Ésaïe 10:13 - Mbeti ti Nzapa - Tënë so amu fini

¹³ Biani, gbia ni atene: “Mbi sara aye so kue na ngangu ti mbi nga na ndara ti mbi wani, ngbanga ti so mbi hinga ndo. Mbi buba akatikati ti akodro ti amara, mbi nzi amosoro ti ala. Tongana ngangu koli, mbi kinda agbia na ndö ti mbata ti ala.

Ésaïe 10:13 ပူးပေါင်းရင်းမြစ်များ

2 Agbia 15:29

Na ngoi so Peka ayeke gbia ti Israel, Teglat-Falasar, gbia ti Sirii aga si lo mu agbata tongana: Iyon, Abel-Bet-Maaka, Yanoa, Kedesh na Hasor. Lo mu nga sese ti Galaad, ti Galile na ti Neftali kue. Lo gbu azo ti agbata ni si lo gue na ala na kodro ti Asirii.

2 Agbia 16:8

Ahaz amu nginza na lôro so ayeke na ya ti kota da ti KOTA GBIA nga na ya ti kubu so a bata amosoro ti yangbo ti gbia daa si lo tokua ni na kadoo na gbia ti Asirii.

2 Agbia 17:24

Gbia ti Asirii amu azo ti Babilone, ti Kuta, ti Ava, ti Hamat na ti Sefarvaim aga na ala si lo zia ala na ya ti agbata ti Samarii na plase ti azo ti Israel. Azo ni amu Samarii, aga sese ti ala wani si ala duti na ya ti agbata ni.

2 Agbia 17:6

Na ngu gumbaya ni so Osée ayeke le-gbia, gbia ti Asirii amu gbata ti Samarii. Lo gbu azo ti Israel si lo gue na ala na kodro ti Asirii. Lo zia ambeni na sese ti Hala, ambeni na tere ti ngu ti Habor, na sese ti Gozan si ambeni na ya ti agbata ti Medii.

2 Agbia 18:11

Gbia ti Asirii agbu azo ti Israel, ague na ala na kodro ti Asirii; lo zia ambeni na sese ti Hala, ambeni na tere ti ngu ti Habor, na sese ti Gozan si ambeni na ya ti agbata ti Medii.

2 Agbia 18:15

Ezekias amu na lo wen ti nginza so kue ayeke na ya ti kota da ti KOTA GBIA nga na amosoro so kue ayeke na ya ti kubu ti batango amosoro ti yangbo ti gbia.

2 Agbia 18:32

Na pekoni, mbi yeke ga ti mu ala, ti gue na ala na mbeni sese so ayeke tongana sese ti ala, sese so *ble na fini vin ayeke daa, sese so kobe na vin asi singo daa, sese ti akeke ti olive na ti mafuta ti wotoro. Tongaso, fade ala yeke kui pepe, ala yeke ngba na fini. Ala ma Ezekias pepe; biani, lo yeke handa ala, lo tene: Fade KOTA GBIA ayeke zi e!

1 Mbai 5:26

Nilaa Nzapa ti Israel azia na be ti agbia ti Asirii, Pul na Teglat-Falasar titene ala ga amu sese ti amara ni si ala gbu azo ni ague na ala na Hala, Habor nga na Hara, nduru na *bale ti Gozan. Ala ngba kâ ngbii asi laso.

Amato 28:11

Zo ti mosoro abaa tere ti lo tongana zo ti ndara; me wayere so ahinga ndo, fade lo yeke hinga nda ti zo ti mosoro ni.

Ésaïe 10:8

Lo tene: ‘Amakonzi ti aturugu ti mbi kue ayeke agbia pepe?

Ésaïe 5:21

Mawa na ala, azo so abaa tere ti ala tongana azo ti ndara, azo so abaa tere ti ala tongana azo ti hingango ndo!

Jérémie 46:8

Ezipte laa; lo suku tongana Nil. Lani lo tene: “Tongana ti so Nil asuku, tongana ti so ngu ni asuku ahon ndoni tongana ti bale, mbi yeke suku ti mu ndö ti sese kue; mbi yeke sara si agbata abuba, ala na azo ti ya ni kue.

Jérémie 48:14

“Ala, azo ti Moab, a sara tongana nyen si ala tene: ‘E yeke angangu zo ti bira, e yeke akoli so ahinga ti tiri bira mingi’?

Ezekiel 25:3

Fade mo yeke tene na ala ti ma tënë so mbi Kota Gbia NZAPA, mbi yeke tene na ala: Na lango so ndo so a zia ni nde ndali ti mbi aga sioni, na lango so a buba sese ti Israel si a gbu azo ti Juda a gue na ala na kodro wande, ala azo ti Amon, ala tene, ‘Huuu huuu!’

Ezekiel 26:2

“*Molenge ti zo, ndali ti so azo ti gbata ti Tir ahe Jérusalem, atene: ‘Huuu! Huuu, ti lo ahunzi awe, gbata so lani azo kue ayeke hon daa so! Fadeso, ngoi ti e alingbi awe titene e wara gba ti mosoro, ngbanga ti so lo ti biani awe!’

Ezekiel 29:3

Mo tene na lo: Tënë so Kota Gbia NZAPA atene ayeke so: Mbi yeke ga na tere ti mo, Faraon, gbia ti Ezipte. Mo yeke tongana kota sioni nyama so akpa ngunde si alango na ya ti angu ti Nil. Mo tene: ‘Ngu ti Nil ayeke ti mbi; mbi wani laa mbi sara ni.’

Ezekiel 35:13

Ala tene tënë na tere ti mbi na baba; ala tene atënë ti baba na tere ti mbi: mbi ma atënë ni kue awe.

Daniel 4:27

Lo mu tënë si lo tene: “So Babilone pepe? Kota gbata so mbi sara ni titene aga ndo ti lango ti gbia so! Mbi sara ni na lege ti ngangu ti mbi ti gbia. Mbi sara ni titene azo agonda iri ti mbi.”

Daniel 4:30

Taa gi na ngbonga ni so, tënë so a tene na ndö ti Nabukodonosor aga taa-tënë: azo atumba lo na popo ti ala; lo yeke te pere tongana bagara si ngu ti pere amu tere ti lo kue. Kua ti li ti lo ayo aga tongana kua ti tere ti *ngoalo si anzënë ti maboko ti lo ayo aga tongana ti andeke.

Amos 5:27

Ndani laa, mbi yeke sara si a gbu ala ti gue na ala yongoro na peko ti Damas kâ”; tënë so KOTA GBIA atene laa. Iri ti lo ayeke “Nzapa so ayeke na ndö ti dunia kue.”

Amos 6:13

Ala yeke sara ngia, ngbanga ti so ala so benda na Lo-Dabar, gbata so ayeke ye oko pepe so. Na pekoni, ala yeke tene: “Ndali ti ngangu ti e laa e mu gbata ti Karnaim, ngangu gbata so!”

Habakuk 1:11

Ala hon tongana ngangu pupu, ala yeke hon ti ala hongo, tongaso tënë aga na li ti ala. Ngangu ti ala wani laa ayeke nzapa ti ala.”

Habakuk 1:16

Ndani laa, ala yeke mu *sandaga na gbanda ti ala, ala yeke zö dukani na ngbengbe ti ala, ngbanga ti so, ndali ti gbanda ni na ngbengbe ni si ala wara gba ti susu na nzoni kobe ti tengo ni.

Habakuk 2:6

Me ti azo so lo zia ala na gbe ti komandema ti lo so, fade ala kue ayeke kasa lo, ala yeke he lo na ngia si ala yeke tene atënë ti songo be na lo.” Fade ala yeke tene: “Mawa na mo, mo so mo yeke bongbi na ndö ti tere, na ndö ti tere aye so ayeke ti mo pepe! Mo yeke bongbi ni ngbii asi lawa? Gba ti ayongo laa mo bongbi ni na ndö ti mo.

Ndia ti fani use ni 8:17

Ala tene na be ti ala pepe, atene: “Mbi wara amosoro so kue na lege ti akua ti mbi nga na lege ti ngangu ti mbi wani.”

Awafango-ngbanga 7:2

*KOTA GBIA atene na Gédéon: “Aturugu so mo yeke na ni awu mingi, lege titene mbi zia azo ti Madian na maboko ti ala ayeke daa pepe, ndali ti azo ti Israel agonda tere ti ala atene: ‘Ngangu ti e laa asoo e!’