ala baa gi akuâ kue laa ayeke lango na sese so!

Ésaïe 5:17

Fade ataba ayeke te pere na ya ti gbata so abuba kue so tongana ndo ti tengo pere ti ala; angasa so akono nzoni ayeke te pere na ndo ni so.

Ésaïe 8:7

Ndali ti ye so ala sara so, fade KOTA GBIA ayeke sara titene *bale ti Efrate asuku, aga na tere ti ala. Bale ni ayeke gbia ti Asirii na ngangu ti lo kue. Ngu ni ayeke londo na ndo so lo yeke daa, lo yeke suku ti hon yanga ti sese ti mu ndo kue.

Ésaïe 9:4

Aporo ti gere kue ti awato so ala yeke do na sese, akota bongo ti de kue so mene amu tere ni, fade a yeke bi na le ti wâ titene wâ agbi ni kue.

Ésaïe 9:5

Biani, a du na e molenge awe, a mu na e molenge-koli awe. Nzapa azia komandema na maboko ti lo. Fade a yeke di iri ti lo: Zo ti kpene, Wamungo-wango, Nzapa ti ngangu, Babâ ti lakue lakue, Makonzi ti siriri.

Jérémie 21:14

Mbi yeke ga na tere ti ala; so futa ti asioni sarango ye ti ala laa; so tënë ti yanga ti KOTA GBIA laa. Fade mbi yeke bi wâ na ya ti gbako ti ala, wâ ni ayeke gbi aye so kue angoro gbako ni.”

Jérémie 48:14

“Ala, azo ti Moab, a sara tongana nyen si ala tene: ‘E yeke angangu zo ti bira, e yeke akoli so ahinga ti tiri bira mingi’?

Ezekiel 34:16

Taba so agirisa, fade mbi yeke gi lo; lo so agirisa lege, mbi yeke kiri na lo na ndö ti lege; lo so awara ka, mbi yeke kanga ka ni; lo so ayeke na kobela, mbi yeke sara titene lo wara ngangu. Me taba so akono konongo, lo so ayeke na ngangu, mbi yeke fâ lo. Mbi yeke gi kobe ndali ti ataba ti mbi na legeni.”

Nahum 1:12

Tënë so KOTA GBIA atene na azo ti Juda ayeke so: “Ataa awato ti ala awu mingi si awato ni ayeke ngangu, fade a yeke fâ ala kue, ti ala ayeke hunzi. Lani mbi sara pasi na azo ti Juda, me mbi yeke kiri ti sara pasi na ala pepe.

Sofonii 2:13

Fade *Kota Gbia ayeke yoro maboko ti lo ti tiri bira na azo ti Banga; lo yeke buba kodro ti Asirii, lo yeke sara si gbata ti Ninive aga ngonda so ahole kasakasa.

Zakarii 7:4

Tongaso, tënë ti KOTA GBIA so ayeke na ndö ti dunia kue asi na mbi, atene:

Awatokua 12:23

Mo ye ti baa, *ange ti *Kota Gbia abi kobela na tere ti Herode, ngbanga ti so lo gonda Nzapa pepe: angusu ate lo si lo kui.