Ésaïe 10:12 - Mbeti ti Nzapa - Tënë so amu fini

¹² Tongana KOTA GBIA ahunzi ande akua ti lo kue na li ti hoto ti *Sion nga na Jérusalem awe, fade lo yeke ga na tere ti gbia ti Asirii ndali ti kuru baba ti lo nga ndali ti bango azo tongana mbumbuse ye.

Ésaïe 10:12 ပူးပေါင်းရင်းမြစ်များ

2 Agbia 19:31

Biani, tanga ti azo so angba na fini ayeke sigigi na Jérusalem, azo so awara lege ti kpe ayeke londo na ndö ti hoto ti *Sion. “Baa, ye so KOTA GBIA ayeke sara na lege ti kota nzara ti be ti lo laa.”

Abia (Psaumes) 18:27

Zo so ayeke na vuru be, mo yeke sara na lo na vuru be, me zo so ayeke na sioni be, mo yeke na kode ti sara sioni na lo.

Abia (Psaumes) 21:10

So mo yeke si na ala, mo yeke gbi ala na le ti kota wâ. Na lege ti ngonzo ti KOTA GBIA, lo yeke hunzi ala kue, mbeni wâ ayeke gbi ala kue.

Abia (Psaumes) 76:10

na ndembe so mo londo ti fâ ngbanga, ti soo asenge zo kue ti sese. Luti kete

Abia (Psaumes) 76:5

Nzapa, zango ti mo ahon ndoni, gonda ti mo ayeke kota si ayeke pika le ti zo ahon gba ti aye so azo agbu na peko ti bira, aye ni aga tongana hoto.

Amato 21:4

Le so abaa zo tongana mbumbuse ye nga na kate so asuku na baba, aye so afa polele na gigi siokpari ti zo.

Amato 30:13

“Ambeni zo ayeke daa so baba ahon ndö ti ala si ala yeke baa amba ti ala tongana ambumbuse ye.

Ésaïe 2:11

Fade kamene ayeke gbu le ti zo ti baba, a yeke zia zo ti pikango kate na kete ndo. Na lango ni so, gi KOTA GBIA oko laa azo ayeke ya iri ti lo.

Ésaïe 2:12

Biani, KOTA GBIA so ayeke na ndö ti dunia kue, mbeni lango ti lo ayeke ga so lo yeke fâ ngbanga na li ti azo ti pikango kate, azo so ayeke ya iri ti ala nga na azo so abaa atene, ala hon amba ti ala so; lo yeke kiri ala na kete ndo.

Ésaïe 24:21

Na lango ni so, fade *KOTA GBIA ayeke ga na tere ti aye mingi mingi ti yayu; lo yeke ga na tere ti agbia ti sese.

Ésaïe 27:7

Azo so lani apika azo ti *KOTA GBIA so, lo pika azo ti lo ni tongana ala? Azo so lani afâ azo ti KOTA GBIA so, lo fâ azo ti lo ni tongana ala?

Ésaïe 27:9

Lege so a yeke zi sioni na li ti Jacob laa; ye so ayeke si na peko ti zingo siokpari na li ti lo ni ayeke so: fade a yeke nika atêne kue ti agbalaka tongana ti so a yeke nika mbamba si aga fuku. Akeke so azo aleke aluti na nduzu si ala yeke voro ni, wala ata ti wen so ala zia nde titene ala zö dukani na ya ni ayeke kiri ti ngba na nduzu pepe.

Ésaïe 29:14

Ndani laa, fade mbi yeke ngba ti sara si li ti azo so akpe na lege ti aye ti dongo be. Fade a yeke buba ndara ti azo ti ndara, a yeke honde hingango ndo ti azo ti hingango ndo.”

Ésaïe 33:1

Mawa na mo, mo so mo yeke buba ye si ade a buba mo pepe so! Mawa na mo, mo so mo yeke ka azo si ade ti ka mo pepe so! Tongana mo buba aye kue awe, fade a yeke buba nga mo. Tongana mo ka azo kue awe, fade a yeke ka nga mo.

Ésaïe 37:23

Zo wa laa mo zonga lo si mo bi buba na tere ti lo so, zo wa? Zo wa laa mo dekongo na li ti lo si mo baa lo tongana mbumbuse zo so, zo wa? Mo sara ye so na mbi Nzapa ti Israel, mbi so mbi yeke nde si mbi yeke nzoni kue!

Ésaïe 37:29

Biani, mo sara ngonzo na tere ti mbi, zongango mbi so mo zonga mbi so, mbi ma tënë ni awe. Ndani laa, fade mbi yeke yoro *kongi ti wen na hon ti mo, mbi yeke yoro kamba ti wen na yanga ti mo. Fade mbi yeke zia mo gi na oko lege so mo mu ti ga ge so ti kiri na ndo ti mo.

Ésaïe 5:15

Azo kue ayeke ba li ti ala na sese, azo ayeke kiri na kete ndo; kamene ayeke gbu le ti azo ti baba.

Ésaïe 50:11

Me ti ala so kue ayeke tingo wâ, ala so agbu ale ti kokora so wâ ayeke na yanga ni, ala gue na ya ti menga ti wâ ti ala ni nga na popo ti ale ti kokora so ala tingo wâ daa so. Ye so KOTA GBIA aleke ti ku na ala laa; ala yeke kui na ya ti kota pasi.

Ésaïe 65:7

Mbi KOTA GBIA, mbi tene: Mbi yeke futa ala alingbi na sioni ti ala wani nga na sioni ti akotara ti ala. Akotara ti ala ayeke zö ando yombo na li ti ahoto, ala yeke zonga mbi na li ti akete hoto. Tongaso, mbi yeke futa ala sioni sioni ndali ti aye so ala sara ando so.”

Ésaïe 9:9

“Abiriki ti ada atuku awe, fade e yeke kiri ti sara ada ni na têne so a de tere ni dengo. A de akeke ti sikomor na sese awe, fade e yeke kiri ti lu akeke ti sedre na plase ni.”

Jérémie 25:29

Biani, gbata so a zia nde ndali ti mbi, mbi yeke to nda ti tokua kota kpale ti ti na ndö ni. Ala baa ti ala atene, ala yeke sigigi na ya ni? Oko pepe, fade ala yeke sigigi na ya ni pepe. Me gi bira laa mbi yeke tokua na tere ti azo ti dunia kue; so tënë ti yanga ti KOTA GBIA laa.”

Jérémie 50:18

Ndani laa, tënë so KOTA GBIA so ayeke na ndö ti dunia kue, Nzapa ti Israel atene ayeke so: “Mbi yeke ga na tere ti gbia ti Babilone, lo na kodro ti lo tongana ti so mbi ga lani na tere ti gbia ti Asirii.”

Jérémie 50:32

Zo ti baba ni aye ti ti, si lo ti awe; me zo ti yo lo na nduzu ayeke daa pepe. Mbi yeke bi wâ na ya ti agbata ti lo, wâ ni ayeke gbi aye so kue ayeke na tere ni.”

Ezekiel 31:10

“Ndani laa, tënë so mbi Kota Gbia NZAPA, mbi tene ayeke so: Keke ti sedre ni akono awe, lo yo na nduzu ngbii li ti lo asi na ya ti ambinda si baba ahon ndö ti lo ndali ti yongo ti lo ni.

Ezekiel 31:14

Tongaso, mbeni keke oko so ayeke na tere ti ngu alingbi ti yo na nduzu ngbii li ti lo asi na ya ti ambinda pepe si lo pika kate ti lo ndali ti yongo ti lo ni pepe. Biani, azo na akeke, ala kue ayeke kui kuingo si ala yeke gue na gbe ti sese legeoko tongana ala so ali na du ti kuâ.

Daniel 11:45

Fade lo yeke zia ada ti lo ti bongo ti gbia na popo ti kota ngu-ingo na hoto so ayeke nde si ayeke nzoni kue si ayeke na pendere kodro. Na ndo so laa lango ti lo ayeke hunzi, me zo oko ayeke mu maboko na lo pepe.’ ”

Wungo ti azo 24:24

Amangboko alondo na mbage ti zoa ti Shipre ti ga. Azo ayeke sara ngangu na azo ti mara ti Asirii nga na azo ti mara ti Eber. Ataa azo ti mara ti Eber ni kue, gigi ti ala ayeke gue ande ti buba.”

Matthieu 12:33

“Tongana mbeni keke ayeke nzoni, fade lengo ni ayeke nzoni. Tongana keke ni abuba, fade lengo ni nga abuba. Biani, a yeke hinga keke gi na lege ti alengo ti lo.

Matthieu 15:19

Biani, aye tongana asioni tënë ti be ti zo, fango zo, gingo wali wala koli ti zo, sarango aye ti ndumba, nzi, tenengo mvene na le ti ngbanga na zongango ndo, alondo kue na be ti zo si asigigi.

Ndia ti fani use ni 32:27

Me mbi sara mbeto titene awato ti ala ahe ala; mbi sara mbeto titene azo ti kengo ala ahanda tere ti ala pepe, atene: ngangu ti maboko ti e laa asara ye so, KOTA GBIA laa asara ni pepe!

1 Pierre 4:17

Biani, ngoi so e yeke daa ayeke ngoi so Nzapa ayeke to nda ti fango ngbanga ti azo ti da ti lo. So Nzapa ayeke to nda ti fango ngbanga ti e kozoni so, fade ti azo so ake ti ma na be na Nzoni Tënë ti Nzapa ayeke duti tongana nyen?